lcags po ri bod sman slob grwa chen mo

lcags po ri bod sman slob grwa chen mo

dpar ra sa 'phrul snang gi gtsug la khang chen po'i 'dabs su chags shing rigs gsum mgon po'i bla ri dmar lcags bong gsum du grags pa'i ya gyal/phyag na rdo rje'i bla ri lcags ri 'di seng ge gnam du mchongs pa lta bu'i dbyings su snang ba sogs bkod pa ngo mtshar zhing lcags dang gser la sogs pa'i gter yang yod par grags/skyes chen du mas mchod pa'i gnas su mdzad cing/lag par du grub pa'i dbang phyug thang stong dgung lo bdun cur phebs pa rang byung brgyad pa'i lcags khyi (1430)lor sgrub gnas lta na sdug pa 'di nyid dum chod khang dang bcas pa gsar bzhengs thog yun ring bzhugs/sman rgyal mi yi zlos gar sde srid sangs rgyas rgya mtsho'i dpal gyis zhabs bcags te sman gyi ri bo'i gzigs snang bsam gyis mi khyab pa byung bar brten/de sngon tA la'i bla ma sku phreng lnga pas 'bras spungs su dga' ldan pho brang nub mar nyi thang zhabs drung blo bzang rgya mtsho slob dpon dang/byang ngos bstan 'dzin dar rgyas nas do dam byed pa'i gso rig 'gro phan gling gsar 'dzugs/de bzhin gzhis rtse bsam 'grub rtser tsha rong pas do dam byed pa'i go rig drang srong 'dus pa'i gling/rtse lha dbang lcog tu byang ngos pa dang dar mo sman rams pa blo bzang chos grags sogs kyis do dam byed pa'i gso rig slob grwa khag cig bcas 'dzugs gnang mdzad kyang yun ring gnas ma thub par brten/gong sa lnga pa chen po dgongs pa chos dbyings su gshegs nas lo bco lnga 'khor ba rab byung bcu gnyis pa'i me byi (1696)lor sman pa'i slob grwa lcags ri bai DUr+ya lta na ngo mtshar 'gro phan rig byed gling zhes su grags pa phyag btab par mdzad cing/gso rig gi lag len slob rgyud 'phel rgyas 'byung slad sa gnas kyi ris med dgon sde khag nas grwa slob go pher re gtan 'dzugs dgos pa'i bka' rgya rtsa tshig dang bca' yig chen mo/grwa rgyun 'dzugs khongs kyi dgon deb sbug dam 'byor ma/grwa tshang drug cu re bzhir 'tsho rten chos gzhis dang/de'i 'byed khra/she bam chen mo sogs sbug dmar 'byar ma'i gtan tshig khag bcas ma khyab pa med pa'i mthun rkyen rnams 'jog gnang mdzad/slob grwa'i slob dpon du dar ma sman rams pa blo bzang chos grags dang/'gram pa dge slong blo bzang ngag dbang gnyis bsko gzhag bstsal/sde srid sangs rgyas rgya mtsho mchog nas gso rig gi skor la (rgyud bzhi'i 'grel pa bai DUr+ya sngon po )dang/(man ngag lhan thabs dus min 'chi zhags gcod pa'i ral gri) (gso rig khog 'bugs drang srong dgyes pa'i dga' ston/) (rtsis gzhung bai DUr+ya dkar po/) (bai dkar g.ya' sel ) la sogs pa rig gnas gzhung lugs chen po ji p+sanyed cig thugs rtsom mdzad pa rnams kyi ma dpe 'jog pa gnang yod cing/dus rabs brgyad pa'i nang g.yu thog rnying ma yod tan mgon pos mdzad pa'i (rgyud bzhi'i ma phyi nang gsal mi'i byang khog lug thog gi rtsa 'grel )las gong sman mkhas dbang brang te dpal ldan mtsho byed dang/byang zur rnam gnyis sogs kyi dpe ris thon pa'i sman thang re zung yod pa gzhir dpyad sman gzhung slob khrid thog lag len gyi nus pa thon nges bzhin pa'i ches cha tshang ba dang/ches gzhung don tshang ba'i sman thang tshon khra ngo grangs don dgu dang/bla rgyud kyi thang ka gcig bcas brgyad cu tham par gsar bsgrigs mdzad pa ma zad/skabs der sde srid rin po che sku dngos kyi dgongs dpyad ltar/lha bris pa ri mo mkhas can blo brag bstan 'dzin nor bu can la thugs bkod bstsal ba gzhir bzung byang khog phyi nang gi ri mo ji bzhin bris pa'i thang kha gcig bris nas slob gzhi'i dpe ris yongs rdzogs 'jal gnang mdzad pa ma zad/rab byung bcu gnyis pa'i me glang (1697)lo'i zla 5tshes 25 la sde srid sangs rgyas rgya mtsho sku gdongs slob grwa'i tshogs dbus su phebs nas rtsa rgyud kyi ljags lung gnang