rje chos kyi grags pa

rje chos kyi grags pa

'bri gung gdan rabs nyer gsum pa 'di nyid yab phun tshogs dang yum g.yang khug ma gnyis kyi sras su rab byung bcu pa'i shing lug (1595)lor sku bltams/sku na 'tshar nas thog mar yab rje'i drung du gtsug phug phul te mtshan dkon mchog phun tshogs zhes gsol/chung ngu nas mkhas grub sangs rgyas rin chen las bka' brgyud gong ma'i bka' bum sogs mang du gsan/yig bdun ma dang/bstod pa khrag rgyal ma rgyun chags su mdzad/mkhas grub mang po'i zhabs la gtugs nas gshin rje yang bzlog gi phyag len rnams la thugs 'dris dang/gsar rnying dkyil 'khor mtha' dag gi bris thig rdul tshon bri ba sogs la shin tu byang ba mdzad/dgung lo bcu gcig par rje nA ro pa las drang srong log tri skor rigs gtad dngabacas pa gsan nas de nyid kyi bsnyen sgrub yun ring mdzad pas gzigs snang mang du byung/zhwa dmar chos kyi dbang phyug gis mkhan po dang las slob sogs kha bskong grangs tshang gi dbus su dge tshul gyi sdom pa bzhes/de nas rje drung las spyi don legs bshad rgya mtsho/phyag mdzod sde pa dkon mchog las snyan ngag daN+Di'i tshig rgyan/sde pa lum pa ba las yig rigs sogs gsan sbyong dang/rje drung las rdo rje phreng ba'i rtsa dkyil nyer brgyad pa'i dbang dang rgyud sde'i phyag len/rgyal ba'i bka' 'gyur ro 'tshal gyi lung gsan/ban grong shod pa'i spo spo rnams sras dang/las rus mkhan chen po'i dpon po las dkar nag rtsis kyi gzhung lugs chen po rnams la byang bar mdzad/rje n+pAro pa las khams gsum 'khrug byed las kyi rlung dmar skor gsan/de nas yangs ri sgar gyi gdan sa mdzad/'phan yul du phebs skabs kha rags kyi gnas gzigs dang/tshe chung phug gi gnas sko gsar du phye/gzigs snang rnams gtan la phab/phyag zhabs kyi rjes bstsal/dgung lo bco brgyad pa la chos lung mkhan po byams pa chos kyi rgya mtsho las bsnyen par rdzogs/de nas gsar ma'i chos du ma gsan/a khyung bla ma sogs bon po mkhas pa 'ga' zhig la gtad khram ser 'bebs sogs rig sngags zab mo kha shas gsan/de nas gdan zhus ltar dar rtse mdo dang li thang du phebs nas chos kyi 'khor lo rgya cher bskor/phyir 'bri gung du phebs nas 'phags yul gyi paN+Di ta wA tsaspa ti zhes pa bod du byon pa de las sgra rig sogs rig gnas mtha' dag la gsan bsam dogs gcod mtha' chod pa mdzad/de nas yangs ri sgar gyi gdan sa'i khur bla ma spangs mda' ba bkra shis dar rgyas la gnang/rje nyid spyan drangs pa bzhin snga rjes su bsam yang dang/spro lung/rngod/nyang po brag dkar lha chu/spo bo/ma bskungs lung/tsA ri tra/pu ri rgyab skor/sgam po/e sogs yul lung dang gnas mchog khyad par can du mar phebs te snod ldan rnams la zab chos dang gnas skor mdzad/dgung lo so gnyis la phebs pa me stag (1626)lor 'bri gdan seng khrir zhabs sor bkod/chos srid kyi mdzad 'phrin rgyas/bya khyung pa pad+ma rdo rje 'bri rdzong tu gdan zhus kyis bla ma dgongs pa 'dus pa'i dbang che chung tshang ma/rdzogs chen gser zhun ma/lam 'bras nyams khrid chos skor yongs rdzogs kyi lung bcas dang/sangs rgyas gling pa'i gter chos phal cher gsan/rab byung bcu gcig pa'i me yos (1627)lor gtsang nas sde srid kyi sras mo lcam drung khab tu bzhes/rje nA ro pa'i gdung rten rnam rgyal mchod rten bzhengs pa gnang/mthing shog gi ngos la gser dngul spel mas rgyal ba'i bka' 'gyur rnying ma rgyud 'bum dang bcas po ti brgya dang nyi shu bzhengs/de nas gdung rgyud mi 'byung ba mkhyen nas shing bya (1645)lor sku sngags chas dor nas bsnyen par rdzogs/rgyal dbang thams cad mkhyen gzigs lnga pa chen pos rje nyid la dbugs dbyung ba'i bka' tham dang mchod yon du bka' mchid gsung nan bcas sku'i nyes dmigs la grol zhing/snyan grags cher rgyas par gyur/chu 'brug (1652)lor rgyal dbang lnga pa rgya nag tu chibs kha sgyur skabs 'dam thang 'brog tu phebs skyel du byon/shing rta (1654)lor bal bod kyi bzo bo nyi shu skor gyi la grwa tshugs te thugs dam rten cho 'phrul chen po'i mchod rten gser dngul las grub pazhig bzhengs/rgyal dbang mchog gi bkas bskul ba'i gshin rje lcags sdig gi mchod rten bcas chog rdo rje 'bar ba'i mtshon rnon ljags sgrig mdzad nas 'bul gnang bar mchog dbyes nas bka'i glegs bu rten bzang po dang bsngags brjod rgya che ba gnang/gzhan (bka' brgyad kyi khro rol rnam lcags theg chen )sogs dang/(yang zab kyi kha skong kha shas/) ('dul ba'i mdo rtsal mtshan 'grel/) (zab lam chos drug gi khrid nA ro'i zhabs kyi zhal lung ) (bde mchog sga lo'i lha lnga/) (dril bu lha lnga/) (drug cu pa) (kyai rdo rje sa lugs/) (spyan ras gzigs phreng ba skor gsum skor/) (lhan skyes rnam bzhi/) (bla med rdo rje theg pa'i dkyil 'khor bdun/) (ngan song yongs su sbyong ba gtsug tor dgu/) (kun rig /) (bka' brgyad/) (gshin rje yang bzlog me'i spu gri/) (lcags sdig ) (khro chu log tri )sogs gsar nyang gi dkyil chog sgrub phrin dang/rig gnas sogs grangs nges kyi bstan bcos grangs kyis mi langs pa mdzad/zhal slob la mtshon na dkon mchog 'phrin las bzang po/lho 'phrin las rnam rgyal/mnga' bdag rgyal sras bkra shis phun tshogs sogs mang du byung mthar dgung lo drug cu re lnga la phebs pa rab byung bcu gcig pa'i sa phag (1659)lor dgongs pa chos dbyings su thim

{{#arraymap:rje chos kyi grags pa

|; |@@@ | | }}