mthun pa spun bzhi

mthun pa spun bzhi

sngon yul ka shi zhes bya ba'i nags stug po zhig na bya gong ma sreg pa dang ri bong dang spre'u dang glang po bcas mdza' mthun dbyer me dud 'tsho zhing gnas pa'i skabs su nyin zhig kho tshos nga tsho de ltar rtag tu gnas pa na nges par rgan gzhon sus sur bsnyen bkur dgos min ma shes na ga la rung ste des na nga tsho na so rgan gzhon nges par rtag go zhes mgrin gcig tu dam bcas/de nas bya gong ma sreg pas shing n+maya gro d+ha zhig bstan nas shing 'di mthong mkhan snga shos de su yin ces dres pas glang chen gyis kho bo khyung dang mnyam du lam 'di nas 'gro dus shing 'di kho bo'i lus dang mnyam pa mthong byung zhes dang/spre'us de dus kho bo'i lus dang mnyam pa mthong byes zhes smras pa ni ri bong gis ngas shing 'di'i lo ma gnyis skyes pa na lo ma'i zil pa'i thigs pa lces bldags pa yin zhes brjod pa na tshang mas byas na khyod rgan pa 'dug ces dang/phyi gong ma sregs pas ngas sa bon rnams zos nas phyogs 'dir rtug pa bor ba las shing 'di skyes pa yin/zhes bshad par gzhan tshang mas byas na nga tsho'i dkyil nas khyod rgan shos red 'dug ces de ltar glang po ches thams cad la bsnyen bkur bya/spre'us ri bo dang gong ma sreg la bsnyen bkur byas/ri bong gis ni gong ma sreg la bsnyen bkur byas cing/ya nga ba dang gzar po'i phyogs su 'gro dgos pa'i tshe glang po che la spre'u/de la ri bong/de la gong ma bsre ba bzhon no/_/de nas yang khong tsho nga tshor zhe sa dang dgus zhabs gcig pu yod pas mi 'grig par dung dge ba gzhan yang cung zad blangs nas 'jug par bya dgos te ci byed ces brjod pa ni gong ma sregs pas nga tshos lo ma dang me tog dang 'bras bu srog chags dang bcas pa spangs la/srog chags med pa longs spyad par bya'o zhes srog gcod pa spangs so/_/de rnams 'di snyam du/nga tshos srog gcod spangs rung ma byin len las log pa ma yin pas/da ma byin len las ldog par bya'o/_/nga tshos lta ba dang me tog la sogs pa yongs su 'dzin pa dang bcas pa ma bcas gnyis ka yod pas/deng phyin chad yongs su 'dzin pa dang bcas pa ni spangs la/'dzin pa med pa yongs spyad par bya'o zhes ma byin len spangs so/_/da ni 'dod logs spangs par bya ste/da phyin chad bgrod par bya ba ma yin par bgrod par mi bya'o/_/da ni rdzun spang bar bya ste/da phyin chad ci yang rung ba mi smra ma yin par bgrod par mi bya'o/_/da ni rdzun spung bar bya ste/da phyin chad ci yang rung ba mi smra bar/brtags shing brtags pas tshig dus su smra bar/brtags shing brtags pa'i tshigs su smra'o/_/de ni 'bras bu'i chang dang/sbyar ba'i chang spang bar bya ste/de phyin chad myos par 'gyur ba'i 'bras bu spangs la/myong par mi 'gyur ba'i 'bras bu longs spyad par bya'o/_/de rnams brtul zhugs kyi gzhi snga la gnas pa'i tshe gong ma sreg pas smras pa/nga ni gzhan dag kyang bslab pa'i gzhi lnga la dgod par bya/spre'us/kho bos spre'u thams cad dgod par bya'o/_/ri bong gis kho bos ring bong dang can thams cad dgod par bya'o/_/glang chen gyis kho bos glang po che dang/seng ge dang/stag dang/gong thams cad dgod par bya'o/_/gong ma sreg pas/de lta na khyed sa mi 'dul ba'i rkang med dang/rkang gnyis dang/rkang bzhi pa dang/'dab chags thams cad kho bos bslab pa'i gzhi lnga la'i god par bya'o zhes de rnams kyis yul ka shi'i dud 'gro thams cad bslab pa'i gzhi lnga la bkod pas gcig la gcig gnod pa mi byed par nags stug po de na dga' bar gnas pa'i mthus lhas dus dus su chab phab pas/rtag tu me tog dang 'bras bu dang lo tog 'phel ba na/rgyal pos ngas rgyal srid chos bzhin byas 'i mthu yin no/_/btsun mo dang/gzhon nu rnams dang/slob po dang/khrom gyi ru pa dang/grong mi rnams kyis/bdag cag gi mthu yin no/_/rgyal pos bsam pa/'di thams cad nga'i mthu yin zhes bshad na/yang snying su'i mthu yin mi shes snyam nas/ltas mkhan bkug ste smras pas/de tsho kyis kyang ma shes par/ha cang mi ming ba'i skyed mos tshal zhig na drang srong mngon shes lnga dang ldan pa zhig yod pa'i drug rgyal po song nas dris pas/'di gzhan gyi mthu ma yin gyi khyod pa yul na srog chags bzhi gnas pa de'i mthun yin zhes brjod/rgyal pos byas na blta bar 'gro'o zhes brjod par drang srong gis ba lta rgyu ci yod/drung srong gis de rnams kyis blangs pa de blangs nas spyod mdzod cig ces smras par rgyal pos de rnams kyis ci blangs zhes dris pas drang srong gis bslab pa'i gzhi lnga ste/srog mi gcod/gzhan gyi nor mi 'phrog /'dod log mi spyod/brdzun mi smra/myos par 'gyur ba mi 'thung ba'o zhes brjod par rgyal pos de lta na bdag gis kyang de lnga blangs nas spyad par bgyi'o zhes bslab pa'i gzhi lnga blangs nas spyad pas btsun mo dang gzhon nu nas yul mir bcas pa thams cad kyis blangs nas spyad par khams kyi rgyal phrag rnams kyis thos nas 'khor dang bcas pa dang 'dzam bu gling gi skye bo phal che bas bslab pa'i gzhi lnga blangs nas spyad pas/lus zhig nas sum cu rtsa gsum du skyes te/lha'i 'khor rgyas pa brgya sbyin gyis mthong nas/gus bcas zhe sar bcas pa dang/_/dka' thub tshal na gnas pa yi/_/gong ma sreg gi tshangs spyod dag /'jig rten so sor rab tu bstan/_/ces smras so/_/de'i dus kyi bya gong ma sreg ni rang yin no/_/ri bong ni shA ri'i bu/spre'u ni mo'u gal gyi bu/glang po che kun dga' bo'o/_/des na gnas bstan dang bar ma dang gsar bu rnams la bkur sti dang/zhe sa dang/'jigs pa dang bcas pas gnas par bya'o/_/de ci'i phyir zhe na/de rnams la bkur ste sogs med par kun tu spyod pa'i chos mi rgyas/de ma rgyas par slob 'i chos mi rgyas pa/de ma rgyas par rnam grol gyi phung po mi rgyas/de ma rgyas par mya ngan las mi 'da'o/_/zhes bdag cag ston pas bka' stsal pa ltar zhib phra rgyal mchog dge 'dun grub pas mdzad pa'i 'dul ba'i gleng 'bum nang gsal

{{#arraymap:mthun pa spun bzhi

|; |@@@ | | }}