rgyud smad grwa tshang

rgyud smad grwa tshang

dpal ldan rgyud smad grwa tshang ni rje tsong kha pa'i dngos slob 'phrin las nam mkha' dang mnyam pa'i chu chen bzhi'i ya gyal rje btsun shes rab seng ges (mdzad rnam zhib pa gsham du rje shes rab seng ge zhes par gzigs )dngos su 'chad nyan gyi rgyun 'dzugs par mdzad pa ste/rab byung bdun pa'i sa phag (1419)lor rje tsong kha pas 'grel pa bzhi sbrags kyi glegs bam phyag tu bsnams nas khyed cag mkhas pa rnams kyi khrod na dpal gsang ba 'dus pa'i rgyud kyi bshad srol 'dzin nus pa su yod ces bka' lan 'ga' zhig stsal ba na/mkhas pa gzhan sus kyang zhal gyis bzhes ma nus pa'i tshe rje shes rab seng ges zhal gyis bzhes par mdzad pas rje tsong kha pa shin tu dgyes te gsang ba 'dus pa'i gser sku dang/'grel pa bzhi sbrags kyi glegs bam/chos rgyal gyi zhal 'bag /'cham gos/dbyug to/zhags pa sogs gnang nas sngags kyi bstan pa'i bdag por mnga' gsol/de nas lo shas rjes gnang phu mthong smon grwa tshang gi bla ma'i mdzad 'khur de rje dge 'dun grub la gtad de rje shes rab seng ge nyid gtsang shab stod lhun po rtser byon pas si tu bsod nams dpal dang bdag mo shAkya dpal gyis sbyin bdag mdzad de rje tsong kha pa'i phyag len bzhin sgrub dkyil bzhengs mchod dang gsang ba 'dus pa'i rgyud kyi bshad rgyun btsugs/srad rin chen rtses pas sbyin bdag mdzad de srad gzhung du dga' ldan pho brang zhes pa'i grwa tshang btab pas gtsang gi srad rgyud ces rgyud stod rnying par grags pa byung/lhun po rtse'i bla rabs bzhi pa 'phags 'od yon tan rgya mtsho sogs kyis chos zhus shing zhabs la gtugs par chos rgyal gyi zhal 'bag dang/'cham gos sogs kyang rten du bstsal/srad dga' ldan pho brang du rgyud kyi rgyal po gsang ba 'dus pa'i 'chad nyan 'dzugs par mdzad nas 'dug nag dpal ldan bzang po 'chad nyan par bsko gzhag mdzad de rje tsong kha pas gnang ba'i 'grel pa bzhi sbrags kyi glegs bam bstsal/de nas dbus phyogs su phebs te chu glang (1433)lor dga' ldan du rgyud kyi 'chad nyan btsugs par dbus kyi rgyud smad ces su grags/de nas bzung rje shes rab seng ge dpon slob rnams phyogs phyogs su chos bar gtegs nas dbyar sos gnyis rgyud 'grel gyi bshad pa dang/ston dus gsang ba 'dus pa'i rdzogs rim rim lnga gdan rdzogs kyi dmar khrid dang/sbyor ba yan lag drug gi khrid/nA ro chos drug /'khor lo sdom pa'i rdzogs rim rnal 'byor chen po'i khrid/de'i rdzogs rim rim pa lnga'i khrid/rdo rje 'jigs byed kyi rdzogs rim rnal 'byor bzhi'i khrid rnams 'debs par mdzad pa 'di rnams la khrid chen drug tu grags pa dang/de'i steng 'khor lo chen po'i rdzogs rim gyi khrid dang/gsang 'dus ye shes zhabs lugs te 'cham dpal rdo rje'i rim gnyis kyi khrid bsnan nas khrid chen brgyad du yang grags pa de'i steng byang chub lam gyi rim pa'i khrid dang/dbu ma thal 'gyur ba'i lta khrid kyang 'debs par mdzad/de ltar lo bcu gsum bskyangs nas rgyud kyi 'chad nyan sbyin pa dpal la gtad de rje tsong kha pas gnang ba'i gnang 'dus kyi gser sku de rgyud