rgyud sde chen po bzhi

rgyud sde chen po bzhi

sangs rgyas chos lugs kyi gsang sngags nas rigs mi 'dra ba bzhir phye ba ste/1 bya rgyud/2 spyod rgyud/3 rnal 'byor rgyud/4 rnal 'byor bla na med pa'i rgyud bcas yin/rgyud sde bzhi'i go don bshad tshul la bod kyi sa skya dang/rnying ma/bka' brgyud/dge lugs bcas kyi grub mtha' so sos gsung tshul mi 'dra ba yod kyang/(chos 'byung mkhas pa'i dga' ston )gyi rtsom pa po dang kong sprul rin po che yon tan rgya mtsho'i bzhed pa ltar na bya rgyud ni/phyi'i kun spyod khrus dang gtsang sbra sogs gtso bor ston pa'i sgo nas sngags kyi lam bsgom pa'i cha nas bzhag pa dang/spyod rgyud ni/phyi lus ngag gi bya ba dang nang sems kyi ting nge 'dzin cha mnyam par spyod pa'i sgo nas gsang sngags kyi lam bsgom tshul gtso bor bstan pa'i rgyud rnams yin zhing/rnal 'byor rgyud ni/nang thabs shes gnyis kyi rnal 'byor dang bden pa gnyis dbyer med du sbyor ba'i ting nge 'dzin bsgom tshul gtso bor ston pa'i rgyud rnams yin la/rnal 'byor bla med kyi rgyud ni/gzhi lam 'bras gsum gyi skabs su thabs shes gnyis med du sbyor tshul gtso bor ston cing/de las lhag pa'i rgyud sde gzhan med pa zhig yin par gsungs/rgyud sde bzhi po so sor ngo bo dang sgra don/nang gses kyi dbye ba/'jug sgo dbang/bsrung bya dam tshig dang sdom pa/lam mngon rtogs kyi rim pa/bsgrub bya'i dngos grub/sa lam 'bras bu bcas kyi khyad par rnams zhib par rje tsong kha pa'i gsung (sngags rim chen mo )dang 'jam mgon kong sprul rin po ches mdzad pa'i (shes bya kun khyab )rtsa 'grel bcas la gzigs