rgyal srid sna bdun

rgyal srid sna bdun

rgyal srid sna bdun las 'khor lo rin po che ni sngon dus 'khor los bsgyur ba'i rgyal po rnams kyi bsod nams kyi stobs las pho brang gi rtse nas bden tshig brjod pas shar phyogs kyi nam mkha' nas rgyal po'i mdun du babs te gang du 'gro 'dod pa'i yul der 'khor lo des sna drangs nas 'gro ba dang/de dang mnyam du rgyal srid gzhan rnams kyang 'byor 'ongs pa de yin/nor bu rin po che ni mdog mthing ka dri ma med pa 'od kyis dpag tshad brgyad cu ma du snang bar byed pa'i nus pa dang ldan pa/gling bzhi'i 'gro ba thams cad kyi dbul phongs sel ba/'dod rgu yid bzhin du skong ba la sogs pa'i yon tan dang ldan pa de'o/_/btsun mo rin po che ni gzugs mdzes shing blta na sdug pa/bud med kyi skyon thams cad dang bral zhing yon tan dang ldan pa/yid du 'ong ba'i dri dang reg bya dang ldan pa la sogs pa de'o/_/blon po rin po che ni rnam thos kyi bu lta bur longs spyod dpal 'byor phun sum tshogs pa/rgyal pos stong gsum gser gyis khongs shig ces bskal stsal na'ang skad cig gis sgrub nus shing gtong phod che ba'i bsod nams dang ldan pa'o/_/glang po chen po che ni thar dkar mche ba drug dang ldan pa spyi gtsug dmar zhing dpangs mtho ba/nor bu'i dra bas g.yogs shing glang phal ba stong gi stobs mnga' ba/shin tu mgyogs khyad dang ldan pa glang chen sa srung gi bu lta bu'o/_/rta mchog rin po che ni mdog sngon po rma bya'i mgrin pa'i spu lta bu yid du 'ong ba/nad med cing 'tsher skad kyis 'dzam gling khyab pa/rgyal po'i thugs la gang shar shes pas cang shes pa/'dzam gling nyin gcig la lan gsum bskor nus pa'i bang shugs rlung dang 'dra ba rta yi rgyal po cang shes pa la ha lta bu'o/_/dmag dpon rin po che ni snying stobs dang ldan pa/sgyu rtsal dang g.yul 'gyed pa'i thabs la mkhas pa/dpung tshogs yan lag bzhi dang bcas pa/gzhu bdungs pa tsam gyis pha rol gyi dgra sde thams cad dpa' zhum pa'i gzi byin bstod par dkar ba rgyal po 'phags skyes po lta bu yin no/_

{{#arraymap:rgyal srid sna bdun

|; |@@@ | | }}