mtshungs med rdo rje rgyal mtshan

mtshungs med rdo rje rgyal mtshan

rje 'di nyid rab byung bdun pa'i shing 'brug (1425)lor chag skyar skya'i phu'i 'brog gseb tu sku bltams/sku chung ngu nas mnga' ris gung thang du spyan drangs/dgung lo brgyad pa la glang 'khor ba many+dzu shrI las rab tu byung/dgung lo dgu pa la sha ra ba'i dngos slob kun smon mdzes pa'i dpal gyis btab pa'i mus srad gdan sar zhabs sor 'khod/lo gsum ring chos rjes yon tan mgon po lha rta mgrin yang gsang sogs gsan/dgung lo bcu gnyis par gung thang chos grags dang bla chen chos dpal bzang por bsten nas rgyud gsum gyi gsan sbyong mdzad/dgung lo bco brgyad par ngam rings chos grwar rdo rje 'chang A nan ta ma ti las lo nag dril gsum/'jigs byed rwa lugs/phag mo skor gsum/chos skyong gi man ngag sogs dang/bdag chen dpal chos drung du rgyun gsum las byung ba'i dbang bka' bcu bdun sogs dang/bde mchog dang kyai rdor gyi bka' du ma gsan/dgung lo bcu dgu pa la sems pa chen po gzhon rgyal mtsho pas mkhan po dang/nam mkha' lhun bzang pas slob dpon mdzad de bsnyen par rdzogs/dgung lo nyer gcig pa la gung thang rgyal mtshan dkon mchog gi drung du gsung ngag lam skor dang bcas pa dang/gsang 'dun mi bskyod lugs kyi dbang bka' 'gos lugs/bshad bka' bo dong lugs/nag khrid dmar khrid sogs mnos/gur saM sbyong rgyud sogs kyi dbang bshad man ngag mang du gsan/bo dong phyogs las rnam rgyal dang bde chen rnam rgyal grags bzang las dus 'khor dbang sogs gsan/dgung lo zhe dgu pa la dpal ldan sa skyar phebs nas zhi khro sogs rnying pa'i chos 'khor mang du bskor/dgung lo lnga bcu par grang mo che ba'i brgya dpon chos rje kun bsam pas bla brang chen mor gdan drangs nas zhi bar gshegs kyi bar gnas de nyid du zab don nyams bzhes dang 'chad rtsod rtsom gsum gyis bstan pa rin po che gsal (665) bar mdzad rtsom pa'i mdzad pa la (gsal byed rnam bzhi )dang (bla ma 'phags pa/) (bla ma dam pa/) (phyag len/) (bka' sgrub/) ('khrul sel rnam bzhi/) (chu rgyun rnam bzhi )sogs mang du mdzad bstan 'dzin thugs sras byon tshul la chos rje blo gros rgyal mtshan dka' bcu pa dkon mchog bzang po chen po rin chen rgyal mtshan byang pa bdag chen bsod nams rgyal mtshan mi nyag chos grags bo dong bka' bcu pa chos rin shangs pa kun dga' dpal ldan bdag chen rgya gar ba shes rab rgyal mtshan 'dzin pa kun dga' snying po mus chen rnam rgyal bzang po sogs mang du byon de ltar rang gzhan gyi don mthar phyin te dgung grangs don lnga pa la thebs pa rab byung brgyad pa'i sa rta (1498)lor zhi bar gshegs so/_

{{#arraymap:mtshungs med rdo rje rgyal mtshan

|; |@@@ | | }}