kun rdzob bden pa

kun rdzob bden pa

1 bye brag smra ba'i lugs ltar na mdzod las/gang la bcom dang blo yis gzhan/_/bsam ne de blo mi 'jug pa/_/bum chu bzhin du kun rdzob tu/_/yod de zhes pa ltar chos ga ngal bcom byed kyis bcom pa dang/sel byed kyi blo cha gzhan bsal bas der 'dzin yi blo 'dor du rung ba'i chos ni kun rdzob bden pa ste/dper na bum pa dang bum pa'i nang gi chu lta bu'o//bum pa tho bas bcom pa na bum 'dzin gyi blo 'dor ba'i phyir dang bum nang gi chu'i kha dog dang dri ro sogs blos cha gzhan bsal ba na bum chu 'dzin pa'i blo dor ba'i phyir ro/_/2 mdo sde pa'i lugs ltar na/rtog pas btags tsam gyi chos de'i mtshan nyid/sgra don rnams de'i mtshan gzhi/bum pa'i sgra don can/khyod la kun rdzob bden pa zhes brjod pa'i rgyu mtshan yod de spyi 'dzin rtog pa ni blo kun rdzob pa yin la/khyod de'i ngo bor bden pas na kun rdzob bden pa zhes bshad pa'i phyir/3 sems tsam pa'i lugs ltar na/kun nas nyon mongs pa skye rung gi chos tha snyad pa de kun rdzob bden pa'i mtshan nyid/mtshan gzhi ni bum pa dang/ka ba lta bu'o/_/sgra bshad ni/btags pa dang shes pa dang brjod pa'i kun rdzob gsum gyi ngor bden pa'am yod pas na kun rdzob bden pa zhes brjod/de la dbye na/gzhan dbang dang kun btags kyis bsdus pa'i kun rdzob bden pa gnyis yod/dang po dang 'dus byas don gcig /gnyis pa dang don nam bden pa las gzhan pa'i 'dus ma byas kyi chos rnams don gcig /3 dbu ma rang rgyud pa'i lugs ltar na/rang mngon sum rtogs pa'i mngon sum tshad mas gnyis snang dang bcas pa'i tshul gyis rtogs par bya ba de kun rdzob bden pa'i mtshan nyid/de yang kun rdzob ni 'khrul bcas kyi blo'i shes ngor rang las tha dad du snang ba dang bden grub tu snang ba'i sgo nas rtogs par bya ba de la kun rdzob bden pa zhes brjod pa yin/mtshan gzhi ni bum pa lta bu'o/_/5 dbu ma thal 'gyur ba'i lugs ltar na/rtog pas btags tsam du grub pa'i chos de kun rdzob bden pa'i mtshan nyid/yang na/don dam par don byed mi nus pa'i chos de kun rdzob bden pa'i mtshan nyid/mtshan gzhi ni/nam mkha' dang/gang zag gi don spyi lta bu'o/_/kun rdzob bden pa/rtag pa/spyi mtshan rnams don gcig yin/sgra bshad ni/'dus ma byas kyi nang mkha' sogs chos can/khyod la kun rdzob bden pa zhes bya ste/blo kun rdzob pa rtog pa'i ngo tsam du bden pas na/kun rdzob bden pa zhes brjod pa'i phyir/kun rdzob bden pa zhes ba'i tshig zur gyi kun rdzob de rtog pa la byed cing khyod de'i ngo tsam du bden pas so/_

{{#arraymap:kun rdzob bden pa

|; |@@@ | | }}