mkhas grub dge legs dpal bzang

mkhas grub dge legs dpal bzang

(dga' ldan khri thog gsum pa )rje tsong kha pa chen po'i thugs sras gtso bo zhig yin/la stong byang gi sa cha'i ldog gzhung du byang pa bdag po'i dpon rigs yab bkra shis dpal bzang dang/yum bu 'dres rgyal mo gnyis la sras gsum (che ba rje 'di dang/'bri ba ba so chos kyi rgyal mtshan/chung ba bsod nams bkra shis )yod pa'i che ba yi/rab byung drug pa'i shing glang (1385)lor sku 'khrungs/byis pa'i dus nas na mnyam gzhan dang mi ra ba'i khyer rabs kyi rtsal dang mdzad spyod khyad par 'phags pazhig yod pas 'ga' zhig gis mkhas grub lha dbang ba'i skye pa yin par gleng bas mkhas grub ces pa'i mtshan byis pa'i dus nas thogs pa zhig byung/dgung lo bdun la phebs pa lcags lugs (1391)lor gnas brtan 'dul ba 'dzin pa mkhan chen seng ge rgyal mtshan gyis mkhan po dang rgya ma ba yod tan yod kyis las kyi slob dpon mdzad nas dge tshal gyi sdom pa bzhes/mtshan la dge legs dpal bzang po zhes gsol/mkhan slob gnyis kyi drung nas 'dul ba'i bslab bya rnams gnas nas mig gi 'bras ba bzhin du srung bar mdzad/rje btsun red dma' ba chen po las tshad ma dang/mngon pa gong 'og /phar phyin/dbu ma/'dul ba bcas gsan nas sbyangs pa mthar phyin pa mdzad/bla ma dam pa bsod nams rgyal mtshan dang/lam 'bras pa ye shes dpal ba/paN chen sa bza' gsum las gsang sngags kyi chos skor mtha' yas pa gsan/dgung lo bcu drug pa ra byung bdun pa'i lcags 'brug (1400)lor bo don paN chen phyogs las rnam rgyal gyis sa skya paN chen gyis mdzad pa'i (tshad ma rigs gter )la dgag pa mdzad pa'i lan gnang dgos zhes sa skya'i mkhas pa rnams kyis re bskul zhus pa ltar ngam rings su phebs nas bo dong paN chen la rtsod gleng mdzad/de dus phan tshun rtsod pa mdzad pa rnams mkhas pa mang pos zin bris mdzad pa'i rtsod yig yod/mkhas grub rin po che nyid kyis mdzad pa'i (tshad ma sde bdun gyi dkar gnang gsal bar ston pa yid kyi mun sel )zhes bya ba 'di yang skabs der phan tshun rtsod gleng mdzad pa'i tshig rnams gzhir bzung ste/dgung lo nyer dgu pa chu sbrul (1413)lor nyang stong lcang ra dpal 'bar gyi dgon par bzhugs skabs su mdzad/bo dong paN rin chen po ches kyang rjes su mkhas grub rin po che'i mkhyen dpyod kyi rtsal la thugs lhag par dgyes nas (mkhas grub chos kyi rje dge legs dpal bzang po la ched du brjod pa'i bsngags pa bung ba rnam par rtsen pa'i rgyud mangs )zhes bya ba tshig sbyor phun sum tshogs pa zhig mdzad pa dam pa de'i gsung 'bum du bzhugs/dgung lo nyi shu pa shing sprel (1404)lor rje btsun red mda' ba gzhon nu blo gros kyis mkhan po/mkhas dbang dpal 'byor shes rab kyis las kyi slob dpon mdzad de bsnyen rdzogs kyi sdom pa bzhes/der rje btsun red dma' ba chen pos mkhas grub rin po che la khyed rje btsun tsong kha pa dang mjal nas bla mar bsten na gzhan dang mi ra ba zhig yod zhes bka' gnang ba ltar dgung lo nyer gsum pa me phag (1407)lor rje tsong kha pa se ra chos sdings su bzhugs pa dang mjal zhing/de ma thag rdo rje 'jigs byed kyi dbang dang