rgyal ba yang dgon pa

rgyal ba yang dgon pa

rje 'di nyid la stod lho'i dgon pa lha gdong du yab jo bsam dang yul rnam rgyal ma chos mthong zhes bya ba gnyis kyi sras su rab byung bzhi pa'i chu bya (1213)lor sku bltams/yab kyis mtshan gdung so ba 'bar zhes gsol/dgung lo lnga la phebs skabs yi ge 'bri klog legs par mkhyen/de'i tshe sangs rgyas mi bskyod rdo rje zhes bya ba zhig byon pa la thugs spro snang chen pos 'brel 'dris mdzad thog /bla ma de las mnga' bdag myang gi gter kha'i skor rnams dang zhi byed gsan/dgung lo drug bzhes pa'i tshe phul dmar ba'i thad du byon nas sgyu 'phrul gyi dbang dang rdzogs pa chen po'i rgyud gdangs ngag dang bcas pa dang/bka' gdams/zhi byed/gcod yul/lam 'bras snying po skor zhal gdams rgyab chos dang bcas pa'i chos dpag tu med pa gsan/der lo gsum bzhugs/dgong lo dgu pa la lha gdong gi gdan sa mdzad/bu chung gi dus nas mon par shes pa mnga'/de nas bla ma ko brag pa/rgod tshang pa/sa skya paN chen/rje spyan snga/sangs rgyas ras chen sogs las chos mang du gsan/dgung lo nyi shu rtsa gnyis pa la mkhan po lha btsun sog kha pa/las slob ko brag pa/gsang stod drod chung/las gral ba brgyad cu'i drung du bsnyen par rdzogs/mtshan rgyal mtshan dpal du gsol/phyis shrI ri gnas ldings kyi dgon pa btab/der lo gcig bar rdo rje skyil krung du bzhugs/bu le la sogs pa'i gnas rnams su yang khrid skyang zhing dben pa bsten/spyir sku'i snyan pa che bas phyogs mtha' dag nas 'dus pa'ip+salob ma khri phrag brgal/ri chos skor gsum dang ma drug la sogs pa'i brtsams chos kyang mang du mdzad/slob ma yang spyan snga rin ldan dang/lo ras chos skyong dpal/dar ma rgyal mtshan gnyis/zur pa rin chen dpal sogs kyis gtsos rtogs pa dang ldan zhing 'jig rten la chags pa'i sgrub pa po mang du byung/mthar dgung lo zhe drug la phebs pa rab byung bzhi pa'i sa rta (1258)lor gshegs

{{#arraymap:rgyal ba yang dgon pa

|; |@@@ | | }}