lcang skya rol pa'i rdo rje

lcang skya rol pa'i rdo rje

mtshan gzhan ye shes bstan pa'i sgron me dpal bzang po zhu ba 'di nyid tsong kha yang gi phyogs mdo smad yul gru lang gru sde bzhir rags pa'i nang tshan nub pad+mo sde'i chur gtogs pa'i 'brog nags brag dkar zer ba'i lung par yab ci kyA tshangs pa gu ru bstan 'dzin dang yum bu skyid gnyis kyi sras su rab byung bcu ga nyis pa'i me bya (1717)lor sku bltams/mtshan grags pa bsodanams zhes gsol/dgung lo bzhi pa lcags byi (1720)lor chos sde chen po dgon lung byams pa gling gi lcang skya bla brang du phebs/'jam bzhad 'jigs med dbang pos lcang skya sku phreng gnyis pa blo bzang chos ldan gyi sprul skur ngos 'dzin mdzad/chu bzang rin po che blo bzang bstan pa'i rgyal mtshan gyi drung du skra phud phul te mtshan ngag dbang chos kyi grags pa bstan pa'i rgyal mtshan dpal bzang por gsol/sku gong ma'i slob ma rtse chos rje blo bzang chos 'dzin pa'i drung du gzab gshar gyi yi ge 'bri klog tshegs med par thugs su chud cing/chos spyod gsol 'debs kyi rim pa/bde gsang 'jigs gsum gyi sgrub thabs sogs 'phral mkho'i chos tshan phal che ba thugs 'dzin mdzad/dgung lo bdun pa chu yos (1723)lor rje blo bzang bstan pa'i rgyal mtshan gyi drung du yongs rdzogs dge bsnyen gyi sdom pa dang bar ma'i tshul khrims legs par bzhes/dgung lo brgyad pa shing 'brug (1724)lor gong ma g.yung Teng gis gdan drangs te zung gru zi dgon par sku gong ma'i chos kyi rgyal srid kyi khrir bkod/de nas rje khri chen mchog sprul blo bzang bstan pa'i nyi ma dang/dkar chen shes rab dar rgyas/a rtse chos rje blo bzang chos 'dzin bcas slob dpon dub sten nas rgyan drug mchog gnyis kyi gzhung chen rnams kyis gtsos mdo sngags kyi gzhung chen mo kun la gsan sbyong legs par mdzad de gzhan dring mi 'jog pa'i spobs pa brnyes/dgung lo dgu pa'i skabs byang chub lam gyi rim pa'i dmigs rnam gsol 'debs tshigs bcad ma ljags rtsom gyi thog mar mdzad/dgung lo bcu gcig pa'i dus nas skyabs 'gro'i khrid dang/dbang chen gyi rigs ma gtogs gang zhus ci dgar bstsal/dgung lo bcu bdun nas gzhung lugs la sbyangs pa'i rtsod par zhugs nas rgol ba'i spobs pa 'joms par mdzad/rgya dang sog po man chu bcas kyi skad yig kyang thugs su chud/gong mas rje 'di la sngags brjod gser gyi bka' lung dang bcas sku gong ma'i dus bzhin bkwan ting phu'u shan bkwan chi tA gau shri zhes bod skad du byams brtsis 'gro ba yongs kyi spyi bo nas dbang bskur ba'i kun mkhyen bla ma chen po zhes pa'i mtshan gyis gzengs bstod dang gser srang brgyad cu las grub pa'i tham ga /sngags brjod kyi gser yig bcas phul/shing yos (1735)lor skyabs mchog bskal bzang rgya mtsho mgar thar nang dbus su gtan 'dren par phebs/skyabs mchog de dang khri ngag dbang mchog ldan yab sras las ri bo dge ldan pa'i snyan brgyud kyi gdams pa yongs rdzogs gsan/me 'brug (1736)lo'izla bcu par gtsang du paN chen blo bzang ye shes las dge tshul gyi sdom