rten 'brel

rten 'brel

dbu ma'i lta ba gtan la 'bebs byed kyi gtan tshigs chen po lnga ste/gcig du bral gyi gtan tshigs rdo rje gzegs ma'i gtan tshigs/yod med skye 'gog gi gtan tshigs/mu bzhi skye 'gog gi gtan tshigs/rten 'brel gyi gtan tshigs bcas lnga'o/_/de dag gi nang nas mtha' gnyis bsal nas dbu ma'i lta ba brgyud la bskyed par byed par rten 'brel gyi gtan tshigs 'di las lhag pa med pa'i phyir rigs pa'i rgyal po rten 'brel chen mo'i gtan tshigs zhes bsngags pa mdzad/rten 'brel ston byed kyi mdo'i don ni/mdo las/'di yod pa na 'di 'byung/'di skyes pa ni 'di skye/gang 'di ma rig pa'i rkyen gyis 'du byes rnams zhes sogs gsungs pa dang/(dbu ma rin chen phreng ba )las kyang/'di yod pas na 'di 'byung dper/_/mi 'byung bas yod bzhin no/_/zhes gsungs pa ltar/gang 'dus byas dang 'dus ma byas kyi chos thams cad rang rang gi rgyu rkyen dang cha shas tshogs dgon pa las gang yang rung ba ma tshang na mi skye la tshang na nges par skye ba rten cing 'brel bar 'byung ba'i ngang tshul yin pas na/gzhi grub na na 'brel yin pas khyab pa yin te/(rtsa shes )las/gang phyir rten 'byung ma yin pa'i/_/chos 'ga' yod pa ma yin la/_/zhes gsungs so/_/rten 'brel gyi gtan tshigs 'god tshul ni myu gu chos can/bden par ma grub ste/rten 'brel yin pa'i phyir/zhes so/_/'di la'ang rtag chad kyi mtha' sel tshul gnyis las/dang po ni/phyi nang gi dngos po 'di dag chos can/don dam par yod pa ma yin te/rten 'brel yin pa'i phyir/gnyis pa ni/yang de chos can/tha snyad du med pa ma gu la sogs pa phyi dang/'du byed la sogs pa nang gi dngos po rnams rim pa bzhin du sa bon la sogs pa dang/ma rig pa la sogs pa la brten nas 'byung bas/sa bon ma spangs bar du myu gu byung ba bzhin/rten 'brel yan lag bcu gnyis po ni ma rig pa ma spangs kyi bar du 'jug pas khams gsum 'khor bar yang nas yang du 'khor zhing sdug bsngal myong bar 'gyur ro/_/des na brten nas btags pa'i gtan tshigs 'di brten nas chos rnams rang bzhin gyis grub par 'dzin pa'i sgro 'dogs kyi lta ba ser zhing rang bzhin med par nges pa rnyed nas/lta ngan gyi rba mtha' dag gcod pa la nus stobs shin tu che ste/('jug pa )las/de phyir rten 'byung rigs pa 'di yis ni/_/lta ngan dra ba mtha' dag gcod par byed/_/ces dang/(bzhi brgya pa )las/rten cing 'brel par 'byung ba ni/_/mthong na gti mug 'byung mi 'gyur/_/zhes so/_/rten cing 'brel bar 'byung ba'i gtam 'di ni sangs rgyas kyi gsung dam pa'i chos bang mdzod chen po'i gces pa'i snying po dang/don 'di shes na dbu ma'i lta ba shes la de la brten nas sangs rgyas thob par 'gyur te/(bshes springs )las/rten cing 'brel par 'byung 'di rgyal ba yi/_/gsung gi mdzod kyi gcer pa zab mo ste/_/gang gis 'di ni yang dag mthong ba des/_/sangs rgyas de nyid rig pas rnam mchog mthong/_/zhes gsungs pa ltar ro/_

{{#arraymap:rten 'brel

|; |@@@ | | }}