nA ro gnyis pa

nA ro gnyis pa

'bri gung gdan rabs nyer gcig pa nA ro gnyis pa bkra shis phun tshogs grags pa rgyal mtshan ni yab gdan rabs nyi shu pa chos rgyal phun tshogs bkra shis dang yum g.yang khug ma'i sras su shing khyi lo gzhu smad spro lung du sku bltams/slob dpon dkon mchog bzang po sogs las yi ge dang gsung rab sogs la sbyangs pa phul du phyid pa gnang/rgya gar gyi grub chen nA ro pa'i sprul par grags/yab nas 'bri gung gi zab chos khag sogs chos mang po gsan/gzhan yang bla ma du ma bsten nas gsar rnying gi chos mang po gsan bsam mdzad/sgam po mang+ga'i mtshan drung nas rab tu byung/mtshan bkra shis phun tshogs grags pa rgyal mtshan du gsol/dgung lo brgyad nas bcu drug bar thel byang chub gling rin po cher spros bcas spros med rim gnyis nyams bzhes kyi rtsal 'don par mdzad/bsam yas dang stag lung sogs su phebs nas chos 'khor bskor/phag mo ba'i dmag dang chos rje bar le ba'i mthu byung yang phyir bzlog gdung brgyud spel bar sras bstan pa'i nor bu 'khrungs/stag gdong rtser gzim khang lcang lo can bskrun/yab gshegs pa'i dngul gdung bzhengs/mi ring bar sog po a nad pA thur gyi hor stod pa dang bsdongs nas bod yul phal cher dbang du bsdu bar brtsam ste klung shod brgyud rdzong gi khad nyer slebs kyang hor dpon karma g.yul rgyal sogs 'bri gung dmag dang rje nyid kyis mngon spyod mdzad pas bzlog /chu byi lo gzhu rta 'ur gsang sngags mchog sgrub gling gi sgrub sde btab/byang hor brgyud khams su phebs pas 'gro don che ba byung/gdan sa'i khur rjes dkon mchog rin chen la phul te kun spangs kyis gter sgrom dang/spro lung sogs su bzhugs/skabs shig mi ngan 'ga' zhig dang rigs sras bstan pa'i nor bu dang dpon sa (lcam )phun tshogs rnam gnyis kyis mdzad spyod kyis zhal ngo nang zhig byung bar dmar drug pa sogs kyi legs spel mdzad kyang don smin ma byung/dus der skyid shod sde pa a dpal gyis 'phags pa lo ke shwa ra'i sku sog por brngan nas sog dmag bod lhags kyis rje 'di byang du gdan drangs par sog yul du byon nas lo shas bzhugs rjes dgung grangs lnga bcu nga lnga'i steng zhi bar gshegs

{{#arraymap:nA ro gnyis pa

|; |@@@ | | }}