pa mnos/mtshan ye shes bstan pa'i sgron me dpal bzang po zhes gnang/tshes bcu bdun nyin paN chen mchog gi drug nas dge slong gi sdom pa mnos/lo der rgya nag pe cin du phebs nas gong ma chen lung dang mjal/gong ma chen lung la thog mar skyabs 'gro'i khrid mdor bsdus dang/bod yig gzab gshar gyi 'bri klog /dag yig /byang chub lam rim/bde mchog dril bu lha lnga'i dbang bcas rim par gnang/dgung lo nyer lnga pa lcags bya (1741)lo'i zla ba bcu pa'i tshes shar nas rgyal ba'i bka'i dgongs 'grel gyi bstan bcos 'gyur ro cog lo tsA ba dum dang mnyam du sog skad du sgyur 'go tshugs /phyi lo zla gsum pa'i tshes lnga nyin yongs su grub ste par phud rgyal mchog bdun pa chen por phul/bka' 'gyur rin po che hor gyi yul gru kun la khyab par mdzad/rab byung bcu gsum pa'i sa sbrul (1749)lor rang yul mdo smad du phebs/dgon chen sku 'bum dang/dgon lung/gser khog gsum la gong mas phul ba'i rtsi pen bstsal zhing/zab chos bdud rtsi'i gru char phab ste 'gro don rgya cher mdzad/'jam dbyangs bzhad pa'i rdo rje'i sprul pa'i skur bsnyen rdzogs dge slong gi dang po bsgrubs te mtshan blo bzang thub bstan 'jigs med rgya mtsho zhes bstsal/lo de'i zla ba brgyad par pe cing du byon nas bod lugs kyi dgos pa mang po gsar du bzhengs/dgung lo zhe gcig par slar dbus su phebs/gong sa 'jam dpal rgya mtsho rgyal ba'i sprul skur ngos bzung/rgyal dbang bskal bzang rgya mtsho'i rnam thar brtsams/shing sprel (1764)lor dgon lung gi khri pa mdzad nas tshad ma rnam 'grel gyi 'dzin grwa gsar du btsugs/de nas dgung lo ca gcig par khri pa dgongs zhu gnang/me phag (1767)lor ri bo rtse lngar phebs nas e dang dga' 'khyil zhes pa'i sgrub khang btab/dgung lo nga lnga la phebs pa lcags yos (1771)lor gong ma'i ngo skul ltar bka' 'gyur chen mo man ju skad du sgyur ba'i dbu tshugs te bla ma mkhas pa dang yon tan ha cang bzang ba'i lo tsA ba bsdus te bsgyur/bdag nyid chen po 'di'i gsung las skyes pa'i slob ma'i nang nam pa'i skyes rabs 'dzin pa'i sprul sku dang/bka' pod mang po sbyangs pa'i dge bshes/sgrub pa snying por byed pa'i spong ba pa/skad gnyis smra ba'i lo tsA ba/'dul ba dang mdo sde la mkhas pa'i hwa shang/dad pa'i nor gyis phyug pa'i khyim bdag sogs mtha' dbus nor 'dzin gyi rgya khyon gang sar gnas/legs bshad kyi gsung rtsom yang (rgyal dbang thams cad mkhyen pa bskal bzang rgya mtsho'i rnam thar dpag bsam rin po che'i snye ma/) (grub mtha'i rnam gzhag thub bstan lhun po'i mdzes rgyan/) (dag yig mkhas pa'i 'byung gnas/) (byang chub lam gyi sgron ma'i sa bcad byang chub kyi sems bskyed tshul bshad pa theg chen 'jug sgo/) (gsang 'dus bsnyen yig dngos grub bdud rtsi'i bum bzang )sogs po ti dgu tsam bzhugs mthar dgung grangs bdun cu la phebs pa ram byung bcu gsum pa'i me rta (1786)lo'i bod zla bzhi pa'i tshes gnyis nyin ri bo rtse lnga'i e waM dga' 'khyil du gshegs

{{#arraymap:lcang skya rol pa'i rdo rje

|; |@@@ | | }}