rong po skal ldan dge 'dun 'phrin las rab rgyas

rong po skal ldan dge 'dun 'phrin las rab rgyas

rje 'di nyid gta' gong brag dkar kyi lha zhol gtam thog 'brog tu yab bsod nams dbang phyug dang yum dpal mo skyid gnyis kyi sras su rab byung bcu gnyis pa'i lcags sprel (1740)lor sku bltams/stong skor bsod nams rgya mtsho dang khri rgyal mtshan seng ge gnyis kyis skal ldan ngag dbang 'phrin las rgya mtsho'i yang srid du ngos 'dzin mdzad/gnyan thog dge slong blo bzang shes rab kyi drung du sbyor klog dang/bkra shis 'khyil dga' dwags dbu mdzad ngag dbang rgya mtsho'i drung du chos spyod thugs 'dzin skabs shes rab che ba'i ngo mtshar ltas mang du thon/dgung grangs bdun pa la mkhan chen dge 'dun rgya mtsho las rab tu byung/dgung lo dgu pa rab byung bcu gsum pa'i sa 'brug (1748)lor gdan sa bde chen chos 'khor gling du phebs/dgung lo bcu gsum par grwa tshang thos bsam gling du chos grwar zhugs/mkhan chen dge 'dun rgya mtsho las bde gsang 'jigs gsum/kun rig sogs kyi dbang/'jags byed rim gnyis kyi khrid dang/khri rin chen po lcang lung dge 'dun bstan 'dzin las snar thang brgya rtsa/rin 'byung/skal ldan gsung 'bum dang/de bzhin slob dpon 'jam dbyangs rin chen dang/mkhas chen 'phrin las sogs mkhas grub du ma bsten nas bka' gdams glegs bam dang/dben sa bka' 'bum/dwags po bkras rnam pa'i shri ma Na'i sgrub thabs/mi tra/rdor phreng/dril bu phyi nang/gdugs dkar lha mang/lha bcu bdun ma/mgon chen bcu gsum/rnam sras bco lnga sogs mdo sngags kyi gzhung khrid dbang lung khrid rjes gnang sogs mang du gsan/dgung lo bcu drug par tA la'i bla ma sku phreng bdun pa bskal bzang rgya mtshos sku gong ma'i dus ltar dga' ldan a chi thu er ti ni no mon han zhes bsngags pa'i bka' tham gnang/dgung lo bcu bdun par rgyud grwa gsang chen chos khrir bzhugs/dgung lo nye shu pa sa yos (1759)lor mkhan chen dge 'dun rgya mtsho las bsnyen par rdzogs/bar byung bcu gnyis pa'i chu sbrul (1773)lor dus 'khor grwa tshang gsang sngags dar rgyas gling gsar du btsugs pa dang thog ma'i chos khrir bzhugs/dgung lo zhe bdun par rong rgan dge 'dun mkhyen rab rgyal tshab tu bskos te dbus su phebs/rgyal dbang 'jam dpal rgya mtsho dang mjal zhing tshe dbang zhus/yongs 'dzin ye shes r+Yal mtshan dang snying thang ba ngag dbang kun dga' bkra shis sogs las bka' chos ci rigs gsan/gzhung sa dga' ldan pho brang nas gnang sbyin gtos che dang/er ti ni no mon han gyi cho lo tham ga che chung/gdugs rta dar/chibs sga srab rin chen rgyan ldan/mkhan chas sogs gnang/phyir phebs nas dam chos bdud rtsir chab phab ste skal ldan rnams tshims par mdzad/snga phyir lo mo/ri rngan/ban shul/bdud shul sogs reb gong gi shul chen rnams kyi phyogs su 'phrin las spel/sku gsum thugs rten mang po gsar bzhengs dang/shar bla brang chen mo rgya bskyed mdzad/lam gtso'i 'grel pa sogs gsum rtsom 'ga' bzhugs/dgung lo nga lnga bzhes pa rab byung bcu gsum pa'i shing stag (1794)lor gzugs sku'i bkod pa chos dbyings su thim

{{#arraymap:rong po skal ldan dge 'dun 'phrin las rab rgyas

|; |@@@ | | }}