kun mkhyen 'jigs med gling pa

kun mkhyen 'jigs med gling pa

gsang sngags snga 'gyur gyi bstan 'dzin skyes chen mkhas grub gnyis ldan zhig yin/mtshan gzhan mkhyen brtse 'od zer yang zhu/lho kha 'phyongs rgyas dpal ri dgon gyi nye 'dabs su yab chos rje smon lam bzang po dang/yum mdo srib steng khang pa'i rigs su rab byung bcu gnyis pa'i sa bya (1729)lor 'khrungs/dgung lo drug pa la phebs skabs dpal ri 'od zer theg mchog gling du chos skor zhugs te sprul sku ngag dbang pad+ma las rab tu byung/dgung lo bcu la phebs skabs paN chen shAkya shri'i sdom rgyun gnas gsar ba kun dga'i drung nas dge tshul gyi sdom pa bzhes/dgung lo bcu gsum nas lo shas ring grub dang thugs mchog rdo rje dang/drung dam chos blo gsal dbang po/chos rje theg chen gling pa/zhal sgom chen po/bla ma kun tu bzang po/kong smyon sbas pa'i rnal 'byor sogs bla ma mang du bsten nas/gsang sngags gsar rnying gi chos bka' mtha' yas pa gsan/mchims phu sogs bden pa'i gnas su lo mang po'i bar du sgrub pa nyams bzhes rtse gcig tu mdzad pas rig 'dzin gong rnams dang dbyer med pa'i grub pa'i go 'phang mthong por gshegs shing/snga 'gyur bstan pa yongs rdzogs kyi bdag por gyur/dgung lo so bzhi pa rab byung bcu gsum pa'i chu rta (1762)lor tshe ring ljongs kyi sgrub sde phyag btab ste sku tshe hril por gtso cher sgrub gnas de nyid du thugs dam nyams bzhes la gzhol bar mdzad cing/mon dang/kong po/khams phyogs/gtsang sa skya sogs su gdan drangs pa ltar phebs te rang rang so so'i mos pa dang 'tshams pa'i mdo sngags chos mang du gnang bas/brgyud pa 'dzin spel nus pa'i slob ma yang mang po byung/snga 'gyur bstan pa'i srog rtsar smin nges kyi gsung rtsom yang (yon tan rin po che'i mdzod )rtsa ba dang 'grel pa/(snga 'gyur rgyud 'bum rin po che'i rtogs brjod/) (gtam tshogs theg pa'i rgya mtsho/) sogs sde dge dkar khang chen mor pod dgu tsam bzhugs/dgung lo bdun cu pa rab byung bcu gsum pa'i sa rta (1789)lor dgongs pa gzhan du gshegs mdzad rnam zhib rgyas ma mngal yang mdor bsdus tsam (gu bkra chos 'byung )deb chen lcags dmar ma'i shog grangs 635nas 644bar gsal/rnam thar rgyas pa kha byang du (rdzogs chen mkhyen brtse 'od zer gyi rnam thar legs byas yongs 'du'i snye ma )zhes 'khod pa dpar ma la grangs 340yod pa der gzigs

{{#arraymap:kun mkhyen 'jigs med gling pa

|; |@@@ | | }}