ma gcig zha ma

ma gcig zha ma

'di nyid yab zha ma rdo rje rgyal mtshan dang yum rgya gar lha mo gnyis la rab byung dang po'i chu stag (1062)lor yul pha drug na sku 'khrungs/sku lus la spyir pad+ma can gyi mtshan rnams dang/bye brag tu lte ba na pad+ma dpar po rtsa ba gsum pa/nu ma gnyis kyi bar na rin po che'i phreng ba gsum skor du yod pas rten bar slebs pa/phrag so gnyis la g.yung drung ris re/rna ba gnyis kyi rgyab na dung pad+ma ltar 'khyil ba re/lce'i 'og na ral gri at+pal la'i mdog can tAM yig gis mtshan pa/smin mtshams na nyi zla'i rgyal mtshan 'khor lo tog dang bcas pa yod pa zhig byung/ma gcig dgung lo bcu bzhir phebs skabs yul de'i skyes pa a ba lha rgyal bya ba zhig la bag mar btang bas khyim mar bzhed/khyo la/khyod rang yang chos gyis/nga yang chos byed gsungs pas khyo yis nyan du ma btub gshis smyo rdzu mdzad de de nas bral/dgung lo bcu bdun nas nyi shu rtsa gnyis kyi bar du bla ma rma'i phyag rgya ma mdzad/rmas rgyud dang sgrub thabs mang po yang khong la bslabs/bla ma'i zhal nas lob zhir mtshams chod cig gsungs pa bzhin byas pas bdud kyi bar chad thams cad zil gyis non/khyad par du rdzong gong 'og la zla ba bzhi bzhi bzhugs pa'i tshe nyi zla 'og na non pa/lus gang 'dod du sprul bsgyur shes pa/sems can thams cad kyi skad go ba/rlung gar 'dod du 'drongs pa ste/dngos grub bzhi thob/ma gcig dgung lo nyer brgyad la phebs skabs bla ma rma dgongs pa rdzogs pas rma'i spur sbyong ba sogs dgongs pa rdzogs pa'i bya ba rgya cher mdzad/dgung lo so gcig nas lo gsum gyi ring bar chad du gsal ba bdun byung ste thabs ci byas kyang ma phan pas rje 'khon phu bas zhabs tog byas te ding rir dam pa'i drung du phebs/dam pa'i bka' bzhin mdzad pas bar chad rnams bsal te sku khams kyang shin tu bzang bar gyur pas mad pa de bka' drin che bar gdongs/dus phyis se mkhar chung pa dang mjal te gdams pa zhus pas dbang chung zhig ma gtogs gdams pa rdzogs par gnang/de nas ma gcag nyid grub pa brnyes te yul nyi shu rtsa bzhi dang mon bod gyi gnas gnyan zer ba mang por bzhugs te thugs dam bcad pa dang/gzhan la dag pa'i snang ba mang po bstan zha sogs shin tu mang bar mdzad/bla ma yang gong smon pa rnams dang/paN+Di ta bai ro tsa na/dpal chen rga lo dang/pu hrengs lo tsA ba dang/ye rab pa rnams la yang gtugs/ma gcig da'i la phag mo grub pas kyang gtugs/de ltar 'gro don rgya cher mdzad nas mthar dgung lo brgyad cu gya brgyad pa rab byung gsum pa'i sa sbrul (1149)lor sku 'das/spur sbyangs kyang gdung cung zad kyang ma byung/mdor na ma gcig (522) 'di ni gsang sngags chags lam la brten pa rnams kyi mig gcig tu gyur pa yin no/_

{{#arraymap:ma gcig zha ma

|; |@@@ | | }}