rgyal ba 'bum phrag gsum pa

rgyal ba 'bum phrag gsum pa

rje 'di nyid 'jam gsar lha sdings zhes grags pa'i 'dabs khang dmar brag khang du rab byung bdun pa'i chu glang (1433)lor sku bltams/dgung lo bdun pa la sems pa chen po gzhon nu rgyal mchog las rab tu byung/de nas paN chen sangs rgyas seng ge /byang sems blo gros rin chen/dol phrug chos bzang bcas las gzhung chen po la gsan pa btsal/dpal ldan sa skya dgon du bka' bcu'i bshad pa mdzad/'bras yul skyed tshul du kun mkhyen byams chen rab 'byams pa'i zhabs pad bsten/rje 'di dang/rtsed thang sangs lhun/zha lu dka' bcu pa legs bshad bdud rtsi'i mchod pas mnyes te/'bum phrag pa zhes pa'i mtshan snyan thob/de nas sgra pa shes rin dang/shangs pa kun dga' dpa' ldan la sgra ka btsan sogs rig gnas che chung la sbyangs pa dpyis phyin pas paN+Di ta zhes pa'i mtshan thogs/dgung lo sum cu pa la byams chen chos rjes mkhan po/go rams chen pos las slob/zha lu ba dka' bcu pas dus go ba mdzad de bsnyen par rdzogs/dgung lo so gcig pa chu lug (1463)lor ngam rings su sher phyin stong phrag brgya pa la bshad pa'i srol chen mo btod/dgung lo so gnyis pa la blo go smon thang gi chos sder 'bum gyis gtsos pa'i gzhung lugs brgya la mkhas pa'i dga' ston bsgrubs/rgyal blon 'bangs bcas pa ngo mtshar gyi dpal la bkod pas 'dod rgu'i mchod pa rgya cher phul/dgung lo so bzhi pa nas lo bcu gsum ring blo gsal don gnyer nyis brgya skor la legs bshad kyi bdud rtsi ci dgar bstsal/dgung lo zhe bdun pa nas lo bcu'i ring gnas nges med du 'chad pa'i rtsol ba la zhugs/dgung lo lnga bcu nga bdun pa sa bya (1489)lor gtsang ston bsod rgyal gyis mthun pa'i rkyen sbyar te dpal mnyan yod bya rgod gshongs kyi chos grwa chen po btab/de'i phyi lo 'phags mchog klu sgrub rgyal tshab tu dbang bskur/rje nyid lo bcu gsum ring gnas nges med du zab sngags kyi chos kyi 'khor lo bskor/dgung lo bdun cu pa la 'phags mchog dag pa'i dbyings su gshegs pas/rje nyid kyis slar mnyan yod du sngags kyi chos 'khor bskor/ston pa 'khar gnas brtan gyis bskor ba dri'i gtsug lag khang dang bcas pa bzhengs/rje 'di nyid kyis mdo sngags kyi zab chos gsan tshul yang/rje ngor chen yab sras la sa skya ngor lugs/bdag chen rgya gar ba dang rnal 'byor pa bstan 'dzin dpal sogs la sa skya rdzong lugs/bshes gnyen blo gros rgyal mtshan la rje btsun bo dong pa'i dwags po bka' brgyud dang rangs chung snyan brgyud sogs mkhyen rab yod dpal byung la shangs pa bka' brgyud dang ri chos sogs mang du gsan nas legs par dgongs pas dus 'da' zhing/bshad sgrub kyi bstan pa ches cher blo gsal la nges pa bde blag tu skye ba la rje 'di nyid bka' drin bla na med du che/thugs las skyes pa'i slob ma yang/thugs sras 'phags mchog klu sgrub/ar ston/blo gros rgya mtsho/kun mkhyen lcags thang chos rje/rgyal ba dkon mchog dpal ba/lho byang gi lha dbang rnam gnyis/'jam mgon blo gros bkra shis sogs bsam gyis mi khyab pa byon/mthar dgung grangs don gnyis la phebs pa rab byung brgyad pa'i shing byi (1504)lor dgongs pa gzhan don du gshegs

{{#arraymap:rgyal ba 'bum phrag gsum pa

|; |@@@ | | }}