smad grwa tshang gi rten du gnang/rje shes rab seng ge 'das rjes de'i phyag srol nyams pa med par rgyud chen sbyin pa dpal dang grags bzang sogs kyis bskyangs te lo ltar chos bar gtegs srol yang rab byung bcu drug pa'i sa phag (1959)lo bar yod/sngon dus gnas gzhi gtso bo dga' ldan du yin 'dug kyang/spyi lo'i dus rabs bcu drug pa'i smad nas gnas gzhi lha sar chags pa yin skad/'ga' zhig gi gsung srol la lha sa gtsug lag khang gi nub ngos sde dpon dga' bzhi'i khang pa rdo ring zhes pa de rgyud smad 'dus tshogs bzhugs pa rjes su da lta'i rgyud khang du gzhi phal skad 'dug kyang yig cha ma mthong/yang re 'ga' lha sa'i klu sbug seng ge shag ces pa de thog mar rgyud smad kyi 'du khang yin pa de nas da lta'i rgyud khang du spos zer yang ngag gros tsam yin/da lta'i rgyud khang lcang lo can ni spyi lo'i dus rabs bcu bdun pa'i nang dga' ldan pho brang khri thog lnga bcu pa bya bral dge 'dun phun tshogs rgyud smad kyi mkhan po gnang skabs bde chen gsang sngags mkhar gyi rgyud smad chos thog 'du khang dang/lha sa'i rgyud smad 'du khang gsar rgyag mdzad ces rnam thar du gsal zhing/rgyud smad lha sar gtan bzhugs gnang yul rgyud khang lcang po can gyi 'du khang ka ba bzhi bcu zhe gnyis (ka ring bzhi tshud )gtsang khang thog sa gsum lon pa'i ka ring brgyad dang ka thun brgyad can yod pa'i shar ngos mgon khang ka ba dgu/gtsang khang gi thog sa gnyis pa'i zhal ras lha khang mdun sgrol ma lha khang ka thung drug can/gtsang khang thog sa bzhi pa'i steng nub ngos rgyal ba'i gzim chung dang/shar ngos mkhan po'i gzim chung le lag dang bcas pa/dbus su blos blangs khang ka ba brgyad ldan/'du khang gi mdun sgo mchor steng rab gsal ka ba gnyis yod pa ni phyag mdzod khang yin/grwa khang steng mchod pa khang dang/phyag mdzod khang gi rung khang (thab tshang )mdzod khang sogs khang mig bcu grangs skor/grwa khang gi nub ngos khri thog khang zhes sngon dus lcang skya bzhugs gnas thog tshad bzhi ldan/grwa khang gi shar lhor rung khang/grwa khang gi mdun du rdo bcal/de'i nub ngos su grwa shag thog sa gnyis ldan ra skor dang bcas pa gsum bcad yod la de min khrom gzigs khang gi byang (deng skabs pe cin lam gyi lho ngos )du rgyud smad khang gsar zhes khang pa gsum thog sgo ra dang bcas yod/'du khang gi dbus su mkhan po'i bzhugs khri dang/de'i g.yas ngos su rje shes rabs seng ge'i 'dra sku/mkhan khri'i g.yas kyi ka ba'i ngos su rje tsong pa kas rje shes rab seng ger gsang ba'i gsang 'dus kyi gser (zangs )sku tho gang tsam byin can/gdong gral gyi nub ngos gral 'gor bla ma dbu mdzad kyi bzhugs khri/gtsang khang gi sgo g.yas g.yon du dngul gdung gnyis/'du khang gi gyang ldebs shar nub tu yi dam gyi bris sna tshogs dang/gzhung sgo'i shar ngos su rnam sras kyi bris sku gsum dang nub ngos mgon po dang chos rgyal phyi nang gi bris sku/dge bskos kyi khri/seng g.yab kyi ngos su thub dbang/rje tsong kha pa/rje shes rab seng ge sogs kyi bris sku/gtsang khang nang rje