lha rje zla ba'i 'od zer

lha rje zla ba'i 'od zer

'di nyid 'khon phu ba'i sras su rab byung gnyis pa'i chu yos (1123)lor sku 'khrungs/dgung lo gnyis la phabs skabs yum gshegs nas lha rje mas lo bcu'i bar du gsos/bcu drug la phebs skabs 'u yug gi zhang rgya ma ba/gangs pa she'u/rong zom chos kyi bzang po la sogs pa bsten nas gnas pa rgya chen mdzad/phyis yab dang a ne gnyis la dbang gdangs pa ma lus par zhus/gzhan bal por yang dza ya se na la sogs pa'i bla ma mang du bsten/yab kyi lugs bzhin du gdams ngag dbang bskur sde stong gi bshad pa gsum gyis yul dang yul rnams su gdul bya mtha' yas pa bskyangs/mkhas pa'i snyan pas stod lung rgya dmar ba la sogs pas kyang zhabs la gtugs/zang zing gi longs spyod pa mnga' brnyes pas yab dang a ne'i dgongs pa rdzogs thabs skye bo mang por sbyin gtong dang/dngul gyi gdung khang chen po gnyis bzhengs/bal yul du khyer nas khang gsar ba dza ya se na la rab gnas zhus/khong gis dbang bzhi rdzogs dang bcas pa'i rab gsal mdzad/slar bod du 'khor rnams kyis bsu ba rgya che mdzad de spyan drangs/bal yul du 'phags pa shin kun gyi gdugs lan mang du bkal/de nas gnas pa'i rnal 'byor ma grub pa'i rnal 'byor pa mang po bsdus nas tshogs kyi mod pa yang mang du mdzad pa sogs bstan pa'i bya ba rgya cher spel nas mthar dgung lo drug cu pa (1071) rab byung gsum pa'i chu stag (1182)lor sku gshegs