rje btsun mi la ras pa

rje btsun mi la ras pa

mar pa'i slob ma ka chen bzhi'i ya gyal byang gi ka chen/rje 'di nyid rab byung dang po'i lcags 'brug (1040)lor yab mi la shes rab g+r+yal mtshan dang yum myang nga dkar rgyan gnyis kyi sras su mang yul gung thang gi skya rnga rtsa ru sku 'khrungs/sku chung ngu'i skabs mtshan la thos pa dga' zhes zhu/khong sku bltams nas yun ring ma song bar yab sku gshegs pas a khu dang a nes sdug po tshad med btang/de rjes yum gyi bka' bzhin mthu bslabs nas 'khon glan par mi mang po bsad/slad nas sdig pa la 'gyod de chos byed par sa rta (1078)lor lho brag tu phebs te mar pa lo tsA ba chos kyi blo gros dang mjal/mar pas mi lan 'di rkos shig gsungs pa ltar bka' thog ma bsgrubs/skyems chang gnang ba gtsang mar bzhes pas gdams ngag gi snod du gdongs nas rjes su bzung/sdig sgrib yong ba'i slad du sku mkhar zlum po/sog ka /zla gam/gru gsum rnams rtsig bcug pa slar yang bshig /mtharap+saras mkhar dgu thog ces su grags pa grub zhi dgu thog rtse mo rin po che 'bar ba lta bu rtsigs gsungs nas mdo khyams dbu rtse dang bcas pa brtsigs par mdzad/gzhan yang dbang gral nas lan mang bton pa sogs yid chad chen po bdun gyis sgrig pa sbyangs te bla ma mar drung du lo drug zla ba brgyad tsam bzhugs nas chos phyir dkar ba tshad med spyad mthar dbang dang gdams ngag rdzogs par bzhes/lha dang bla mas gnang mtshan bzhad pa'i rdo rje zhes btags par grags/bla ma'i sku mdun nas zhal bral khar/bla mas/khyod la byin dang gzhan la byin/_/gal te srang la bcal yod na/_/sum 'gyur bas kyang mi lhag ri/_/zhes 'khod pa'i shog dril tham ga brgyab pa zhig gnang ste sdug thug pa'i dus 'dir ltos/de bar ma lta gsungs nas bstan pa gtad/chos la zhes pa'i bar skyes thung mdzad de spyi bor phyag bzhag nas smon lam dang gnas dang rgyud 'dzin la sogs pa'i ma 'ongs lung bstan du ma mdzad/dgung lo zhe lnga pa shing byi (1084)lor stod phyogs skyid grung dang gnya' nang khul du phebs shing sgrub pa'i dam bca' mdzad de lo dgu'i ring na bza' ras rkyang dang zas zwa tshod tsam lab rten pa sogs dka' spyad drag pos bsgoms pas sku tshe 'di nyid la mchog gi dngos grub thob/de nas phyogs gzhan du 'byon bzhud mdzad de sngon du rung ba'i slob ma rnams la gsang sngags kyi gdams pa ci rigs gnang ba sogs snyan pa'i grags pa sa phyogs kun tu khyab cing/sgrub brgyud kyi bstan pa'i srol btsugs/nyams mgur mang du brtsams bshis rjes rabs pas (rje btsun mi la ras pa'i rnam thar rgyas par phye ba mgur 'bum )zhes bya bar bsgrigs/mthar thugs kyi sras mchog rje sgam po la bstan pa gtad de dgung lo rgya bzhi pa rab byung gnyis pa'i chu yos (1123)lor sku gshegs/slob ma'i mchog ni rje sgam po ba dang/ras chung pa/de bzhin 'bri sgom ras pa/se ban ras pa/ras pa zhi ba 'od/khyi ra ras pa/ngan nga ras pa/bde bap+sakayong/ra rdzi ras pa ste ras pa mched brgyad/ston pa drug /ras ma bcug nyis/grub thor ma drug sogs bgrangs kyis mi lang ngo/_/rnam thar lo rgyus rgyas pa yongs grags ni gtsang smon he ru ka sangs rgyas rgyal mtshan gyis rab byung brgyad pa'i shing yos (1495)lor brtsams pa dang/yang ri bo che cho sa rje mi g.yo mgon po'i slob ma rta tshag pa tshe dbang rgyal gyis rab byung brgyad pa'i me yol (1447)lor brtsams pa'i (lho rong chos 'byung thub bstan gsal byed )kyi nang gong gi rnam thar nang mi gsal ba'i lo rgyus mang tsam 'dug pas de dag tu gzigs par zhu

{{#arraymap:rje btsun mi la ras pa

|; |@@@ | | }}