kun mkhyen bu

kun mkhyen bu

bod ljongs yongs su grub mtha' ris med kun gyis gus bkur zhu ba'i paN+Dita chen po bu ston rin chen grub yin cing/khong ni gtsang stod kyi shab smad sgom gnas zhes pa'i grong du yab bla ma rgyal mtshan dpal bzang dang yul slob dpon ma bsod nams 'bum kyi sras su rab yung lnga pa'i lcags stag (1290)lor skur 'khrungs/sku gzhon du byis pa'i dus nas thugs rab dang kun spyod 'gran zla bral zhing 'bri klog sogs thengs re re tsam gyis mkhyen pa'i rtsal phun sum tshogs pa mnga'/dgung lo brgyad la phebs skabs khro phu bsod nams seng ge'i drung nas sems bskyed dang gsang sngags kyi dbang gsan/dgung lo bco brgyad la phebs p+sabs mkhan po las rab tu byung/slob dpon de nyid dge rgan du bsten nas phar phyin dang tshad ma la thugs gnyer mdzad de/dgung lo nyer gcig la phebs skabs bshad pa dang grwa skor mdzad pas mkhas pa gzhan gyis 'gran par mi nus pa'i mtshan snyan gyis yongs su khyab/slob gnyer gnang ba'i ring zhogs pa dus thong nang dpe ring mda' tshad ma (yig phreng ring thung skar ma 52phreng rer yig 'bru 55ngos rer yig phreng bdun re yod pa zhig )bdun re thugs la bzung bar mdzad/gzhan yang slob dpon de nyid kyi drung nas 'dul ba dang/mngon pa/dbu ma bcas dang/yang rtse ba rin chen seng ge las gsang bde 'jigs gsum/gshin rje gshed/'khor lo chen po/sgrol ma/phag mo/kun rig sogs rgyud sde bzhi'i dbang khrid shin tu mang ba dang/bla ma rnam snang ba'i drung nas ma gcig gi gcod skor/rang nyid kyi yab brag ston rgyal mtshan dpal bzang las phyag na rdo rje'i skor/mkhan chen dka' bzhi pa dkon mchog gzhon nu las spyan ras gzigs don yod zhags pa'i skor/thar pa lo tsA la nyi ma rgyal las sgra dang snyan ngag /kun mkhyen 'phags 'od las gsang ba 'dus pa/bla ma rdo rje rgyal mtshan las dus 'khor sogs bod 'dir chos rgyun gang bzhugs yongs su rdzogs pa gsan/dgung lo nyir gsum pa lam khan chen dka' bzhi pa grags pa gzhon nu dang slob dpon bsod nams grags pa gnyis kyi drung nas bsnyen rdzogs kyi sdom pa bzhes/de nas mi ring bar khro phu dgon pa'i 'chad nyan kyi slob dpon mdzad de lo shas bar grwa slob rnams la mdo sngags gnyis kyi slob khrid dus skabs nam yod la sku ngal med par bskyangs shing/rgya gar dang kha sin+d+hu sogs kyi yi ge dang skad mi 'dra ba 'ga' zhig kyang slob sbyong mdzad de gzhi 'gyur gnang thub pa'i tshad lon par mdzad/mtshan mo'i dus su mnal ma gzims par thugs dmas nyams bzhes gtso bor mdzad pas mdo rgyud nas bshad pa ltar rtogs pa'i yon tan kyang thugs rgyud la 'khrungs pa sogs bstan pa yongs rdzogs kyi bdag por bzhengs/dgung lo so gcig pa rab byung lnga pa'i lcags sprel (1320)lor zha lu'i sku zhang grags pa rgyal mtshan gyis gdan drangs pa ltar zha lu'i mkhan por phebs/grwa slob rnams la gzhung chen po lnga'i slob khrid dang slob ma snod ldan nyung shas la gsang sngags kyi dbang khrid lung la sogs pa gnang zhing/zha lu ri phug gi sgrub p+sade yang phyag btab pas/skabs der zha lu'i chos sde rang la dge 'dun zhal grangs sum stong brgyad brgya tsam dang/ri phug tu sgrub pa nyams bzhes mdzad mkhan tshogs pa lnga brgya tsam 'dus thog /slob ma mkhas btsun bzang gsum 'dzoms shing bstan pa 'dzin pa'i skyes chen dang/gzhung chen po 'chad nyan gyi slob dpon sgrub pa'i rgyal mtshan 'dzin pa'i bya bral rnal 'byor pa sogs grangs las 'das pa zhig byung zhing/de dag gi zhor la sku gsung thugs rten bzhengs pa dang/dge 'dun gyi sde la bsnyen bkur mdzad pa/mdo sngags kyi gzhung chen mo mang po mdzad pa sogs gang dang gang la'ang sku tshe gcig ring de kho na mdzad nas bzhugs pa lta bu'i mdzad rjes blo yul du shong dka' ba zhig yin/dgung lo don lnga bzhes pa rab byung drug pa'i shing 'brul (1364)lor dgongs pa mya ngan las 'das/gsung rtsom yang (chos 'byung chen mo )dang/(dus 'khor rtsa rgyud kyi 'grel pa )sogs dus 'khor gyi skor/(bde mchog rtsa rgyud kyi 'grel pa )sogs bde mchog gi sko/(gsang 'dus rtsa rgyud kyi 'grel pa )sogs gsang ba 'dus pa'i skor/(rgyud sde rgya mtsho'i gru gzings )sogs rnal 'byor rgyud kyi skor/(rgyud sde spyi'i rnam bshad )rgyas 'bring bsdus gsum/(phar phyin mngon rtogs rgyan gyi 'grel pa/) (mngon pa kun btus kyi 'grel pa/) (spyod 'jug gi 'grel pa/) (tshad ma rnam nges kyi 'grel pa/) (sgra mdo ka lA pa'i 'grel pa )sogs lha sa zhol dpar khang gi dpar mang pod 28bzhugs/rnam thar lo rgyus rgyas pa ni/thugs sras rin chen rnam rgyal gyis mdzad pa'i (dpal ldan bla ma dam pa mkhan po lo tsA ba'i rnam par thar pa snyim pa'i me tog )ces kha byang du 'khod pa thugs sras de nyid kyis gsung 'bum nang du yod/khong gi mdzad rnam mdor bsdus shig (deb ther dmar po'i mchan 'grel )(mi rigs dpe skrun khang gis (1981)lor par skrun byas pa'i deb gzugs lcags dpar ma )gyi mchan rtags ang 364par gsal bas der gzigs

{{#arraymap:kun mkhyen bu

|; |@@@ | | }}