mkhyen lugs

mkhyen lugs

bod kyi rgyun srol ri mo'i mkhas dbang sman thang pa dang mkhyen brtse chen mo gnyis su grags pa'i nang gses mkhyen lugs kyi ri mo'i 'bri srol gsar gtong gnang mkhan gong dkar sgang stod pa mkhyen brtse'i phyag srol ri mo la mkhyen lugs zer/mkhyen brtse chen mo'i 'khrungs yul gong dkar sgang stod yin cing/'khrungs lo zhib gsal ma rnyed kyang sa skya'i bstan 'dzin chen po thon mi kun dga' rnam rgyal gyis dgung lo so gsum pa rab byung brgyad pa'i shing sprel (1464)lor gong dkar rdo rje gdan (yongs grags su gong dkar chos sde zer ba de yin )gyi gdon pa phyag btab nas 'du khang gi ldebs bris dpag bsam 'khri shing dang/grub chen brgyad cu sogs mkhyen brtse chen mo sku dngos kyis 'bri gnang mdzad pa'i lo rgyus yod pa de gzhir bzung nas skabs der mkhas dbang mchog de nyid dgung lo sum cu lhag tsam la phebs tshod yin pas dus rabs bco lnga pa'i mgor sku 'khrungs pa yin nges snyam/mkhas dbang de nyid sku na phra mo'i dus nas ched du slob mkhan med par ri mo la mkhas shing/ri mo'i lag rtsal la thugs mnyes po yod stabs rdo pa bkra shis rgyal po dge rgan du bsten nas ri mo'i 'bri rtsal la sbyangs pa mthar phyin mdzad rjes rin por ma song bar ri mo'i sgyu rtsal thad slob dpon las lhag pa'i gsar gtod thub pa byung zhing/lhag par yi dam dang srung ma khra bo'i rigs kyi sku'i nyams 'gyur dang/rgyan 'gros tshon mdangs sogs gzhan dang mi 'dra ba'i khyad chos 'gran zla bral zhig yod/khong gis 'bri gnang mdzad pa'i gong dkar chos sde'i 'du khang gi dpag bsam 'khri shing gi ldebs ris dang/dbu rtse'i yi dam khang gi ldebs bris bcas yod pa rnams de sngon rab byung bco lnga pa'i sa rta (1918)lor ka thog si tu rin po che dbus gtsang gnas bskor du phebs skabs gong gsal ldebs bris rnams gzigs tshul (gnas yig )nang gsungs 'dug cing/mkhyen lugs kyi ri mo'i khyad chos ni yi dam chos srung khro bo'i rigs kyi 'bri rtsal phun sum tshogs pa zhig yin par (tA la'i bla ma sku phreng lnga pa'irang rnam )pod gnyis pa'i nang lcags khyi (1670)lor rdo rje phreng ba'i dkyil thang bzhengs tshul rnams gsungs skabs sman mkhyen gnyis kyi lha sku zhi khro'i 'bri rtsal gyi khyad chos mi 'dra ba'i skor gsal bshad mdzad pa'i thad la gsal/phyogs mtshungs mkhyen brtse chen mo lha bris la ha cang byang chub pa yod stabs/'bur sku bzhengs pa'i phyag rtsal kyang 'gran zla bral ba yod pa ni dam pa des bzhengs pa'i gong dkar chos sde'i 'du khang sbug gi thub dbang dang nye sras brgyad dang bcas pa dang/mchog zung gnyis/kun dga' bo/ma 'gag pa/yab dang yum/tshangs pa brgya byin/sgo srung khro bo gnyis dang bcas pa dang/bla ma lha khang gi lam 'bras bla brgyud kyi sku rnams gson nyams shin tu dod pa'i phyag rtsal yin dbang 'phrog pa yod tshul gong gsal (ka thog dbus gtsang gnas yig )sde dge dpar ma'i shog grangs 77nas 80bar gsal ba der gzigs

{{#arraymap:mkhyen lugs

|; |@@@ | | }}