rwa lo tsA ba rdo rje grags pa

rwa lo tsA ba rdo rje grags pa

rje 'di nyid yab sngags 'i rgyud rwa stong dkon mchog rdo rje dang yum rdo rje dpal 'dzoms gnyis kyi sras su bod me 'brug (1016)lo'i hor zla 12tshes 10nyin la stod lho'i cha snye nam glang yul (gnya' nam yang zer )du sku 'khrungs/mtshan la ngo mtshar 'byung gnas su btags/gdung lo drug pa la yab kyis klog bslabs pas tshegs med du mkhyen/dgung lo brgyad pa la dbu can dang/dbu med/lany+tsa/wartu/rgya bal gyi yi ge sogs bslabs/gser dngul rdo lcags kyi bzo dang/gos dar snam ras sogs 'thag tshem/lha bris/'bur bzo/sra rtsi/rdza rtsi bya thabs/pi wang/gling bu/glu/gar sogs kyang mkhyen pas mtshan la shes rab 'byung gnas su btags/dgung lo dgu pa'i tshe yab kyis yang dag dang phur ba'i dbang bskur nas de'i rgyud las gzhung 'grel TIka mtshan bu dang bcas pa la sbyangs/dgung lo bcu gnyis par yab kyi bka' ltar jo mo dge ma lcam khab tu bzhes/dgung lo bcu gnyis nas bcu bzhi'i bar du yang dag la bsnyen pa bskyal/de nas bal yul du phebs te bla ma b+ha ro dang mjal/dpal rdo rje phag mo'i dbang bskur/rgyud sgrub thabs las tshogs dang bcas pa rdzogs par gnang/bal po'i paN grub gzhan du ma las chos mang du gsan/bal po lo tsA ba dang na du bod du phebs/stong dang gtsang rgyud yum lung du mar byon te dpal rdo rje 'jigs byed kyi dbang dang gdams pa gnang/chos kyi 'khor lo rgya cher bskor/de rjes rgya gar yul yangs pa can du byon/paN+Di ta chen po man+dza gling pa dang mjal/dpal na len+d+ra'i gtsug lag khang du dge tshul dang dge slong gi sdom pa bzhes te mtshan shrI badzra ke te dpal rdo rje grags pa bya bar btags/der rwa lo chen pos mkhan po'i drung du tshad ma sde bdun dang/byams pa'i chos lnga dang mdo sde dang/mngon pa'i gzhung lugs la sogs pa mang du gsan/slob dpon shan+ti pa la 'dul ba mtha' dag gsan/rig pa'i khu byug gnyis la dbu ma'i skor mang du gsan/paN chen man+dza gling gi phyag phyir mdzad nas bal yul man+dza gling du lo drug bzhugs ring bde mchog rtsa rgyud sogs kyi dbang bka' dang bshad bka'/slob dpon so sos mdzad pa'i sgrub thabs kyi rigs mi rab du ma dang bcas pa gsan/de nas bod du byan te dbus gtsang khams gsum nas 'dus pa'i slob ma'i tshogs la chos kyi 'khor lo rgya cher bskor/ (865) 'bul bas glang yul bdud 'dul lha khang gi gtsug lag khang btab rten bzhengs lha khang rnying gso gsar bzhengs du ma mdzad dbus gtsang byang rgyud kyi yul lung ji snyed du zhabs kyis bcags skye bo mtha' yas pa rnam dkar la bkod de byang chub kyis rgyud smin par mdzad zab lam dpal rdo rje 'jigs byed kya dbang dang gdams pa mdzad dgung lo re gcig par rgya gar du byon te bla ma man+dza gling pa bod du gnas darangs nas dbu gtsang lho brag gnyal byar lor gsum sogs yul gru thams cad du byon bshad sgrub kyi bya ba la btson par byed pa'i slob ma mtha' yas pa rgyun mi chad pa byung lo phyed dang lnga'i bar du mdo dang 'dul ba gsang sngags kyi chos mang du bsgyur cing dag ma dag gi shan so sor phye rgyud dang sgrub thabs mang po la 'gyur bcos dang 'ga' zhig gsar 'gyur mdzad khyad par dpal rdo rje 'jigs byed kyi rgyud rtog pa bdun pa/ rtog pa bzhi pa sogs rgyud rgya gzhung thams cad bsgyur sku tshe'i smad du lha ldan nyid du bzhugs te 'chad nyan gyi 'phrin las rgyan mi chad par bskyangs bu slob 'bum phrag lhag byung snyan grags phyogs thams cad du khyab bal po nas rgya nag bar gyi btsad po dang bla ma dge bshes sman pa btsun mo rje rigs la sogs pa'i mi drag zhan du ma slob mar gyur sku tshe hril por rgya gar dang bal yul du lan bzhi phebs bod kyi mnga' ris skor gsum dang dbus gtsang khams gsum gnyal lor byar gsum dwags kong e gsum la sogs pa'i yul gru thams cad du byon nas mdo sngags kyi chos rgya cher bskor mthar dgung grangs brgya dang bcu'am brgya dang brgyad cu bzhugs sogs gsum tshul mi 'dra ba mchis (rwa lo'i rnam thar nang rwa lo zhal bzhugs skabs snar thang dgon pa btab zin tshul dang mnga' bdag rtse ldes me 'brug lor chos 'khor chen mo 'dzugs skabs rwa lo dgung lo re gcig tu phebs tshul gsal zhang tshes spongs chos kyi bla ma dang 'brel ba bzang/)

{{#arraymap:rwa lo tsA ba rdo rje grags pa

|; |@@@ | | }}