rong po skal ldan ngag dbang 'phrin las rgya mtsho

rong po skal ldan ngag dbang 'phrin las rgya mtsho

yab rong po'i bu chos skyong gi sras su rab byung bcu gcig pa'i sa rta (1678)lor 'khrungs/dgung lo bdun pa la ba so rje drung dkon mchog nyi ma'i drung du bar tu byung/mtshan ngag dbang 'phrin las rgya mtshor gsol/rje btsun khrims bkra shis dang rje shes rab bkra shis bla mar bsten nas dbang lung khrid gsum dang rje gong ma'i snyan brgyud kyi gdams pa ma lus pa gsan/dgung lo nye shu pa me glang (1697)lor dbus su phabs te rgyal dbang drug pa tshangs dbyangs rgya mtsho dang paN chen blo bzang ye shes sogs kyis mtshon mkhas grub du ma'i zhabs la gtugs/'bras spungs sgo mang grwa tshang gi chos grwar zhugs te gsan bsam mdzad/paN chen blo bzang ye shes las bsnyen rdzogs bzhes/dgung lo nyer gsum par kun man 'jam dbyangs bzhad pa sgo mang khrir phebs pa'i drung du mdo gas kyi bka' chos mang du gsan/dgung lo nyer lnga pa chu rta (1702)lor gong sa rgyal dbang drug pa tshangs dbyangs rgya mtsho mchog gis dga' ldan a chi thu en ti ni no mo han gyi cho lo dang/thag ga gru skor/gdugs rta dar/'beb lcags sogs chen por yos pa'i gzengs bstod dang/paN chen blo bzang ye shes mchog gis kyang gzengs bstod gnang/lo der gser ljongs zhing gi gnas sa bde chen chos 'khor gling du phebs/sngags 'chang 'jam dbyangs blo gros las zab chos kyi gdams ngag mang du gsan/dgung grangs sum cu par yongs 'dzin rje shes rab bkra shis kyi spyan sngar rang ba gsan skabs yongs 'dzin chen mo dkyil 'khor so so'i gtso bor dngos su gzigs nas thugs dad tshad med pa 'khrungs/dgung grangs so dgu par rgyal dbang bskal bzang rgya mtsho dpal bzang po dgung lo brgyad pa dang mjal te spyan ras gzigs kyi rjes gnang gsan/rje 'di pa'i ljags bkod ltar sbyin bdag arger gyis rong po nang bka' 'gyur gser bris ma bzhengs/dgung lo nga lnga pa chu byi (1732)lor nang so ngag dbang blo bzang dang bka' gros mdzad de sgrub sde dang dgon lag lhan gcig 'tshogs te rong po smon lam gsar du btsugs pa lo ltar rgyun 'jags song/dgung grangs nga bdun bzhes pa shing stag (1734)lor 'ja' mo'i dpon slob ngag dbang grags pa la zhu la ba legs pa rgyal mtshan gyi zhun thig las grub pa'i dpal rdo rje 'jigs byed kyi sku dang/sngar bcom ldan 'das rdo rje 'phags mos dngos su gnang ba'i rgyud kyi glegs bam dang bka' khyab bcas pa bstsal te sgrub sde so sor nas dge 'dun gsang ba 'dus pa'i lha grangs su bsdus te rong po'i grwa tshang gsum gyi ya gyal dpal ldan rgyud pa grwa tshang gsang chen chos kyi bang mdzod gsar du btsugs pa dang chos khri dang por byin gyis brlabs/rje nyid gang du phebs pa na tshul khrims kyi dri bzang khor yug du khyab/rdo yang 'dam ltar brdzis te zhabs rjes bkod pa la sogs rdzu 'phrul ci yang bstan/drung 'khod rnams kyi rtogs pa phra mo yang mkhyen/gsung rtsom la/(rje rin po che la brten pa'i bla ma'i rnal 'byor/) (mdo sngags lam gyi gnad ma lus pa nyams su len pa'i bla ma'i rnal 'byor/) (rje shes rab bkra shis pa'i rnam thar )de bzhin rtogs brjod dang/rnam thar/bslab bya/mgur ma sogs po ti gcig bzhugs/dgung grangs re gnyis la phebs pa rab byung bcu gnyis pa'i sa lug (1739)lor zhi bar gshegs

{{#arraymap:rong po skal ldan ngag dbang 'phrin las rgya mtsho

|; |@@@ | | }}