skabs drung 'tsho dar mo ba'i slob 'khor kyang zhu bar bcas mkhan mang ba dang/lcags ri rig byed gling sman grwa ngag dbang rgya mtshos gso rig rtsa rgyud yongs rdzogs dang/bshad rgyud kyi le'u bcu gnyis pa/man rgyud kyi le'u dang gnyis dang/le'u don lnga pa/phyi rgyud kyi le'u bzhi pa dang nyer bdun pa/mjug don shog bu gnyis rnams sde srid rin po che sku dngos gyis rgyugs bzhes mdzad pa sogs bla na med pa'i dgongs bzhed zab mo'i thog slad phyin mkhan slob yongs nas byed por gtso bo rigs pa'i gzhung lugs dang/smon bcos lag len zur 'brel gyis phyogs gang ci'i thad snang chung stong g.yengs sum song bar do dam pa lugs snon chen pos hur brtson gyi slob sbyong dang slob khrid nus pa thon dgos pa'i bka' slob ting non bstsal bar brten dge slob tshang mas spyi bor dang len zhus pa'i snying por thog mar sman grwa ngag dbang rgya mtshos sde srid rin po cher rgyugs 'bul zhus rjes slob grwa'i tshogs gzhung du'ang rgyud bzhi yongs rdzogs rgyugs 'bul zhus pa dang/de rjes lcags ri sman grwa grags rgyal grong pa sangs rgyas srid sgrub kyis gso rig rgyud bzhi cha tshang rgyugs 'bum zhus gnang zhing gong sa chen po'i sku'i bla sman pa zhabs zhu dang/gdan sa gsum la sman sbyin pa re gtong ba/lhag por tshad ldan gyi slob ma mang po thon nas gso rig kyi bstan pa'i mig rgyan du gyur pa dang/de mtshungs dus skyabs de dag gi yas mas su mdo smad byang shar khul dang sog yul sogs la yang bod sman gyi gso ba rig pa khyab gda' du phyin yod pa dper na/phyi sog skyabs mgon khal kha rje btsun dam pa'i bla sman lcags ri sman pa blo bzang chos 'phel dang skal bzang yang 'phel sogs snga rjes mkhas pa mang po gtong gnang mdzad pa dang/de bzhin gong ma'i dbu bla lcang skya rol pa'i rdo rje'i bla sman du lcags ri sman pa tA bla ma 'jam dbyangs mkhas grub gtong gnang mdzad pa/rjes su tA la'i bla ma sku phreng bdun pa bskal bzang rgya mtshos bla brang bkra shis 'khyil 'jam dbyangs bzhad pa sku phreng gnyis pa kun mkhyen 'jigs med dbang po dang/mtsho sngon gyi bstan 'dzin ching wang gnyis nas re zhus ltar lcags ri p+samon pa gtsang sman ye shes bzang po zhu ba bkra shis 'khyil sman pa grwa tshang gi slob dpon du gtong gnang mdzad pa/kun mkhyen 'jigs med dbang po lcags po rir gnas gzigs su phebs pa'i skabs der g.yu thog yon tan mgon po'i sku thang zhig bkrams yod pa nas go bur du rang 'gul gyis rlung bas sman pa grwa tshang phyag 'debs rgyu'i rten 'brel du dgongs nas nang rten la zhus gnang ba de bkra shis 'khyil sman pa grwa tshang du da lta'i mjal rgyur bzhugs 'dug lags/slob gnyer byed phyogs thad tA la'i bla ma bskal bzang rgya mtshos zhib cing phra bar gtan 'bebs gnang ba rnams 'dir yig tshogs che bas bkod med/yig tshang las khungs su mi babs spyan bstar zhus nas bka' 'khrol byung mtshams slob grwa'i sgrigs zhugs byas chog /de ga'i nyin sdom gnas dang rtsa ba'i slob 'khrid dge rgan thob khungs der 'gan dkris byas/des rgyun du sgrig lam kun spyod dang/bslab pa slob gnyer/'tsho ba'i 'gan srung bcas kyi do dam lag bstar bya rgyu dang/thob khungs gzhis dgon gyis kyang 'tsho gos la blta skyong dgos pa bcas dang/do dam gnas kyang dge rgan gyi ngan bkod dang len thog rgyun tshogs dang chos ra tshugs rgyu/phyag bde gzhon khral gyi rigs sgrig khrims kyi mtshungs 'thus shor med pa dang/rang 'khri'i slob gnyer la 'bad brtson lhod med kyis m+san zla gtso gyur gyi slob gra'i 'dod chos rnams ngag skyor tshogs rgyugs thengs gnyis 'bul rgyu dang/de rjes dpal ldan gso bo rig pa'i rgyud bzhi'i gsol 'debs dang/rgyud bzhi cha tshang thon na dmigs bsal gyis gzigs bzos gzengs bstod gnang srog 'dug pa dang/rtsa rgyud/bshad rgyud/phyi ma rgyud bcas rgyud