mtshan bzang

mtshan bzang

skyes bu chen po'i bsod nams kyi mthu las grub cing bsod nams de mtshon par byed pa'i yon tan gyi rtags so/_/de yang sangs rgyas kyi gzugs kyis sku'i yon tan la mtshan bzang po sum cu rtsa gnyis dang/dpe byad brgyad cu yod pa las/'dir mtshan bzang so gnyis cung zhig brjod par bya ste/1 phyag zhabs kyi mthil la 'khor lo rtsibs stong gi rnam pa rgya las rgya yi 'bur dod pa lta bus mtshan pa/2 zhabs mthil gnyis rus sbal gyi lto ba ltar mnyam zhing legs par gnas pa/3 phyag zhabs kyi sor mo ngang pa'i rgyal po ltar dra bas 'brel ba/4 phyag zhabs 'jam zhing gzhon sha chags pa/5 sku'i gnas bdun mtho ba ste phyag zhabs kyi rgyab bzhi phrag pa gnyis/stag pa dang bdun po shong bu med par rgyas shong gang ste mtho ba/6 phyag zhabs kyi sor mo ring ba/7 zhabs kyi rting pa yangs pa/8 sku che zhing drang ba/9 zhabs kyi long bu lha nga bcas pa'i 'bur mi mngon pa/10 sku yi ba spu thams cad gyen du phyogs nas skyes pa/11 byin pa e na ya dang 'dra bar zlum la rgyas shing mdzes pa/12 sku ma btud kyang phyag brkyang pa pus mo'i lha ngar slebs pas phyag ring zhing mdzes pa/13 glang po che'ang rta cang shes ltar 'doms kyi sba ba ste gsang ba sbubs su nub pa/14 pags pa gser gyi mdog ltar dwangs gsal zhing snum la yid du 'ong ba/15 pags pa srab cing 'jam pa/16 sku yi ba spu thams cad phra zhing 'jam la re re nas skyes te g.yas phyogs su 'khyil ba/17 zhal gyi smin mtshams nas mnyen 'jam dkar ba'i mdzod sku rang bzhin du khru gang ngam gsum tsam pa g.yas su 'khyil zhing skyur ru ra'i 'bras bu'i tshad tsam dngul gyi 'bur lta bus brgyan pa/18 ro stong seng ge ltar 'phel ka che ba/19 dpung pa gnyis kyi mgo gser gyi bum pa ltar zlum pa/20 thal gong gnyis bong bu med par rgyas zhing gang ba/21 ljags la ro gang blang ba ro zhim pa'i mchog tu gyur pa'i yon tan yod pa/22 sku shing n+ya gro ltar chu zheng gab pa ste gyen 'phred cha snyoms par mdzes pa/23 zlum zhing gnag la g.yas phyogs su 'khyil ba'i gtsug tor dang ldan pa/24 rang bzhin du zhal gyi dkyil 'khor phebs pa tsam gyi ljags ring la mdzes pa/25 gsum tshangs pa'i dbyangs lta bu dang ldan pa/26 'gram pa gnyis sdug cing zlum la rgyas pa me long gi ngos sam seng ge'i 'gram pa 'dra ba/27 mche ba bzhi sogs tshem thams cad mdog shin tu dkar pa/28 tshems thams cad mtho dman ring thung gi tshad mnyam pa/29 tshems la bar mtshams ma phye bas thags bzang ba/30 yas dang mas na nyi shu re ste tshems kyi grangs bzhi bcu tham pa tshang ba/31 spyan ni rin po che mthon mthing dang 'dra bar mdzes pa/32 spyan gyi rdzi ma ba mchog ste ba yi khyu mchog dang 'dra ba bcas sum cu rtsa gnyis so/_/'jig rten khams na yod pa'i so skye nyan rang thams cad kyi bsod nams thams cad bsdoms pa bcur bsgyur pas sangs rgyas kyi ba spu'i (660) dngos po gcig grub te 'dra bar ba spu thams cad skyed pa'i bsod nams brgya 'gyur gyis dpe byed gcig grub bo/_/de'i tshul gyis dpe byad brgyad bcu po thams cad 'grub pa'i bsod nams brgyar bsgyur pas mdzod spu dang gtsug tor gnyis ma gtogs pa'i mtshan sum cu po re re 'grub bo/_/mtshan sum cu po thams cad 'grub pa'i bsod nams stong 'gyur gyis mdzod spu 'grub bo/_/mdzod spu 'grub pa'i bsod nams 'bum 'gyur gyis gtsug tor 'brug pa'i bsod nams bye ba 'bum phrag brgyas mgrin pa chos kya dung ste gsung tshangs pa'i dbyangs 'grub par gsungs so/_

{{#arraymap:mtshan bzang

|; |@@@ | | }}