yab sras gsum gyi sku brnyan thog tshad gsum yod pa dang/rnam sras kyi sku brnyan/de min sku brnyan che chung du ma/bka' 'gyur sogs glegs bum du ma kun dga' ra ba dang bcas pa mgon khang nang 'jigs byed thog tshad nyis ldan gtso bzhugs kyi gsang bde mgon chos lha mo sogs kyi sku brnyan/bar thog sgrol ma lha khang nang rten gtso sgrol ljang gi ldebs bris gsum byon mar grags pa dang/lcang skya rol pa'i rdo rje'i thugs dam rten bde mchog gi li sku sogs mang po/thog sa bzhi pa'i blos blangs khang nang rten gtso rgyal ba byams pa sprul sku'i cha chas kyi bzhugs stangs can thog tshad ma dang 'khor nye sras brgyad bcas kyi 'jim sku dang/rta mgrin khams gsum zil gnon dang/'jam dpal na ga ra'i 'jim sku khru khang lhag tsam re sogs sku brnyan mang po/ka ba'i bar du gser zangs las grub pa'i gnang 'dus blo blangs dang/tsan+dan dmar po las grub pa'i 'jigs byed dang bde mchog gi blos blangs bcas yod/rgyud smad grwa tshang gi sgrig gzhi'i thad/dbu 'dzin gtso bo mkhan po dang/de bzhin bla ma dbu mdzad/byang 'dren/dge skos/dkon gnyer/dung mkhan bcas te las sne drug ces zer/mkhan pos chos lugs kyi gtso 'gan bzhes rgyu dang/bla ma dbu mdzad kyis bca' yig bzhin sgrig lam gnon 'doms dang/grwa tshang tshogs 'du'i 'go 'dzin sogs gnang rgyu/byang 'dren chen mos tshogs gzhung du 'don pa rta 'dur dbyangs gsung dang rol mo dkrol rdung sogs rgyun gtan dang dmigs bsal chos thog khag la tshogs theng so sor ji ltar rgyas bsdus dgos pa rnams dbu bskul mdzad rgyu dang/byang 'dren gzhon pas byang 'dren che mor phyag rogs zhu rgyu/dge skos kyis rgyun gtan gyi sgrig lam gnon 'doms thog rang thag ma chod pa rnams bla ma dbu mdzad la dgongs skor zhu rgyu/tshogs su skyabs zhu dang snyan seng zhu rgyu sogs gnang dgos/dkon gter dang chab ris kyis dge skos kyi phyag g.yog zhu rgyu/zhal lta bas lag bde'i 'go dang ja thug gtong tshod sogs yin/grwa tshang gi dpal 'byor 'du 'god byed rgyu sogs phyag mdzod khang nas byed cing gzhis khag so sor gzhis ka bla ma (gzhis sdod )gtong rgyu dang/lo 'khor gtong yong rtsis rgyag /sbyin bdag che chung la sne len zhu rgyu/gzhung gi las khungs khag nas gtong sgo zhu rgyu dang rung khung du zhal lta bar rtsis sprod rgyu/gzhung gi yig cha 'byor na khungs su skyel rgyu/chos thog so so'i gtong sgo zhal blta bar rtsis sprod rgyu sogs yin/phyag mdzod rnams ni khang tshan lnga nas grwa pa bskyed rim pa pha yul dbus pa yin pa'i mi re 'dzugs dgos pa dang/'gan 'khur dus tshod lo lnga re yin 'dug /rgyud smad grwa tshang la khang tshan cha ba dang/gser kong/a mdo/tre hor/rgyal rong bcas lnga dang/tsha ba khang lan la 'brog mi dang/ldan ma sogs mi tshan bcu drug dang/a mdo khang tshan la bya khyung dang/gtsang pa sogs bzhi/tre hor la dkar mdzes dang/rdza pa sogs/rgyal rong la dar mdo sogs mi tshan yod la khang tshan so sor khang tshan spyi rgan zhes grwa pa rgan pa re yod pa bcas so/_

{{#arraymap:rgyud smad grwa tshang

|; |@@@ | | }}