kun rdzob kyi snang ba

kun rdzob kyi snang ba

kun rdzob te thams cad bslu bar byed pa'i don gyis so/_/grangs can pa'i lugs kyi kun rdzob kyi snang ba ni/ji srid rang bzhin dang/skyes bu gnyis gcig tu zhen nas/rnam 'gyur rnams rtsa ba'i rang bzhin gyis sprul pa'i tshul ma shes par yul la longs spyod pa de srid du skyes bu de'i rgyud la kun rdzob kyi snang ba dang bcas pa yin/nam zhig skyes bu des yul gyi nyes dmigs mthong nas chags pa dang bral bar gyur pa dang spyi gtso bo de 'khor ba'i rtsa bar mthong bas na gtso bo las rnam 'gyur gsar du mi spros shing/rnam 'gyur rnying pa rnams nye bar bsdus/skabs der gtso bo de bdag tu mi 'gro zhing bral bar 'gyur te 'ja' ltar yal ba de'i tshe skyes bu de'i rgyud la kun rdzob kyi snang ba thams cad dang bral ba yin zer/de yang dper na/mtshan mo mun nag gis khyab pa'i khang pa'i nang du skyes bu 'dod chags can dang bud med mdze can zhig dga' ba dang bcas pa las skyes bu der mdze nad bgos te sdug bsngal mi bzod pa myong ba bzhin dang/gang gi tshe nam langs pa na bud med mdze can yin pa shes pa de'i tshe skyes bu 'di nam yang de dang lhan cig 'dris par mi byed cing/bud med der ches bltas byas pas ngo tsha bas skyengs te 'dod chags kyi rnam 'gyur rnams nye bar bsdus nas bros pa bzhin no/_

{{#arraymap:kun rdzob kyi snang ba

|; |@@@ | | }}