rgyal ba'i rgyal tshab

rgyal ba'i rgyal tshab

rgyal ba ni rnam 'dren bzhi pa sangs rgyas shAkya thub pa ste/bdud bzhi'i g.yul lam sdig pa'i tshogs ma lus par pham par mdzad pas na rgyal ba zhes brjod/rgyal tshab ni rnam 'dren lnga pa byams pa mgon po ste/bdag cag gi ston pa shAkya thub pa ni/sngar sangs rgyas 'od srung gi spyan sngar bram ze'i khye'u bla mar gyur nas/tshangs par spyod pa spyad de tshe 'phos nas dga' ldan gyi gnas su lha'i bu dam pa tog dkar po (shAkya thub pa dga' ldan yid dga' chos 'dzin na bzhugs pa'i mtshan )zhes bya bar skye ba bzhes te/dga' ldan chos kyis mtho ba zhes bya ba'i khang bzang du seng ge'i khri la bzhugs nas lha'i 'khor dpag tu med pa la chos ston cing bzhugs/chos kyi sgra 'byung ba'i sil snyan dang glu dbyangs rnams kyi mchod pa mang pos mngon par mchod par byed do/_/dus ji tsam na/'dzam bu'i gling gi gdul bya rnams gdul ba'i dus la bab pa dang/sngon gyi smon lam gyi mthu dang/sangs rgyas rnams kyi byin rlabs kyis rol mo'i sgra de dag las byang chub sems dpa' 'dzam bu'i gling du byon pa'i dus la bab pa'i lung bstan/de nas byang chub sems dpas 'khor rnams la kho bo 'dzam bu gling du 'tshang rgya ba'i phyir 'gro'o zhes gsungs pas/de thos pa'i mod la dga' ldan gyi lha rnams yid shin tu skyo bas byang chub sems dpa'i zhabs gnyis la 'jus te/skyes bu dam pa khyed mi bzhugs na dga' ldan gyi gnas 'di mdzes par mi 'gyur ro/_/slan chad kyang ston par 'os pa su zhig yod ces zhus pas/khyed rnams sdug bsngal bar ma byed cig byang chub sems dpa' byams pa 'dis khyod rnams la dam pa'i chos ston par 'gyur ro gsungs nas/rang gi la thod dang cod pan byams pa'i dbu la bcings te/skyes bu dam pa khyod ni nga'i 'og tu dga' ldan na chos bstan nas de rjes 'dzam bu'i gling du mngon par rdzogs pa 'tshang rgya bar gyur ro/_/zhes lung bstan te/dga' ldan du chos ston pa'i rgyal tshab tu dbang bskur nas gzigs pa rnam pa bzhi'am lngas 'jig rten du gzigs nas dgun dus 'das de dpyid kyi dus dpyid zla tha chung skar ma sa ga nya ba'i tshes bco lnga rgyu skor rgyal dang ldanapa 'i dus sbyor la dga' ldan gyi gnas nas 'pho bar mdzad do/_

{{#arraymap:rgyal ba'i rgyal tshab

|; |@@@ | | }}