sa bcu'i rnam gzhag

sa bcu'i rnam gzhag

bdag med gnyis dang chos thams cad kyi rang bzhin stong ma nyid kyi ting nge 'dzin sgom pa theg chen gyi sa bcu ste rab byung dga' ba nas chos kyi sprin bar sa bcu po rnams so/_/ci'i phyir sa zhes bya zhe na/sa chen po bzhin du yon tan nam chos dkar po thams cad bskyed pa'i gzhi'am gnas sam rten byed pas nas zhes brjod pa'o/_/sa bcu ni/rab tu dga' ba dang dri ma med/_/'od byed 'od 'phro sbyang dka' ba/_/mngon gyur dang ring du song/_/mi g.yo legs pa'i blo gros dang/_/chos kyi sprin te sa bcu'o/_/de dag gi ngas tshig ni rang don rdzogs pa'i byang chub la nye ba dang/gzhan don sems can gyi don 'grub par mthong ba na/dga' pha khyad par can skyes pa'i phyir sa dang po rab tu dga' ba/tshul khrims 'chal ba dang theg dman yid byed kyi rtsol ba'i dre ma dang bral bas gnyis pa dri ma med pa dang/ting nge 'dzin gyi stobs kyis chos tshad med pa 'tshol zhing gzhan dag la chos kyi snang ba chen pos 'tshim par byed pas gsum pa yod byed pa/byang chub phyogs mthun gyi chos ldan pa'i sgo nas rang gi ngo bskal gyi sgrib gnyis sreg par byed pa'i ye shes kyi 'od me ltar 'phro bas bzhi pa 'od 'phro ba/sems can smin par byed pa'i tshe gzhan gyi log sgrub bzod par dka' ba de la sa bzhi pa man chad kyis sbyong bar dkar ba yin la sa lnga pa 'dir de sbyong nus pa'i rgyu mtshan gyis lnga pa sbyang dka' ba/sher phyin la brten nas srid zhi mnyam pa nyid mngon du gyur pas drug pa mngon du gyur pa/bgrod pa gcag pa'i lam sa brgyad pa thob tu che bas de dang 'brel zhing rtsol bcos kyi sbyor ba'i mthar song bas bdun pa ring du song ba/mtshan ma dang bcas pa'i 'dus shes dang mtshan med rtsol bcas kyi 'du shes gnyis kyis mi g.yo bas brgyad pa mi g.yo ba/so so yang dag pa rig pa bzhi'i bla gros bzang po thob pas dug pa legs pa'i blo gros/nam mkha' la char sprin 'khrigs te char bab nas 'jig rten pa'i lo tog rgyas par byed par ltar byang sems sa bcu pa'i shes rgyud nam mkha' dang 'dra ba la gzungs dang ting nge 'dzin la sogs pa'i chos kyi sprin 'khrigs nas chos kyi char bab ste/gdul bya'i rgyud kyi dge ba'i lo tog phun sum tshogs pa rgyas par byed pas bcu pa chos kyi sprin zhes brjod pa rnams so/_

{{#arraymap:sa bcu'i rnam gzhag

|; |@@@ | | }}