rje shes rab seng ge

rje shes rab seng ge

rje 'di nyid gtsang stod kyi sa 'i char srad kyi gur me zhes par yab dang pa dmar po dang yum chos sku bkra shis rnam gnyis kyi sras su rab byung drug drug pa'i chug phag (1383)lor sku 'khrungs/dgung lo chung ngu nas sngon gyi bag chags sad pas khyim gyi 'du 'dzi la mi dgyes par chos 'tshol ba la spro ba brtas pa zhig byung/dgung lo bcu pa la snar thang du chos zhugs mdzad/mkhan chen grub pa shes rab kyi drung dud ge tshul gyi sdom pa bzhes/mtshan shes rab seng ger gsol/sa skya'i mkhas pa chen po g.yag phrug sangs rgyas dpal dang/shangs pa kun khan shes rab dpal bzang/rong ston chos rje sogs bsten nas gzhung lugs sbyangs pa mdzad/dgung lo nyi shu pa la mkhan chen grub pa shes rab kyi mdun nas dge slong gi sdom pa bzhes/snar thang du bzhugs ring mkhan slob rnams las dbang dang rjes gnang gsan zhing gtso bo mtshan nyid la sbyangs pa mdzad/rab byung bdun pa'i lcags stag (1410)lor dbus su phebs te rje tsong kha pa chen po dang mjal/rje rin po che dang ldan du 'od bkra shis don/ khar la phebs/der tshad ma/dub ma rtse sha'i rnam bshad/drang nges rnam 'byed/rtsa ltung rnam gzhag sogs gsan nas grab mtha' snga ma dor zhing phyi ma bzung/gsang phur rje dge 'dun grub pa sogs dang mjal nas dpal 'khor lo sdom pa 'dus dkyil gyi cho ga dang/bdag 'jug gi cho ga sogs legs bshad kyi dga' ston thog mar bstsal/de nas dga' ldan rnam par rgyal ba'i gling du phebs nas rgyal ba tshong kha pa las dpal gsang ba 'dus pa'i rtsa rgyud dang 'brel ba sgron gsal cha lag dang bcas pa dang/bshad rgyud lnga sgrub thabs mdor byas mdo bsre gnyis rnam bzhag rim pa dang rim lnga sogs 'phags lugs kyi 'dus pa'i gdams pa rnams dang/rje mar pa dang 'gos lo la sogs pa bod kyi bla ma rnams kyis mdzad pa'i man ngag dang gzhung bshad/'dus pa ye shes zhabs lugs dang gshin rje gshed skor dang/'khor lo sdom pa dang/kyai rdo rje/dus kyi 'khor lo rnams kyi 'grel bshad dang bcas pa dang/de dag gi man ngag rnams gsan nas brtson pa chen pos sbyangs pas spyir rgyud sde bzhi ga dang/khyad par bla med kyi rgyud sde'i don la mkhas pa'i phul du phyin/rab byung bdun pa'i sa phag (1419)lor se ra chos sdings su rgyal ba tsong kha pa chen pos chos 'khor skor gnang skabs su/byams chen chos rjes rgyud kyi bshad grub 'dzugs pa'i gzhi rten phul ba na/chos grwa'i mkhas mang gi dbus su rje chen po ches 'dus pa'i rgyud sogs nged rang gi bshad srol 'di 'dzin zhing dar rgyas byed nus pa su yod ces bka' lan gcig gnyis phebs pa la mkhas pa sus kyang gsum lan 'bul ma spobs pa'i tshe/rje shes rab seng ges tshogs dbus nas bzhengs te sku phyag dang bcas rje nyid kyi dgongs pa dang mthun pa bdag gis bgyi'o zhes zhus pas/rje bdag nyid chen pos shin tu dgyes shin byin rlabs mdzad/nang mchod ka pA la gang ba dang/gsang ba 'dus pa'i gser gyi byin rlabs can/'grel pa bzhi sbrags/rgyud kyi rnam bshad gnyis/bskyed rdzogs kyi yig cha rnams dang/chos rgyal gyi zhal 'bag gter ma/'cham gos/dbyug to zhags pa bcas gnang nas gsang sngags bla na med pa'i ston par mnga' gsol/de