rig 'dzin ku mA rA dza

rig 'dzin ku mA rA dza

grub chen me long rdo rje'i slob ma 'di nyid yab bsod nams dpal dang yum khye bza' 'bum me gnyis kyi sras su rab byung bzhi pa'i me stag (1266)lor g.yo ru 'on par gsar rdzing kha zhes bya ba'i grong du 'khrungs/mtshan thar pa rgyan du btags/gdung lo bdun pa la bla ma dgyes rdor ba la las kyai rdo rje dang bde mchog gi dbang zhus/dgung lo dgu par mkhan po gtsang pa las dge bsnyen bsgrubs/spyan ras gzigs 'khor ba dong sprugs kyi chos skor rnams zhus/0 dgung lo bcu gnyis pa la phag mo gru'i mkhan po yer pa ba dang slob dpon mnga' ris pa las rab tu byung/mtshan gzhon nu rgyal por gsol/chos 'dul ba la bslabs/rin po che grags yer ba las lo lang bar du nA ro chos drug la sogs pa dang/'tshar stengs pa las rtags gnyis gsan/dpon sangs she las bzo rig par sbyangs brtson mdzad/khyung nag kAsha dar las rnying ma'i rgyud lung man ngag mang du zhus/de nas me long rdo rje dang mjal/phyag rgya chen po dang rdo rje phag mo'i chos skor sogs gnas nas bsnyen pa mdzad/shAkya dar las rnying ma'i rgyun lung man ngag mang du zhus/mtshur phur byon nas bla ma gnyan ras dang dar ma mgon po las karma pa'i chos skor rnams gsan/de nas rgya sman pa nam mkha' rdo rje las gsang skor gnad kyi ngo sprod dang/skal ldan pa chos kyi seng gi las gnang ba gdan gyi me long sogs (829) rdzogs chen gsang ba'i skor zhus slar mkhas chur grub chen me long rdo rjer gsang ba snying tig dbang khrid gdams pa dang bcas pa legs par thob rje 'di bla mar bsten nas lo brgyad bzhugs de nas yar lung mtshar stengs kyi ri khrod btag nas sgrub pa mdzad mtshur phur chos rje rang byung rdo rjes gdan drangs te snying tig gi gdams pa rnams phul snga rjes su slob dpon sgom pa dpon po byang chub sgrub o rgyan pa rin chen dpal bla ma bkra lung lung pa slob dpon ye shes mgon po sogs pa bshes gnyen mang dag las gangs skor dang rgod tshang pa'i khrid kyi skor a ro'i khrid mo che don skor la sogs pa bod na grags pa che ba'i rdzogs rim phal mo che khong du chud chos phyir dka' spyad bzod pas tsA ri gsar ma bgrod nas rnying ma'i g.yu mtsho'i 'gram du gcig pur zla ba brgyad bzhugs thugs 'gyur dang skyo shas kyis rgyud brlan pas rtag tu sham pa la sogs gangs khrod dang lung stong 'ba' zhig tu lhag skyob tsam la brten nas ri khrod dang gsang khrod la bzhugs te sgrub pa snying por mdzad karma pa rang byung rdo rje la sogs pa'i dam pa mang por gsar ma bla na med pa'i zab chos mang du gnang lam rgya dang nya rgya dang ri rgya la sogs pa kong po nas g.ye la thug gi bar du bsdams snying thig gi gdams pa rdzogs rim gan dang mi 'dres par chos kyi ngar skad grub mtha' rtsal du bton nas gsungs byang chub sems dpa'i spyod pa la shin tu goms pas rdo rje chen po'i gzhan dbang gis grong dang yul 'khor mang po dag la thar pa'i sa bon 'debs pa kho na lhur len mdzad pa sogs 'do don bsam gyis mi khyab pa'i ngang dgung lo don brgyad la phebs par rab byung drug pa'i chu lug (1343)lor ngo mtshar gyi ltas du ma dang bcas drang srong tsog ku'i 'dug stangs dang chos sku'i gzigs stangs kyi ngang las zhal 'dzum par gshegs so/_

{{#arraymap:rig 'dzin ku mA rA dza

|; |@@@ | | }}