lo chen d+harma shrI

lo chen d+harma shrI

yab smyos ston rin po gsang bdag 'phrin las lhun grub dang yum shel dkar rdo rje mtsho'i sprul pa lha 'dzin dbyangs can sgron ma'i sras su rab byung bcu gcig pa'i shing rta (1654)lor sngags dgon dar rgyas gling du 'khrungs/mtshan legs pa don grub du gsol/dgung lo dgu la yab gshegs pas gcen chos rgyal gter bdag pa dang yum phyogs thegs kyis bzhugs khol ma byung bas/skyes ma 'i zhal ta mas bskul te ngag bslabs kyi gsol 'debs le'u bdun ma sogs dgon pa'i 'don chos kyi skor dang/gsol dpon gyis yi ge 'bri klog bslabs pa thugs la chub par mdzad/dgung lo bcu gnyis par rje gter chen bla mas rdul tshon gyi dkyil 'khor du rig 'dzin thugs thig gi dbang nod/dgung lo bcu gsum pa la rje gter chen bla mar gtsug khug phul te mtshan bstan 'dzin 'jam dbyangs dbang po zhes gsol/dge bsnyen gyi sdom pa'ang thob/dgung lo bcu bzhi pa la ka lA pa'i mtshams sbyor lnga'i rim mo tsam dang/bod yig bskyar slob mdzad/de'i phyi rol gung thang paN chen las ka lA pa'i bshad pa dang/sa ris zhus nas/yongs rdzogs kyi ri mo'i rgyugs thugs thog nas gtsang dag sdeb 'bul mdzad/de rjes sde sbyor gyi bshad pa dang/zha lu lo chen gyi ka lA pa'i spyi'i TIka gnyis kyi lung/gzhan yang lany+tsa dang/d+ha ri ka /nA ga ra/wartu/kasnIr/rgya mtsho mtha' puk+kaM ste dgra 'joms kyi yi ge sogs la sbyangs pa mdzad pas mkhas par gyur/dgung lo bco lnga pa la thams cad mkhyen pa lnga pa chen po las rab tu byung ste mtshan ngag dbang chos dpal zhes bstsal nas dge tshul gyi sdom pa mnos/dgung lo bcu bdun la o rgyan smin grol gling gi grwa khyur zhugs te gar thig dbyangs gsum gyi phyag bzhes rnams sbyangs/dgung lo bcu dgu pa la don grub dbang rgyal gyi drung nas skor rtsis kyi rig pa lnga bsdus dang/gza' lnga/zhag gsum rnam par dbye ba/dus kyi sbyor ba sogs la 'bad pa lhur len gyis legs par byang/phyis stag lung pa grub chen ngag dbang gzungs mchog las dbyangs can byA ka ra Na'i sa ris/tsan+d+ra pa'i yi ge'i gzhung spyi la'ang bshad pa mdzad pa sogs phyi nang rig pa'i gnas la 'bad pa chen pos gsan bsam mthar yas pa mdzad/gdung lo nyi shu pa la tA la'i bla ma lnga pa chen po las bsnyen pa rdzogs zin kyang slar yang grwa gtsang du smin 'dul sdom rgyun khyad par bad 'dzugs bzhed kyis lnga pa chen po'i bka' bskul nas mkhan chen dkon mchog bstan 'dzin las sdom rgyun 'di bzhes te gcen rgyal sras bstan pa'i nyi ma dang/gung thang paN chen las 'dus ba'i brda chad dang phyag len la mkhas par bslabs/ (895) rab 'byams pa sangs rgyas chos dar las 'dus pa'i bshad rgyun yang gsan nas mkhas par mkhyen mkhan chen 'di'i sku rim la chos grwa chen po o rgyan smin grol gling du 'dus pa'i grwa sa dang ba 'dren pa'i 'di bzhin tshugs spyir rje nyid thos bsam gyis sgro 'dogs bcad pa'i don rnams blang dor gyi sgo nasab sgrubs shing nyams su len par sang bas mi rtag 'chi dran gyis bskul te bslab pa gsum gyi da nyams su bzhed par spro zhing 'bad pa chen pos bskyed rdzogs kyi gdan sgom pa'i sgrub pa la gzhol ba'i skor mtha' yas pa mchis so/_/bstan 'dzin kyi skyes chen du ma rje nyid kyi zhal slob du gyur pa ste sa skya bdag chen ngag dbang kun dga' bkra shis yar 'brog gling zhabs drung yab sras phun tshogs gling dge slong 'byung gnas gsang sngags gling gdung rgyud mched bcas stag sna tre bo sprul sku'i gsum sprul rin po che ngag dbang kun bzang rdo rje dpal ri sprul pa'i sku thang 'brog sprul pa'i sku chab mog 'phags pa lha rgyal ba rgya mtsho mi dbang bsod nams stobs rgyal mdo mkhar zhabs drung tshe ring dbang rgyal sogs mkhas pa'i dbang po ji snyed mchis de bzhin sgyu 'phrul rtsa rgyud gsang snying la 'grel pa dang spyi don dkyil 'khor blos bslangs kyi rnam gzhag mdo dbang skor rgyud dang man ngag gi skor rtsis gzhung nyen byed snang ba sde sbyor phyi nang gi chos spyod bskyed rdzogs kyi skor sogs phyag rtsom du ma mchis rje 'di nyid kyis sku tshe gang por gzhan phan gyi 'phrin las rgya che la rgyun mi chad par sgrub pas thub bstan spyi dang bye bra snga 'gyur rdo rje theg pa'i bstan pa rin po che 'gro ba'i mchod stod du 'dzin skyong spel gsum gyi mdzad pa rlabs po ches dus 'da' bar mdzad de dgung grangs dug cu re lnga bzhes pa rab byung bcu gnyis pa'i sa khyi (1718)lor jun gar bas bod la dpung 'jug gis rnying lugs dgon gnas gtor cing bod kyi grags can bla chen 'ga' shas kyi sku srog 'phrog pas snga 'gyur bstan pa'i mig rgyan smin gling lo chen d+harma shrI yang gdug pa can des bkrongs pa nges skabs skye 'chi ma mnga' brnyes pa'i skyes bu dam pa gang gis dgra ya'i ral gri ma bzhes par pho bar spar te gzhan du gshegs par grags so/_

{{#arraymap:lo chen d+harma shrI

|; |@@@ | | }}