gsum po ni nges par du gsal dag 'khyor gsum gyis tshogs rgyugs 'bul thub pa ma byung na slob grwa gnas thabs med la de yang lo dug song mtshams ba rje len byed srol yod/sman gzhung rgyugs 'bul zhu srol ni grwa sa'i dge bshes mtshan rtags gtong ba'i lam srol ltar mang cha nyin 'khyongs gzab legs dang thug pa ming btags 'bul dgos/snga dus lcags po rir rgyud bzhi cha tshang tshogs rgyugs 'bul mkhan byung yod pa der mkhan po'i gdan thob gnang zhing/sman gzhung po zhu pa'i 'dra sku yang mjal rgyud yod lags/smon gzhung ma thon bar dge phrug rnams so so'i dge rgan sar bsdad de dge rgan gyi zhu thog gang cir ngag bkod dang len thog nyin ltar dge rgan nas slob khrid gnang ba'i dpe cha blo 'dzin byas nas ngag rgyugs 'bul dgos pa dang dgon dro sa srong thog dge bskos nas skyor rda'i 'khar rnga brdung 'phrul shag so so'i sgo khar don nas chu tshod gcig gnyis tsam ring blo 'dzin ngag skyor byed dgos/gzhon khral ni sman 'thur 'gro rgyu ste/khu byug ma slebs gong phri yang ku dang/srad dkar me tog /byi srad sogs dus btu dgos rigs 'thu bar 'gro dgos pa dang/zla ba bzhi pa'i nang se ba'i me tog dang/dwa lis me tog /ug chos dkar po'i me tog sogs 'thu ba/zla ba lnga par par pa ta la sogs krung sman 'thu bar 'gro dgos/zla ba bdun pa'i tshes shar nas brag yer par sman 'thu chen mor sring skyong sangs rgyas rgya mtsho sku ngo phabs kyi lam ltar dge rgan bgres song dang lo na chung ba phud/de byings tshogs yongs nas sngo smad 'thu ba dang ngos 'dzin slob khrid zung 'brel byas nas lha khul dog bde nas brag yer pa tshun gyi ri rgyud gang sar sa gnas gzhan dang mi 'dra ba'i sman sne ha cang 'dzoms po yod/sman 'thur thon pa nas gzim lam la bzhugs ring tshun la sman slob rnams nas dge rgan las sne tshang mar bka' 'dri zhus nas slob khrid byas chog /gzim mal phar bag+r+yab nas las sne rnam pa rgyugs tshad bzhes rgyu'i sman ngo gra sgrig gnang gi yod/tshes 9skor nas sman mo rgyugs tshad len rgyu'i 'og tshugs de sngon sman sne kha brgya phrag lnga drug skor nas ma chag par ngo bsher rgyugs 'bum zhu dgos pa dang/tshes 13nyin thon skor gral sgrol skabs mi so sor yang grangs la gzhigs pa'i gzigs bzos gnang rgyu/zla ba bcu gcig pa'i zla mjug tu sman gnyer nas bkod sgrig gis gzhon ral rnams lo 'khor sman brdung gi sgra sgrig sman gan rgyag pa dang pag pa bshu ba sogs lan snon byed sgo gang ci 'thus tshang byas nas chabs cig sman khrog rnams zhor la ngos 'dzin yong gi yod lags pa dang/zla ba bcu gnyis par lo 'khor sman brdung che mo nyin bdun brgyad skor la tshogs yongs phebs dgos/de'i nang nas dge rgan las sne dang sman pa bgres pa smin sbyin thon pa yan nas rang so so'i sman sbyor gyi sbyar deb bsnams nas sbyor chang go sdur gyis thun mong thog nyams myong gsungs nas sman sbyor gnang ba dang/de 'og tshang mas sman gyi 'dus sbyong dang brdung brdar byas nas brdung sa gtun kong lnga yod pas brdungs sa rer mi gsum re yod pas gtun kong phan tshun 'gran bsdur byed pa dang/sman sbyor sne re tshang rim bzhin sbyar dbur tshad ldan brgyab bstun slob dmangs rgan pas 'go gsung bskul gyis sman nus skyor dgos pa dang/sman phud nas lha ldan smon lam chen mo'i sman khug brgyang dgos/sman brdungs las ka tshar ba'i kha byang shog lhe de gtun kong so so'i gyang ldebs su 'byar nas mang nyung blta bas byed pa des/las ka'i nus shugs la shugs rkyen bzang po yong ba'i 'gan srung thub kyi yod/gong gsal sman snga lnga bcu nga bzhi skor yod pa de dag nang bzhi brgya rtsa bzhi'i gnyen po gcig 'thus su gyur pa lus can phan bde'i gnas la ched du sman pa sogs dge mtshan nyin tu che bar mngon no/_

{{#arraymap:lcags po ri bod sman slob grwa chen mo

|; |@@@ | | }}