lce btsun shes rab 'byung gnas

lce btsun shes rab 'byung gnas

'di nyid dbus gtsang gi mi bcu'i ya gyal lo ston gyi mkhan bu yin zhing/'di nyid kyis rab byung dang po'i lcags 'brug (1040)lor zha lu gser khang phyag btab rjes rgya gar rdo rje gdan la byon nas rdo rje gdan pa chen po slob dpon a b+ha ya ka ra las sdom pa blangs te chos mang du zhus/spyan ras gzigs kha sar pa Ni spyan drangs pas chu bo gang+gA la spyan ma 'drongs/lce btsun gyis mon pa'i mi tha mal bas nyis 'gyur gyi che ba zhig la gla che gya nom pa sbyin nas sku 'di zha lur spyan drangs te zha lu'i gtsug lag khang gi rten gyi gtso bor bzhugs su gsol/da lta yang byon gyi sku rgyab na bzhugs/bod kyi lo rgyus yig tshang nang/de dus zha lu pa che ba rnam pa bzhi zer ba yod de/las ka ba bzhi yin pas che/yon bdag btsad po yin pas che ba/sdom pa rgya gar ma yin pas che/rus pa lce yin pas che zhes 'khod pa'i dang po ka ba bzhin ni/dga' sdong dam pa chos kyi ka ba/ku ri bya skyus kha brag dpung gi ka ba/g.yus sgyu ma nor gyi ka ba/ne ser mthu'i ka ba bcas dang/yon bdag btsad po yin pas zhe zhes pa ni zhu lu dgon pa phyag 'debs skabs kyi sbyin bdag lce btsad ni btsan po'i gdung rgyud yin pas che ba/sdom pa rgya gar ma yin pas che zhes pa ni lce btsun nas brgyud pa'i sdom rgyun 'di rgya gar gyi sa ya nas thad kar bzhes pas che ba/rus pa lce yin pas che zhes pa ni lce'i rus rgyud ni thog mar 'od gsal gyi lha las mched pa dang/de nas rim bzhin chos rgyal srong btsan dang khri srong skabs blon po dang sgra bsgyur gyi lo tsA ba chen po byung bas gdung rgyud kyi che ba brjod pa'o/_/lce btsun la slob ma ka bzhi gdung drug du grags pa byung ste de dag las zha lu brgya skor mched do/_

{{#arraymap:lce btsun shes rab 'byung gnas

|; |@@@ | | }}