lha khang chen mo

lha khang chen mo

bod kyi lo rgyus thog snyan grags che ba'i sa skya'i lha khang chen mo ni deng sang rgyal khab kyis thad ka'i do dam srung skyob khongs kyi gna' shul gal chen gras shig yin/lha khang 'di bzhin rab byung bzhi pa'i shing glang (1265)lor 'gro mgon 'phags pa yon rgyal rabs kyi rgyal sa nas bod du thengs dang po phebs skabs bka' bkod gnang ba ltar/sa skya'i dpon chen shAkya bzang pos bod khri skor bcu gsum gyi 'u lag bsdus nas thog mar 'dzugs skrun byed 'go tshugs shing/'go thog gi thog 'bubs zin tsam gyi bal lo ngo drug tsam 'gor/de kha'i mu la dpon chen shAkya bzang po 'das nas de'i tshab tu dpon chen kun dga' bzang po bskos te/des lo ngo drug dpon chen byas pa'i ring la lha khang 'di'i steng thog khang dang/thig khang/rgya phibs bcas dang/lha khang gi khyams kyi ldebs bris bcas bzhengs/de rjes sa skya'i dpon chen mi rabs dgu pa ang len gyis lha khang chen mo'i spen bad dang rin chen rgyal mtshan gyis sa skya'i gdan sa lo ngo sum cu tsam gnang ring lha khang khag la nyams gso gnang zhing/gdan sa gnang ba'i tha ma'i lo bar byung lnga pa'i shing sbrul (1305)lo'i zla ba lnga pa nas 'go tshugs te zla ba gsum gyi ring lha khang chen mo'i yang thog gi rgya mthongs ka brgyad dang/bar khyams bcas kyi khor yug tu gsang sngags kyi rgyud sde bzhi'i rnal 'byor rgyun man chad kyi dkyil 'khor chen po brgya dang bzhi bcu zhe brgyad/rigs bsdus kyi dkyil 'khor drug brgya dang sum cu so dgu bcas khyon bsdoms dkyil 'khor bdun brgya brgyad cu gya bdun so so'i brgyud ris dang bcas pa 'bri bar mdzad pa da lta'ang nyams med du bzhugs bzhin pa 'di dang/lha khang 'di'i nang gi rten gsum rnams kyang 'gro mgon 'phags pa nas bzung sa skya'i gdung rabs dang/gdan sa pa rim byon rnams kyis bzhengs pa'i sku gsung thugs rten grangs las 'das pa bzhengs pa bcas zhib par sa skya bdag chen a mes zhabs ngag dbang kun dga' bsod nams kyis mdzad pa'i (sa skya'i gdung rabs rin chen bang mdzod )du gsal bas 'dir ma bris

{{#arraymap:lha khang chen mo

|; |@@@ | | }}