mkhar rdo bzod pa rgya mtsho

mkhar rdo bzod pa rgya mtsho

mtshan gyi rnam grangs su blo bzang sgom chung yang zer/chos 'khor lha sa'i snying khang sbug tu yab sngags 'chang gang dbang tshul khrims dang yul e ce skyid skyid gnyis kyi sras su rab byung bcu gcig pa'i chu byi (1672)lor 'khrungs/dgung lo bcu gsum la phebs skabs yab yum gnyis lag nang ba gsol te ser byes grwa tshang du chos zhugs mdzad/byes mkhan po rgyal mtshan don grub dge rgan du bsten nas gzhung chen po lngar gsan bsam mthar phyin pa mdzad/dgung lo nyi shu par mkhan po de nyid kyi drung nas bsnyen rdzogs kyi sdom pa zhus/brag yer pa dang/mkhar rdo/'phan po/'bum pa/rwa sgreng sogs gnas nges med du lo 'ga' shas ring sgom sgrub rtse gcig tu mdzad cing/de'i ring gi 'tsho bo yang chu'i bcud len dang/rde'u bcud len/me tog bcud len sogs stabs gang bder gnang nas bzhugs pas nyams rtogs la mnga' brnyes/slob ma nyung 'dus la so so'i gnas babs dang 'tshams pa'i chos kyang zhar byung du stsal/dgung lo so lnga pa rab byung bcu gnyis pa'i me khyi (1706)lor mkhar rdo ri khrod phyag btab nas chos bka' yang yang gnang/rgyun du gnas nges med du bzhugs te bsgrub pa nyams bzhes mdzad pas slob ma grags can mang du byung/gsung rtsom yang bslab bya dang/mgur ma/bla ma mchod pa'i khrid sogs phyogs bsdus pod gcig tsam yod/dgung lo ji tsam bzhugs pa'i lo rgyus ma rnyed/rnam thar zur 'khod zhig yod pa dkar chag khag tu gsang yang bdag gis ma mthong zhing/mdor bsdus tsam zhig yongs 'dzin ye shes rgya mtshan gyis mdzad pa'i (lam rim bla ma brgyud pa'i rnam thar )lcags dpar ma'i shog grangs 671nas 674bar yod

{{#arraymap:mkhar rdo bzod pa rgya mtsho

|; |@@@ | | }}