rgyud chen kun dga' don grub

rgyud chen kun dga' don grub

rgyud chen kun dga' don grub ni gtsang gnas rnying du rab byung bdun pa'i sa phan (1419)lor sku 'khrungs/gzhon nu'i dus snar thang du rab tu byung nas slob gnyer mdzad/rje dge 'dun grub pa las tshad ma rnam 'grel gsan/rje shes rab seng ge'i drung du gsang 'dus rtsa rgyud le'u bdun pa yan gyi bshad lung dang/rim lnga'i dmar khrid gsan/'bras spungs su mkhan chen dpal blo'i zhabs la gtugs nas dbu phar/'dul mngon sogs gsan/rgyud chen sbyin pa dpal ba las 'dus pa'i rgyud 'grel man ngag dang bcas pa yongs su tshang bar zhus/gzhan yang rje shes rab seng ges gtso bor gyur pa'i mkhas grub gnyis ldan gyi bla ma mang po bsten nas mkhas pa chen por gyur te rgyud smad grwa tshang du bzhugs/de nas rgyud chen sbyin pa dpal ba dang grags pa bzang pa gnyis lo lnga phyir sku gshegs rjes de'i sku tshab tu grwa dmangs nas rje kun dga' don grub la mos kyang dbu mdzad sogs kyis ma mos stabs rje nyid rkyen ngan lam du lhongs par gzigs nas rgyud pa'i nang rten mgon po phyag drug pa'i zhal thang dang/nang mchod ka pA la bsnams nas rab byung brgyad pa'i shing sprel (1464)lor dbus stong phyogs su phebs/de nas dbus stod byams gling du gdan sa mdzad de lo bcu tsam bzhugs/rab byung brgyad pa'i shing rta (1474)lor rje nyid dgung lo nga drug thog dbus stod lo khul du rgyud kyi bshad grwa btsugs nas ri'i gyis 'phel rgyas byung ste dgung lo re brgyad par lo bcu gsum ring rgyud kyi 'chad nyan mdzad nas rgyud stod grwa tshang zhes pa de byung/gsung rtsom (rgyud kyi rgyal po dpal gsang ba 'dus pa'i le'u dang po'i rtsa 'grel gyi tshig don gsal bar 'chad pa'i man ngag rim gnyis gter mdzod )dang/(rgyud kyi rgyal po dpal gsang ba 'dus pa'i le'u dang po'i rtsa 'grel gyi sa bcad )sogs pod 'bring gcig bzhugs/dngos slob kyang slob dpon lha rin pa/ye shes rtse pa/bla ma phyag drug pa sogs mkhan dbang 'ga' byon/de ltar bstan pa'i rgya ba chen po mdzad nas dgung lo re brgyad la phebs pa'i rab byung brgyad pa'i me rta (1486)lor byams pa gling du sku gshegs/sku gdung zhugs la phul bas thugs ljags dbu thod ring bsrel gyis brgyan pa byon pa'i thugs ljags gnyis dpal gsang ba 'dus pa'i gser sku khru khang pa gcig bzhengs pa'i nang du bzhugs/dbu thod ni lha rtse dgon gsar du bzhugs so/_

{{#arraymap:rgyud chen kun dga' don grub

|; |@@@ | | }}