rgyal ba dge 'dun rgya mtsho

rgyal ba dge 'dun rgya mtsho

(tA la'i bla ma sku phreng gnyis pa )rje dge 'dun rgya mtsho ma chog ni gtsang rta nag bsregs te bzhad mthong smon rdzong khongs su gsang sngags gsar rnying gi bstan pa'i bdag po rdo rje 'chang kun dga' rgyal mtshan dang/ma gcig kun dga' dpal mo'i sras su rang byung brgyad pa'i me sprel (1476)lor sku 'khrungs/mtshan sangs rgyas 'phel zhes gsol/dgung lo gsum dang bzhi'i ring sho ma lung ri khrod du yab kyis sku yon sgron/dgung lo bdun la thos bsam gling gi kun mkhyen chos 'byor dpal bzang gis rgyal ba dge 'dun grub pa'i sprul skur ngos 'dzin mdzad/dgung lo brgyad la bkra shis lhun por phebs nas paN chen lung rigs rgya mtsho dang mjal/dgung lo bcu pa la paN chen lung rigs rgya mtshos las rab tu byung/mtshan dge 'dun rgya mtsho'i dpal zhes gsol/paN chen rin po che'i drug du tshad ma rna 'grel gyi gzhung yang rgyugs 'bul mdzad nas gzhung chen po la slob gnyer gan nga/lo der gnas rnying chos rje kun dga' bde legs par dge tshul bsgrubs/dgung lo bcu bdun la dbul phar gyi gzhung la thugs gnyer mdzad/dgung lo bco brgyad par dmu ba'i 'dzin grwar phebs/dgung lo bcu dgu la 'jam dbyangs legs pa chos 'byor gyi gdan zhus ltar 'bras spungs su phebs/dgung lo nyer gcig la gnas rnying chos rje'i drug du bsnyen rdzogs kyi sdom pa bzhes/dgung lo nyer gsum pa paN chen mchog 'od zer gyis 'phyongs rgyas ri bo bde chen du gdan drangs nas chos kyi 'khor lo rgya cher bskor/der gnas pa'i mkhas pa rnams kyis sku na phra mo 'di lta bu la blo gros phul du byung ba de 'dra ba ni rgyal dbang nyid kyi 'phrin las gzugs su grub pa gor ma chag ces dad gus phul du byung ba mdzad/sne gdong gong ma ngag dbang bkra shes grags pa rgyal mtshan chen pos kyang gzigs skyong chen po gnang/rje mchog gis rtsed thang khyams ra chen mo'i gyang ldebs su rgyal ba tsong kha pa'i 'dra sku bzhengs/dga' ldan lnga mchod kyi mchod pa bzang po gsar du btsugs/dgung tsho nyer lnga la lha sar phebs/'jam dbyangs dga' ba'i bshes gnyen dang mkhas grub nor bzang rgya mtsho sogs bla mar bsten nas mdo sngags kyi gdams pa yongs su rdzogs pa gsan/'chad rtsod rtsom gsum gyis bstan pa'i rgyal mtshan bla ru bsgrengs/dgung lo so bzhi pa rab byung dgu pa'i sa sbrul (1509 )lor dwags ston rgyal du dpal ldan dpar zor ma'i bla mtsho mjal bar phebs te lha mo'i bla mtsho'i nye 'gram du chos rgyal a mo g+has sbyin bdag mdzad nas chos 'khor rgyal gtsug lag khang kha ched bdun cu dang/gtsang khang ka chen brgyad/mgon khang ka bzhi bcas brgyad kyi chos 'khor rgyal me tog thang gi dgon par phyag btab/rten gtsor bzo bo bal po nyi ma dpal gyis bzhengs pa'i gser zangs gi byams chen bzhugs/dgung lo so bdun la rgyal po lha thog tu lha mo'i bla mtsho'i gnas sgo bye bar mdzad/de nas paN chen ye shes rtse mo'i gdan zhus ltar bkra shes lhun por phebs te khri thog lnga pa mdzad/dgung lo so brgyad la 'ol dga' dang chos 'khor rgyal khul du kong dmag dang 'bri gung pa'i dmag lhags/dgung lo zhe gnyis la thob bsam gling gi blo bzang bshes gnyen dang/shar rtse blo gros rgya mtsho gnyis khri tshab tu bap+sako gzhag gnang nas gdan zhus ltar 'bras spungs su phebs/dgung lo zhe gsum pa 'bras spungs kyi khri pa dgung pa mdzad/rje tsong kha pa mchog gis lha ldan smon lam chen mo gsar 'dzugs gnang nas lo dbu bcu go gcig ring star chags su tshugs kyang skyid shong gi kha bdag rin spungs pas mdzad nas lo nyi shu'i ring gsang phu ba dang/karma pa sogs kher rkyang gis smon lam tshugs pa de skor rje nyid kyis phag gru gong mar se 'bras gnyis smon lam la zhugs chog pa'i snyan seng bka' 'khrol byung don sa stag (1518)lor smon lam gyi tshogs dbu mdzad/'di'i lo nas se 'bras dge gsum slar yang sngar rgyun ltar smon lam chen mo tshugs par phebs/gdong gi mi dbang gong ma chen po bkra shes grags pas 'bras spungs kyi mtsher shag rdo khang sngon mo rje 'di la phul rjes ming dga' ldan pho brang du bsgyur/dgung lo zhe dgu la chos 'khor rgyal dug ser zangs kyi rje btsun mi pham mgon po'i sku mtho bcu'i tshad dang ldan pa zhig gsar bzhengs mdzad/dgung lo nga gnyis la da da ngag dbang bkra shes grags pas sogs kyis gsos ba btab pa bzhin se ra theg chen gling gi gdan sa yang mdzad/dgung lo re drug la 'on mnga' ris grwa tshang du chos grwa btsugs/snga phyir bkras lhun dang/'bras spungs/se ra so so'i mkhan po mdzad/bka' rtsom (mtshan brjod drang nges rnam dbye )dang/(dbu ma'i lta khrid/) (bstod tshogs/) (stong nyid bdun cu pa/) (smon lam bdun cu/) (sgrol ma nyer gcig gi rnam bshad/) (grub mtha' rgya mtshor 'jug pa'i gru gzings )sogs po ti lnga tsam bzhugs shing/rgya gar gyi chu bo gang+ga'i tshun chad snyam ngag la mkhas par grags/gsum las skyes pa'i slob ma khri rin chen po bde ba can pa chos rje dge legs dpal bzang sogs mang du byon/dgung la re bdun la phebs par rang byung dgu pa'i cha stag (1542)lo'i bod zla gsum pa'i tshes brgyad nyin 'bras spungs dga' ldan pho brang du zhi bar gshegs/sku gdung dngul sdong zhig 'bras spungs tshogs chen du bzhugs

{{#arraymap:rgyal ba dge 'dun rgya mtsho

|; |@@@ | | }}