rab 'byams

rab 'byams

rab 'byams ni grangs gnas mtho ba zhig ste stong gsum gyi stong chen po'i 'jig rten gyi khams bye ba phrag brgya la rab 'byams rgyud kyi 'jig rten dang/de bye ba phrag brgya la rab 'byams rgya mtsho'i 'jig rten zhes/rab 'byams de la'ang nang gses kyi dbye ba che chung (819) gsum gsungs so/_/'o na stong gsum gyi stong chen po'i 'jig rten gyi khams zhes pa'i tshad ji lta bu zhe na mngon pa mdzod las gling bzhi pa dang nyi zla ba/_/ri rab dang ni 'dod lha dang/_/tshangs pa'i 'jig rten stong la ni/_/stong ni spyi phud yin par 'dod/_/de stong la ni stong gnyis pa/_/bar ma'i 'jig rten khams yin no/_/de stong la ni stong gsum mo/_/mnyam du 'jig cing byung ba yin/_/zhes pa ltar gling bzhi gling phrag brgyad dang nyi zla rgyu skar ri rab 'dod lha drug dang bsam gtan dang po man chad stong phrag gcig la stong dang po ste stong spyi phud kyi 'jig rten gyi khams zhes zer zhing stong dang po'i 'jig rten de 'dra ba stong phrag gcig la stong gnyis pa bar ma'i 'jig rten khams dang stong gnyis pa'i 'jig rten de 'dra ba'i stong phrag gi gal stong gsum gyi stong chen po'i 'jig rten gyi khams zhes bya ba yin de lta bu'i stong gsum gyi stong chen po'i 'jig rten gyi khams bye ba phrag brgya la ni rab 'byams zhes pa yin no/_

{{#arraymap:rab 'byams

|; |@@@ | | }}