nas sne gdong mi dbang grags pa rgyal mtshan sar rje'i bka' 'bum bzhengs pa'i phyag las mdzad/de nas gsang phu gling stod mthong smon grwa tshang gi slob dpon gnang ste mdo phyogs kyi 'chad nyan spel/de rjes rje dge 'dun grub pa dang lhan tu gtsang la phebs/byang ches snang thar rta nag sogs su mtho phyogs kyi 'chad nyan mdzad pas slob ma nga du 'dus/de nas rje rin po che'i bka' lung ltar lhun po rtser phebs/si tu bsod nams dpal dang bdag mo shAkya dpal gnyis kyis sbyin bdag bgyis nas srad rgyud grwa tshang btsugs/rje rin po che'i phyag len ltar sgrub dkyil dang rgyud kyi 'chad nyan tshugs/de skabs sgron gsal rnam nges mdzad nas par yang bsgrubs/de nas seng ge rtser stod rgyud par grags pa'am sras rgyud par grags pa'i sngags phun sum tshogs pa phyag btab/rab byung bdun pa'i chu glang (1433)lor dbus kyi rgyud smad pa dang de rjes bzhad steng kha dgon sogs phyag btab/lcags sprel (1440)lor rje dge 'dun rub pa dpal bzang po dang ldan du slar yang gtsang du byon nas snar thang dang/byang chen/lhun+papo rtse sogs su sngags kyi chos 'khor rgya chen bskor/shing byi (1444)lor rje shes rab seng ge dbus su phebs nas rgyud 'grel bshad dang/byang chub lam rim/'dus pa bde mchog sogs kyi khrid dang bshad pa rim par gnang/rgyud smad grwa tshang lo bcu gsum bskyangs te dbyar sos 'dus pa'i rgyud 'grel/ston dus rim lnga gdan rdzogs/sbyor drug /nA ro chos drug /lU dril/rdzogs rim/'jigs byed kyi rdzogs rim/lam rim khrid dang lta khrid sogs kyi 'chad nyan mdzad/'dul khrims gces su 'dzin pa'i dge 'dun gyi bca' khrims kyang gnang/grwa tshang gi nang rten du rje rin po ches gnang ba'i gnang ba 'dus pa'i gser sku dang/nang chod ka pA la/mgon chos kyi zhal thang bstsal/de ltar rje rin po che'i drung du dam bca' pa mthar phyin par mdzad de/rgyud kyi 'chad nyan sbyin pa dpal ba la gtad de dgung lo re gsum shing glang (1445)lo'i bod zla lnga pa'i tshes nyer lnga la dga' ldan rgyud khang du bde bar gshegs/rjes 'jug rnams kyis sku gdung rin po che zhugs su phul bas dbu thod ma nyams dang/rim bsrel ngo mtshar ba rang byon du phebs pa rje dge 'dun grub pas bzhes te da lta'i thub dbang bdud 'dul ma'i gzugs su bzhugs/gsung rtsom (rgyud thams cad kyi rgyal po dpal gsang ba 'dus pa'i rtsa ba'i rgyud kyi sgron me rab tu gsal bar byed pa'i rgya cher 'chad pa )zhes pa le'u bcu bdun dang ldan pa zhig mdzad/rje 'di nyid kyi bshad pa 'dzin pa'i slob ma 'dul nag pa dka' ldan bzang po dang/paN chen bzang po bkra shis/rgyud chen sbyin pa dpal ba sogs mtha' yas pa byung ba'i khrod na rgyal mtshan gyi tog ldan mngon par mtho ba 'gran zla dang bral ba ni thams cad mkhyen pa rje dge 'dun grub pa yin/rje shes rab seng ges dbus kyi rgyud pa grwa tshang phyag btab rjes rim bzhin dbus gtsang mdo sngags sogs mthar dbus kyi yul gra rnams su rgyud stod smad gyi rjes su 'brang ba'i dgos sde mang du 'phel/rgyal po tsong kha pa chen po'i bzhes srong dpal gsang 'dus sogs gsang sngags rgyud kyi bstan pa phyogs thams cad du dar ro/_

{{#arraymap:rje shes rab seng ge

|; |@@@ | | }}