rje dkon mchog rgya mtsho

rje dkon mchog rgya mtsho

khri chen bsod nams grags pa'i sprul sku rje dkon mchog rgya mtsho mchog ni yab ngag dbang bkra shis dang yum a rig g.yas chen bza' skyid mtsho gnyis kyi sras su rab byung bcu gsum pa'i lcags khyi (1790)lor sku bltams/dgung lo lnga'i thog bkra shis 'khyil gyi gdan sar bkod/g.yag shul 'dus 'dzin chos bzang dar rgyas klog gi slob dpon du bsten/dgung lo drug pa la gung thang 'jam dpal dbyangs kyi drung las rab tu byung/dgung lo brgyad dgu nas chos grwa 'grim ring zhag bcu nyi shu la rtsam pa kha la sbyar ma myong ba yod gsungs/dgung lo bcu gcig par chos grub zhugs/lo der bsdus grwa'i tshogs rgyug phul/thog god chos ldan dge rgan du bsten nas bka' pod yongs rdzogs la sbyangs pa dpyis phyid pa mdzad/dgung lo bcu drug la yab rje d+h+wa dza'i mtshan can tshul bzhin du bsten nas bzung bka' chos gang gnang chag med du gsan/'dzin grwa gzhung du slebs pa nas dbu ma gsar ma'i lor smon lam rab 'byams pa'i mtshan rtags mdzad/gung thang 'jam dpal dbyangs las bsnyen rdzogs dang/nam mkha' sgo 'byed kyi dbang sogs gsan/de nas kun gzhi gas thams cad mkhyen pa/khri chen 'jigs med rig pa'i seng ge /bka' 'gyur ba chen po dkon mchog dpal 'dzin bcas las chos bka' mang du gsan/bka' 'gyur gyi lung zhus/chu lug rigs grwar rdo rabs pa'i dam bca' bzhag /bde mo thang dga' ldan chos 'khor gling gi khrir bzhugs/rab byung bcu bzhi pa'i lcags stag (1830)lor dbus su phebs/lha ldan chos sde khag la mang 'gyed zhal 'debs dang/dga' ldan/brag yer pa/la mo/phun tshogs gling/mal dro spang gsar/rin chen gling/gar phug sogs yol kha'i rje'i sgrub gnas rnams dang/'phan po/gzhis rtsi sogs kyi gnas rten rnams zhib mjal zhus/de nas khri chen ngag dbang chos 'phel drung du sngags rim chen mo'i bshad dbang lung dang/shar rtse dpon slob blo bzang bkra shis las zhogs don yod mkhas grub pa'i gsung 'bum/chu bzang dge bshes skal bzang mkhas grub las sha bar ba yod tan grags kyi lam rim 'bring po'i lung rnams gsan te sman yon chen por gyur/lcags yos lor mdo smad du byon/urge sgar gsang sngags smin rgyal gling gi khrir phebs/mdo sngags chos kyi 'khor lo rgya cher bskor/shing 'brug (1844)lor bkra shis 'khyil gyi tshogs chen khrir 'khod de brtse bzhag chag med mdzad/chos rgyud 'dzin pa'i bu slob sa khyab pa byung/de bzhin du rnga ba/mdzod dge/dbal shul/sog po mda' bcu gcig /hor/rong tsho chen bco brgyad sogs phyogs gar sar zhabs kyang bcags te so so'i re ba yid bzhin du skong bar mdzad/gzhan yang brag dkar byang chub gling/rgyal lung rnam rgyal gling/gzhung ba kha gsum gyi dgos sde sogs la phebs te chos bka' ci rigs bstsal/de nas ri khrod du sku mtshams la lan mang bzhugs/dge tshul slong snga phyir mang du bsgrubs/ci mdzad gzhan phan 'ba' zhig tu dgongs shing kun la mthun grub kho na mdzad/de nas sngar sor zhig la yab rje d+h+wa dza'i zhabs kyis rje 'di la khyed kyi sku gong ma'i dgung gegs de 'dzur na bzang/de phan chad nyid nas bab la gzigs/ha cang bgres na skus thegs dkar rgyu red ces gsungs pa zhal gyis bzhes pa bzhin re bdun gyi dgung gegs 'dzur ba'i lo gnyis pa rab byung bcu bzhi pa'i sa rta (1858)lor mkha' spyod dag pa'i zhing khams su re zhig gshegs pa'i tshul bstan/thugs dam grol rim la rlung phra mo tsam yang mi rgyu bar nam mkha' g.ya' dag pa sogs rdzogs rim nas bshad tshod ltar gyi rtags mngon mtshan can byung/thugs sras shes rab rgya mtsho sogs mang du byon

{{#arraymap:rje dkon mchog rgya mtsho

|; |@@@ | | }}