rong tha blo bzang chos 'byor lhun grub

rong tha blo bzang chos 'byor lhun grub

rje 'di smad mdo khams kyi char gtogs pa'i 'bri zla zal mo sgam rgyal bzang gi 'brog sder yab bkra shis dpal ldan dang yum sman lha tshe ring gnyis kyi sras su rab byung bcu bzhi pa'i me sbrul (1857)lor 'khrungs/dgung lo drug la phebs skabs rje blo bzang bstan pa'i rgyal mtshan gyi yang srid du ngos 'dzin gyis gdan sa rong tha rwa nyag theg chen gling du gdan drangs te khri la gsol/rje blo bzang 'phrin las rgyal mtshan mchog nas gtsug phud bzhes pa dang dge bsnyen du bsgrubs nas mtshan blo bzang chos 'byor lhun grub ces gsol/dgung lo bcu la yongs 'dzin dgongs rdzogs kyi ched du dbus gtsang du phebs/rgyal dbang thams cad mkhyen pa 'phrin las rgya mtsho dang paN chen thams cad mkhyen pa dang mjal/khyab bdag 'jog ri pa chen po dang ke'u tshang mchog sprul rin po che blo bzang ye shes gnyis kyi drung du gsang bde 'jigs gsum gyi dbang lung du ma gsan/dgung lo bcu gcig la phebs skabs phur bu lcog byang chub gling dben gnas su byams mgon bla ma rin po che'i drung nas dge bsnyen dang rab byung dge tshul dang bcas pa'i sdom pa bzhes/mtshan yang sngar yod kyi gong du byams pa zhes bsnan pa tsam las gzhan sor bzhag mdzad de pha yul phyogs su byon/gdung lo bcu gsum la ko rdzong gi paN+Di ta nA na'i mtshan can gyi drung nas snyan ngag sum rtags dang brad gsar rnying la sogs rig pa'i gnas la gsan sbyongs mdzad/dgung lo bcu drug pa dpal spungs dgon du phebs/dgung lo bcu dgur dbus su lha ldan smon lam chen mo'i tshogs su byon/lha rams pa'i dam bca' sogs la phebs/lo de'i zla ba gnyis par rje blo gros mtha' yas kyi drung nas bsnyen rdzogs kyi sdom pa bzhes/dgung lo nyi shu rtsa drug la rwa nyag dgon gyi byams khang dang pho brang zhig gso gnang/dgung lo sum cur rje bla ma dngul chu pa chen por bstod pa kun tu bzang po'i 'khor lo brtsams par mdzad/de nas dgung lo zhe lnga bar dbus gtsang du thengs 'ga' phebs rjes gtso bo sku mtshams su sgrub pa snying por mdzad/phyag rtsom (bka' drin gsum ldan rje btsun blo bzang chos 'byor lhun grub dpal bzang po'i rnam thar legs bshad gtam gyi rgya mtsho/) (dpal ldan chos kyi sgrol ma 'khor bcas dgyes bskyed bskang mdos phyogs bsgrigs/) (dam pa'i chos la bskul ba'i mchod sprin )sogs gsung mgur bslab bya'i rim pa du ma dkyus gcig tu bkod pa/ (855) ('dzam gling skyes mchog rin po che'i 'khor dang bcas pa la mchod bstod cho ga dngos grub 'dod 'jo )sogs pod 'bring gnyis tsam mdzad dgung lo zhe lnga la phebs pa rab byung bco lnga pa'i lcags glang (1901)lor dgongs pa chos dbyings su thim mdzad rnam zhib pa (bka' drin gsum ldan rje btsun blo bzang chos 'byor lhun grub dpal bzang po'i rnam thar legs bshad gtam gyi rgya mtsho )zhes par gzigs

{{#arraymap:rong tha blo bzang chos 'byor lhun grub

|; |@@@ | | }}