rdo sbis dge bshes shes rab rgya mtsho

rdo sbis dge bshes shes rab rgya mtsho

rje 'di ni mdo smad rdo sbis gser mo ljongs zhes pa'i yul gyi khongs gtogs hor lung pa zhes pa'i grong sder yab lha lung skyabs dang/yum lha lung skyid gnyis kyi sras su rab byung bco lnga pa'i shing sbrel (1884)lor sku 'khrungs/dgung lo lnga pa sa byi lor 'bras skungs sgo mang grwa tshang gi dge bshes lha rams pa nor bu rin po che'i drung nas rab tu byung zhing dge tshul gyi sdom pa legs par bzhes thog /dge ldan 'phel rgyas gling gi chos sgor zhugs nas yi ge sbyor klog la sbyangs pa mdzad/dgung lo bcu drug par chos sde chen po bla brang bkra shis 'khyil du phebs te a khu gung thang blo gros dang/kun man 'jam dbyangs bzhad pa sku phreng bzhi pa bskal bzang thub bstan dbang phyug sogs sde snod 'dzin pa bla ma du ma bsten/a khung gung thang blo gros tshang gi mdun nas dge slong gi sdom pa mnos/dgung la nyer gcig pa shing 'brug (1904)lor dbus su phebs te 'bras spungs sgo mang grwa tshang gi chos grwar zhugs/mkhas dbang 'bul sdud rin po che mchog grub dkar po blo bzang ye shes bstan pa'i rgyal mtshan sogs dge ba'i bshes gnyen bcu phrag gsum lhag tsam gyi zhabs la gtugs te rig pa'i gnas mtha' dag dang/mdo sngags kyi gzhung lugs rgya mtsho lta bu la thos bsam mthar phyin par mdzad nas 'chad rtsod rtsom gsum dang/mkhas btsun bzang gsum gyi yon tan la mnga' rnyed shing/sgo thams cad nas 'gran pa'i zla dang bral ba'i mkhas pa'i go 'phang mthon par gshegs/dgung lo so gsum gyi steng dmigs bsal gyis lha rabs 'phar ma'i ming btags bzhes/nor bu gling ga'i rtsod rgyug skabs ang po thob/tA la'i bla ma sku phreng bcu gsum pa'i bka' ltar rig pa'i gnas lnga la mkhas pa ang dang po 'bras spungs sgo mang klu 'bum dge bshes shes rab rgya mtsho zhes mtshan snyan gyi me tog dgung du 'thor/dgung lo so bzhi pa me sbrul lo nas rgyal dbang thub tan rgya mtsho'i bka' lta bu ston thams cad mkhyen pa'i gsung 'bum pod nyer dgu'i dpar gzhi gsar bzhengs zhu dag dang/bka' 'gyur gsar bzhengs kyi zhu dag legs par mdzad/slob ma'i tshogs kyang shin tu mang ste/grags che ba dge bshes lha rams pa skal bzang rgya mtsho dang/dge bshes gzhung pa tshul khrims rgya mtsho sogs dang/de min slob gnyer la don gnyer byed mkhan mang po la sgra snyan ngag sum rtags sogs khrid nas skyid da mdzad de bod kyi rig gnas mi nyams gong spel gyi bya ba mang po mdzad/dgung lo lnga bcu nga lnga la phebs pa rab byung bcu drug pa'i sa stag (1938)lor go ming tang srid gzhung gis lha sdod sku tshab cang tshan nyid brgyud nang sar phebs dgos nan zhus byas pa ltar lha 'byor brgya dpon lis tan u yon gyis phebs rogs 'og sku 'khor zhabs 'bring dge bshes skal bzang rgya mtsho dang dgon gsar thub bstan 'jigs bral sogs dang lhan du rgya nag tu phebs te chos srid kyi bya ba mang po gnang/dgung lo bdun cu don gsum pa rab byung bcu drug pa'i me sprel (1956)lor rgya gar dang bal yul nas gdan zhus ltar sangs rgyas bcom ldan 'das mya ngan las 'das nas lo nyis stong lnga brgya'i rjes dran chen la zhugs/de'i snga gzhug tu 'bar ma (99) dang kam po dza sing ga la ros tan sogs la phebs nas de ga'i chos pa rnams la bka' chos mang du gsungs shing bstan 'gro'i don rgya cher mdzad bcings 'grol thob rjes mtsho sngon zhing chen gyi hreng krang gzhon pa dang krung go nang bstan mthun tshogs kyi tshogs gtso sogs chos srid kyi thugs 'gan du ma bzhes gsung 'bum deb gzugs ljags dpar ma pod bzhi bzhugs pa mtsho sngon mi rigs dpe skrun khang gis par skrun byas yod dgung lo rgya lnga la phebs pa rab byung bcu drug pa'i sa sprel (1968)lo'i zla 11tshes 1nyin mtsho sngon du sku gshegs

{{#arraymap:rdo sbis dge bshes shes rab rgya mtsho

|; |@@@ | | }}