man ngag mang du stsal zhing/de nas bzung zhing khams gzhan du ma gshags par thugs rtse chen pos rjes su bzung ste/mdo sngags kyi chos rgyun spyi dang thun mong ma yin pa'i gdams pa yongs rdzogs cha tshang bar gnang zhing/de dag thugs dmas nyams bzhes su mdzad pa'i bogs 'don gyi ched du dam bca' bcu zhes pa mdzad('di zur du bton yod )nas de las nang yang 'da' ba med par sku tshe mtha' 'khyor ba gnang/dgung lo zhe gsum pa me lug (1427 lor rgyal rtse da srid rab brtan kun bzang 'phags kyis rje 'di dang kan mkhyen rong ston pa gnyis rtsod gling mdzad dgos par bskul ma zhus pa bzhis rgyal rtse'i gtsug lag khang du phebs kyang kun mkhyen rong ston pas thabs sna tshogs kyi sgo nas rtsod gleng mdzad mi dogs pa'i 'bad brtson gnang bar ba rten de lugs kyi sbyar yig chen po zhig dpal 'khor chos sde'i rgyal sgo'i thog sbyar bar mdzad cing/de nas dpal 'khor chos sder ma bzhugs par dben gnas me tog dmangs can du phebs te bstan pa'i bya ba mdzad/rje btsun tsong kha pa chen po gdongs pa mya ngan las 'das pa'i rjes su yang dag pa'i snang bar lan lnga yi bar du zhal gzigs te chos gsungs pa'i bkod pa rje gzigs pa lnga ldan du grags pa yang yod/dgung lo zhe bdun pa lcags phag (1431)lor rgyal tsham rin po che dar ma rin chen zur bzhugs mdzad de bka' phebs pa ltar dga' ldan khrir phebs nas mdo sngags kyi bkang yang yang stsal zhing/rje bla ma'i dngul gdung gi dbu thog tu gser zangs kyi rgya phebs thog mar 'bum par mdzad cing/dga' ldan du gzhung chen po lnga'i slob gnyer gyi bshad sgra 'dzugs pa gnang bas 'phel rgyas chen po byung/dgon sde khag mang por gdan 'dren byung yang ma phebs par dga' ldan rang du rgyun bzhugs mdzad nas rang bstan gyi bzhed srol ma nyams par skyong ba'i srog bzung bas slob ma yang grags pa can mang du byung/gsung rtsom skor/phar phyin dang/rnam 'grel/dbu ma bcas kyi rnam bshad dang/(gsang 'dus bskyed rim rnam bshad dngos grub rgya mtsho/) ('jigs byed bskyed rim/) (rgyud sde spyi'i rnam bshad/) (sdom gsum rnam bshad/) (kye rdor rtsa rgyud brtag gnyis kyi rnam bshad )sogs pod chen bcu gsum tsam yod/dga' ldan ri lo brgyad par bskyangs te dgung lo nga bzhi pa rab byung bdun pa'i sa rta (1438)lor dgongs pa gzhan don du gshegs/sku gdung zhugs 'bul zhus pa'i gdung na rje tsong kha pa chen po'i skug dang gi g.yon phyogs su bzhugs/rnam thar skor se ra rje btsun chos kyi rgyal mtshan gyis mdzad pa'i (mkhas grub thams cad mkhyen pa'i rnam thar )dpar ma la shog grangs 38yod pa dang/paN chen bde legs nyi mas mdzad pa'i (mkhas grub thams cad mkhyen pa'i rnam thar mkhas pa'i yid 'phrog )bris ma la shog grangs 15yod pa/brag g.yab blo bzang bstan pas mdzad pa'i (mkhas grub thams cad mkhyen pa'i rnam thar rin chen 'byung gnas )bris ma la shog grangs 14yod/rnam thar mdor bsdus tsam zhig yongs 'dzin ye shes rgyal mtshan gyis mdzad pa'i (lam rim bla brgyud rnam thar )lcags dpar ma'i shog grangs 415nas 436bar yod

{{#arraymap:mkhas grub dge legs dpal bzang

|; |@@@ | | }}