rdo rje rgyal po

rdo rje rgyal po

deng rabs bod kyi shes rig spyi dang lhag par dpe skrun gyi bya bar mdzad rjes shin tu che ba'i mkhas dbang rdo rje rgyal po mchog ni bod ljongs gtsang g.yas ru'i char gtogs pa'i ngam ring rdzong gi mdog gzhung khrab bla brang chu mig pa zhes pa'i khyim du rab byung bco lnga pa'i chu glang (1913)lor sku 'khrungs/dgung lo drug gi thog yab kyi mdun nas klog bslabs/dgung lo bco brgyad bzhes pa rang byung bcu drug pa'i lcags rta (1930)lor rtse drung thub bstan 'jam dbyangs kyis a wa mtsho sgo'i sras don grub tshe ring gi g.yog tu gtong gnang bzhin sras don grub tshe ring dang lhan du bkra shis lhun por phebs/phyag las lo lnga tsam mdzad zhor du dkyil 'khor grwa tshang gi tshad ma rig pa'i slob dpon dka' chen 'gyur med dang/dkar leb drung yig o rgyan rdo rje sogs kyi drung du brtson pa chen pos brda sprod rig nags khag la slob gter mthar phyin pa mdzad/rab byung bcu drug pa'i shing phag (1935)lo nas mkhan drug mkhyen rab dbang phyug gi drung yig mdzad de lo gsum tsam bzhugs/de nas gro spyi rim bzhi spom mda' yar 'phel gyi drung yi lo bzhi lhag tsam mdzad/rab byung bcu drug pa'i me khyi (1946)lor rtse drung thub bstan 'jam dbyangs kyi sras kun dga' rgyal mtshan gyi zhabs g.yog mdzad nas rgya gar ldi ler phebs/de'i phyi rol spom mda' yar 'phel gyi sku tshab mdzad de sa skyar phebs te so gsum tsam gyi ring sa skya'i lha khang chen mo nyams gso'i ar las kyi do dam pa mdzad/de rjes khong nyid lha sar phebs te bod dmag khul las byed slob grwa'i dge rgan gnang ste brda sprod rig pa dang/snyan ngag /lo rgyus bcas kyi slob khrid gnang/rab byung bco drug pa'i shing rta (1954)lor pe cin la phebs te mi rigs dpe skrun khang du bod yig gi mtshan mor las zhor slob grwar phebs nas rgya'i skad yig slob sbyong gnang ste lo gsum tsam song rjes rgya yig nas bod yig tu bsgyur ba'i yig cha tshang mar zhu dag phyin ci ma log par gnang thub pa byung ste bsgyur yig gi tha snyad gsar pa khag cig gtan 'bebs mdzad/lo bcu'i zang zing nang zhing bran bdag po'i ngo tshab tu brtsis te pe cin nas pha yul (93) du ngal rtsol bsgyur bkod du phebs dgos byung te ngam ring rdzong du lo ngo bcu gnyis bzhugs ring chab srid kyi gnon shugs dang 'tsho ba'i dka' ngal sogs grangs las 'das pa'i dka' sdug gi 'phrod du'ang bod kyi shes rig la bcangs pa'i la rgya mdor bar lkog tu de gzigs dang ljags rtsom sogs gnang yod rab byung bcu drug pa'i sa rta (1978)lor zang zing gi dus mjug 'grel ba dang chabs cig khong nyid la'ang gu yangs thob nas gdan zhus ltar khren tu 'ur phebs te (bod rgya tshig mdzod chen mo'i )gtso sgrig gzhun pa'i thugs 'gan bzhes lcags bya (1981)lor slar yang mi rigs dpe skrun khang du phebs nas bar lam g.yon gyi bsam blo'i shugs rkyen ngan pa'i dbang las gtor brlag tshabs chen phogs te tha na dpe rgyun yang brlag la nye ba'i skabs der khong gis thugs 'gan bzhes te bod kyi gna' dpe khag gcig bdam sgrig gnang nas dpe skrun mdzad shing glang (1985)lor (rgya bod shan sbyar tshig mdzod )la shu dag mdzad de snyun gzhi drag po phog rung phyag las bar mtshams chad myong med de rjes krung go'i bod kyi shes rig zhib 'jug lte gnas kyi spyi dbu 'dzin gzhon pa'i thugs 'gan bzhes te krung go'i bod kyi shes rig dpe skrun gyi las don gtso gcer mdzad de rgyal khab phya nang gi bod kyi shes rig la zhib 'jug byed mkhan gyi mkhas pa rnams kyi dgos mgo skong ba dang lhag par mi rigs rang nyid kyi rtsa ba'i rig gnas phul byung rnams nyams pa sor chud dang mi nyams gong 'phel gtong bcas kyi ched du bod kyi sngon byon mkhas pas mdzad pa'i bstan bcos khag la bdam bsgrigs gnang nas (gangs ljongs shes rig gi nying bcud )ces pa'i dpe tshogs 'grel spel bya rgyu'i 'char gzhi bkod gnang mdzad gzhan yang khong gis krung go'i bod kyi shes rig zhib 'jug lte gnas kyi las don gtso bo'i gras bka' bstan dpe bsdur gyi sgo nas par 'grem bya rgyu dang krung go'i bod brgyud mtho rim slob gling gi ched bsgrigs slob deb (gangs can rig brgya'i sgo 'byed lde mig )ces pa'i dpe tshogs dang si khron zhing chen bod yig slob grwa'i ched bsgrigs slob deb )gangs ljongs shes rig nyid byed mdun bsus kya rengs dang po )zhes pa'i dpe tshogs sogs dpar skrun bya rgyu'i thad thugs khar dang rgyab skyor tshad med gnang yod mdor nam khas dbang mchog gi sku tshe hril por bod kyi shes rig yar nas yar ldang du yong ba'i bya ba kho nas dus 'da' bar mdzad de mi rigs dpe skrun gang gi zhus chen pa dang krung go'i bod kyi shes rig zhib 'jug lte gnas kyi mtho rim ched las lag rtsal gyi go ming dpyad bsdur lhan tshogs kyi tshogs mi krung go'i bod kyi shes rig zhib 'jug lte gnas kyi ched zhus zhib 'jug pa bod rang skyong ljongs skabs bzhi pa'i srid gros lhan tshogs kyi mi rgyun las pa skabs lnga pa'i srid gros lhan tshogs kyi rgyun las pa lha sa bod kyi shes rig zhib 'jug tshogs pa'i blo 'don pa bod dar rgyas rogs skyor thebs rtsa lhan tshogs gra sgrig tshogs pa'i tshogs mi krung go'i bod brgyud mtho rim nang bstan slob gling gi nang bstan zhib 'jug pa paN chen rin po che'i drug yig krung dbyang mi rigs slob grwa chen mo'i bod kyi rtsom rig lo rgyun rtsom sgrig gi blo 'on pa bcas kyi phyag las thugs 'gan bzhes yod rab byung bcu bdun pa'i lcags lug (1993)lo'i zla ba bcu gnyis pa'i nang gnas mchog lha ldan du sku gshegs bka' rtsom skor la (sum rtags kyi snying 'grel legs bshad 'dren 'i pho nya )zhes pa sogs gsung rtsom khag bcu lhag tsam yod pa de dag ni krung go'i bod kyi shes rig dpe skrun gang nas (rdo rje rgyal po'i gsung rtsom phyogs bsgrigs )zhes pa'i dpe deb gcig bzos te par bskrun byas yod pa bcas lags

{{#arraymap:rdo rje rgyal po

|; |@@@ | | }}