rgyal tshab dar ma rin chen

rgyal tshab dar ma rin chen

dga' ldan khri thog gnyis pa thams cad mkhyen pa dam pa rin chen mchog ni rab byung drug pa'i shing 'brug (1364)lor yab blon po rba'i rigs rgyud rta dpon pa dang/yum jo mo shes rab ma gnyis kyi sras su gtsang nyang stod kyi yul du 'khrungs/dgung lo bcu par gnas rnying dum khan chen rin chen rgyal mtshan gyi drung du rab tu byung/mtshan dar ma rin chen du gsol/de nas slob dpon dpal mgon pa'i drung du yi ge 'bri klog phul du phyin par bslabs/bka' bzhi pa rin chen rdo rje dang/rje btsun red mda' ba gzhon nu blo gros sogs mkhan chen du ma spyi bor bsten nas mdo sngags kyi chos mang du gsan/lhag par du rje btsun red mda' ba las phar phyin dang/tshad ma/'dul ba/mngon pa/dbu ma sogs mdo phyogs kyi gzhung rnams dang/gsang 'dus sogs gsang sngags kyi gzhung phal che ba gsan sbyong gnang ste red mda' ba'i thugs sras rab 'byams pa bdun gyi nang tshan rtsol bzang mchog gyur gyi mtshan yang thogs/de nas sa skya dang/gsang phu/rtsed thang bcas su pu ti dka' ba bcu'i grwa skor gnang/rong ston shAkya rgyal mtshan dang mkhan chen g.yag pa sogs sa skya'i mkhan chen rnams dang rtsod gleng lags par mdzad de mkhan pa'i grags pa thob nas dka' bcu pa'i mtshan rtags bzhes/bod la dka' bcu pa zhes pa'i mtshan yang thog mar 'di nas byung bar grags/dgung lo nyer lnga pa la bsnyen par rdzogs/de nas dbus phyogs kyi grwa sa rnams su grwa skor mdzad/'jam mgon bla ma'i grags pa gsan pas rtsod pa mdzad par gnyal gyi ra grong du byon pas rje bdag nyid chen po'i sku gsung thugs kyi yon tan la shin tu dad de slob ma'i gtso bor gyur/lo bcu gnyis kyi bar du rje rin po che'i zhabs phyir rgyun mthud nas dga' ldan gsar bzhengs kyi mkhar las kyang bsgrubs/rje'i chos gsungs tshad gsan/gsan tshad bzung/bzung tshan brjed du ma bcug par mdo sngags mtha' dag la thogs pa med pa'i mkhyen pas mkhas pa rnams legs bshad kyis yid 'phrog par mdzad cing/rje tsong kha pa zhing gzhan du gshegs khar rje 'di la dbu paN dang sku ber gnang ste gdan sar bzhugs par don gyis go bar mdzad pa bzhin 'dus ba 'dzin pa dang gnas brtan rin chen rgyal mtshan sogs bu slob thams cad kyis mgrin gcig tu gsol ba btab pas/dgung lo nga drug pa rab byung bdun pa'i sa phag (1419)lor rje thams cad mkhyen pa zhing gzhan du gshegs pa dang rje 'di dga' ldan gser khrir phebs te khri pa'i gdan rabs gnyis par gyur cing/rgyal tshab ces pa'i mtshan thob/khri thog tu lo ngo bcu gsum bzhugs ring 'chad rtsod rtsom gsum gyi bya ba rgya cher spel/rje bdag nyid chen po'i rnam thar bzhin du 'dul ba'i 'chad nyan dang/gzhi gsum gyi phyag len sogs rnam par dag pa dang/gsang sngags spyi dang khyad par du gsang bde dus 'khor kyai rdor 'jigs byed rnams kyi rgyud kyi bshad pa rim gnyis kyi khrid sogs mdor na bod snga ma rnams kyi blo'i spyod yul du ma gyur pa'i ja bla ma'i legs par bshad pa mtha' dag rang gi nyams myong dang lung rigs dri ma med pas 'chad par mdzad pas rje'i dngos slob phal che ba dang skal ldan rnam dpyod can mtha' dag rang dbang med par yid 'phrog ste rje rin po che dang khyad par med pa'i gus 'dus mdzad par brten pha rjes bus zin pa rje'i bshad sgrub kyi bstan pa rkang tshugs par gyur/de nas dgung lo re brgyad la phebs pa lcags phag (1431)lor mkhas grub dge legs dpal bzang dga' ldan khri thog gsum par rang gi rgyal tshab tu dbang bskur/dgung lo re dgu la phebs pa rab byung bdun pa'i chu byi (1432)lora'i bod zla lnga par rtse po ta lar chos dbyings su gshegs/gsung las skyes pa'i slob ma mkhas pa ratA bkra shis dang/byams pa gling pa/rin chen dpal/'dul dga' ba grags pa dpal ldan/blo gros mgon po/gling smad yon rgyam pa chen po rin byang pa/'dul 'dzin bsam 'phel ba/sangs rgyas bzang po/blo brtan pa/dpal ldan bzang po sogs bstan 'dzin gyi skyes bu dam pa shin tu mang po byung/bstan bcos kyang (rnam 'brel gyi rnam bshad thar lam gsal byed )dang/(rnam nges dgongs pa rab gsal/) (rigs thigs kyi TIk+ka rin po che'i gter mdzod/) (tshad mdo'i mthar 'dzin gdung sel/) (shes rab kyi pha rol du phyin pa'i man ngag gi bstan bcos mngon par rtogs pa'i rgyan gyi 'grel pa don gsal ba'i rnam bshad snying po/) (dbu ma rin chen phreng ba'i rnam bshad snying po'i don gsal ba )la sogs pa'i gzhung chen po'i 'grel pa dang/gsang 'dus dang/dus 'khor sogs kyi bka' rtsom gcig tu bsgril ba pod chen brgyad bzhugs so/_

{{#arraymap:rgyal tshab dar ma rin chen

|; |@@@ | | }}