rje btsun red mda' ba gzhon nu blo gros

rje btsun red mda' ba gzhon nu blo gros

sa skya'i bla ma 'di nyid srong btsan gyi blon chen mgar stong btsan gyi rgyud du grags shing/dpal ldan sa skya dang khad nye ba'i red mda' khab sor rab byung drug pa'i sa glang (1349)lor sku bltams/dgung lo bco brgyad pa la sa bzang ma ti'i drung du tshigs snga ma gnyis dun de mtshan gzhon du blo gros zhes gsol/sku gzhon nu'i dus dpal sa skyar mkhas pa nya dbon/mkhas chen sangs rgyas 'phel/dpal ldan bla ma dam pa/lo chen byang rtse/rgyal srasar+sa pa sogs las tshad ma/phar phyin/mngon pa gong 'og blo sbyong sogs rgyal ba'i bstan pa lung gi chos mtha' dag legs par gsan sbyong mdzad/mkhas chen kun dga' dpal las bsnyen par rdzogs shing/'du ba dang lam 'bras gsan/de nas lo tsA ba nam bza'/lo tsA ba grags rgyal/lo tsA ba skyabs mchog dpal la sogs las gsang 'dus kyis mtshon pa'i rgyud man ngag dang/mkhan chen byang seng las dbu ma gnas nas rnal 'byor kyis dpyad pas dbu ma thal 'gyur ba'i gnas la nges pa rnyed/rgyud gnang ba 'dus pa dang/'du lam thal 'gyur ba'i bstan pa la bka' drin shin tu che/rje 'di ni rnam dpyod kyi rtsal yangs shing mkhyen stobs che bas mdo rgyud dgongs 'grel dang bcas pa gang la yang lan gcig gam gnyis zhib tu gzigs pa tsam gyis bstan bcos de'i rtsa 'grel legs par sbyar ba'i don gyi lus yongs su rdzogs pa khog pa bsgrigs te rang rang gi lugs ma 'dres par thugs su chud cing rigs pa'i lam nas mtha' dag par darangs te gzhan la 'doms par thogs pa mi mnga' zhing/bul rong gi dben gnas su lo bcu gnyis bzhugs pa'i lo lnga rtsod sgom gtso bor ston pa'i thugs dam nyams bzhes kho na mdzad/lo bdun skal ldan gyi gdul bya rnams la nyams khrid legs bshad kyi dga' ston spel/khyad par dbu tshad gyi rigs sam thams cad phyis nub nang ming tsam du gyur pa na rang stobs kyis dbu tshad kyi rig pa'i lam srol phye nas byang phyogs kyi mkhas pa kun gyi mgo bo la bka'i phreng ba ngal gso bgyis pa'i shing rta chen por gyur/rtsom pa mdzad pa la/'dzam gling mdzes pa'i rgyan mchog dka' chen bzhi/rtsa 'jug gzhi sum theg chen rgyud bla ma/chos mngon mdzod dang dpal ldan 'dus pa ste/_/rnam bshad mdzad pa'i gzhung lugs bcu phrag gcig /ces pap+lata zab chos mang du ljags rtsom gnang zhing/gsung las skyes pa'i slob ma yang/sbyangs pa'i mchog gyur kun mkhyen sher 'od dang/_/srid kyi mchog gyur blo bzang grags pa dang/_/lta ba'i mchog gyur gon gyo nyi ma grags/_/nyams len ma chog gyur kun dga' dpal bzang po/_/rtsom ldan mchog gyur dpal 'byor shes rab dang/_/'chad mkhas mchog gyur bsod nams shes rab dang/_/rtsod bzang mchog gyur dam ra rin chen no/_/de bzhin byang pa bka' bcu pa dge legs dpal sogs dang/phar tshad shes pa'i slob ma brgya phrag brgal ba byung ngo/_/de lta bu'i skyes bu 'di ni/dgung lo drug cu re bzhi la phebs pa rab byung bdun pa'i chu 'brug (1412)lor dgongs pa gzhan don du gshegs so/_

{{#arraymap:rje btsun red mda' ba gzhon nu blo gros

|; |@@@ | | }}