rdzogs chen

rdzogs chen

gsang sngags rnying ma'i chos kyi snying po man ngag rdzogs pa chen po/de la nang gses kyis phye na/sems sde/klong sde/man ngag gi sde bcas gsum yod/1 sems sde/'di la ma bu bsdoms pa'i bco brgyad yod pa las lnga ni lo chen bai ro tsA na dang/bcu gsum ni paN chen bi ma la las brgyud pa yin la rdzogs pa chen po sems phyogs su grags pa ni/lo chen bai ro tsa dang g.yu sgra snying po gnyis la gnyags dz+nya na ku ma ras zhus/khong la bka' yi chu bo chen po bzhi 'dus shing slob ma'i mchog bcu la sogs pa byung ba nas sog po sangs rgyas ye shes sogs la brgyud nas byung ba yin/yang lo chen bai ro tsa na'i slob ma spangs sangs rgyas mgon pos rba rak+Shi ta la gsungs/des ya zi dar ma shes rab sogs nas brgyud pa dang/yang/bai ro tsa nas jo mo sgre mo la gsungs pa sogs brgyud pa mi 'dra ba yod/'di'i lta grub ni/rang byung gi ye shes chos nyid kun tu bzang po'i klong du chos can gyi snang ma thams cad rang snang bkod pa'i g+r+yan tsam las 'ching grol dang/shar bya shar byed du ma grub pas/yod med dang/yin min gang du'ang mi dpod par ye grol phyogs 'byams chen po gtan la 'bebs pa de yin/2 klong sde/rdzogs pa chen po klong sde ni paN chen bi ma la las byung/des (dpal nam mkha' dang mnyam pa'i rgyud )kyi don klong dgus bstan pa dang (ye shes gsang ba )la sogs pa'i rgyud la brten nas rdo rje ba pa'i man ngag rnams bai ro tsa nas dpang mi pham mgon po la gsungs pa (681) rnams rim gyis 'dzing d+ha rma bo d+hi sogs nas rim gyi brgyud pa las 'phel rgyas byung 'di'i lta grub ni sems nyid rang byung gi ye shes kyis 'khor 'dus kun la khyab kyang snang ba dngos por rgya ma chad/_/stong pa dngos med du rgya ma chad/_/gnyis pa ma yin pa zung 'jug gi phyogs su 'ang mang lhung la ngo bo stong pas rtag pa'i mtha' las grol zhing rang rtsal mag 'gag pas chad pa'i mtha' las grol bas bya brag bde sdug las 'das pa'i lta ba gtan la 'bebs par byed pa de yin 3 man ngan sde snying tig gi skor rnams te slob dpon pad+ma 'byung gnas nas brgyud pa'i man ngag mkha' 'gro snying tig dang pan chen bi ma la mi tra nas brgyud pa'i bi ma snying tig sogs yin zhing 'di'i lta sgrub ni 'khar 'das spang blang dang bral zhing re dogs phyogs lhung las brgal nas blo dang yid dpyod las 'das pa'i chos nyid de gzhi dbyings ka dag mkhregs chod dang lam snang lhun grub thod rgal bsgoms pas blo 'das rang byung gi ye shes skad cig la 'char bar byed pa de yin yang de las zab pa'i rdzogs pa chen po nying tig ni paN chen bi ma la mi tra (snga ma )bod du byon skabs rgyal po khri srong lde btsan dang myang ting 'dzin bzang po gnyis la gsungs shing myang gis dbu ru 'bri gung wa yi lha khang du gter du sbas nas chig brgyud kyi man ngag rnams 'brom rin chen 'bar la gsungs pa las rim par brgyud lce btsun seng ge dbang phyug bar byung des gdams ngag rnams gter kha gsum du sbas pa las rong snar mda'i lce sgom nag pa dang mal dro 'chad pa stag gi shangs pas pa yar 'brog g.yu mtsho'i 'gram du 'khrungs pa'i zhang bkra shis rdo rje rnams kyis gter nas bton te man ngag rnams rim bzhin kun mkhyen klong chen pa'i bar du byung kun mkhyen klo chen pas rdzogs pa chen po snying thig gi chos skor rnams gzhung dang man ngag gang ci'i thad nas dar rgyas su mdzad pas bod yongs su klong chen snying tig ces grags pa 'di byung yang mkha' 'gro snying tig ni/_/slob dpon dga' rab rdo rje nas rig 'dzin shI sing ha la gnang de la slob dpon chen po pad+ma 'byung gnas kyis gsan nas bod du mkha' 'gro ye shes mtsho rgyal la gnang des gter du sbas pa rnams gter ston pad+ma las 'brel rtsal gyis gter nas bton te rgyal sras legs pa rgyal mtshan sogs nas rim par brgyud de dar rgyas su byung ba yin lo rgyus zhib pa thub bstan 'od gsal bstan pa'i nyi mas mdzad pa'i (gnang chen snga 'gyur nges don zab mo'i chos 'byung )dang nam pa mkha' spyod kyis mdzad pa'i (gter ma'i lo rgyus gter ston chos 'byung )kong sprul yon tan rgya mtshos mdzad pa'i (gter ston brgya rtsa'i rnam thar )bcas su gsal

{{#arraymap:rdzogs chen

|; |@@@ | | }}