sangs rgyas kyi mtshan bzang so gnyis

sangs rgyas kyi mtshan bzang so gnyis

de bzhin gshegs pas sngon dam bca' brtan par byas pas zhabs kyi mthil legs par mnyam par gnas pa/sbyin pa btang bas phyag zhabs kyi mthil 'khor los mtshan/gzhan khyad dum bsad pas rting ba yangs shing long bu mi mngon pa dang/sems can gzhan 'jigs pa las bskyabs pas sor mo ring ba/gzhan gyis 'khor phra mas bye bas phyag zhabs kyi sor mo rnams dra bas 'brel ba/gos sna tshogs byin pas phyag zhabs zhags pa 'jam zhing gzhon sha chags pa/bzang btung rgya chen po byin pas phyag zhabs kyi mthil bzhi dang phrag gcig gnyis dang ltag pa'i cha ste sku'i gnas bdun dag mtho ba dang/sangs rgyas kyis gsungs pa'i chos bzung bas byin pa e na ya zhes pa shab+ha 'am bse kha sgo'am sha ba'i byin pa dang 'dra bar sha rgyas shing byin gyis phra ba/gsang tshigs bsrungs shing 'khrig pa spangs pas glang po che ltar gsang ba sbubs su nub pa/dge ba rgya chen po rim gyis spyad pas ro stod 'phel ka che ba seng ge 'dra ba/dge ba yang dag par spyad pas thal gong ma khengs pa'i bar med par rgyas pa/gzhan la mi 'jigs pa byin pas dpung mgo legs par zlum pa/gzhan gyi bya ba byed pa la spro bas phyag mthil 'jam zhing zlum la mtho dma' med par mnyam pa/sems can gyi don la brtson pas ma btud par pas mor slebs pa'i phyag ring ba/dge bcu mi ngoms par spyad pas sku dri mas yongs su dag cing 'od kyi dkyil 'khor 'dom gang ba dang ldan pa/nad pa la sman sogs byin pas mgrin pa kha dog dri ma med cing dbyibs dung dang 'dra bar 'khyil ba/dang por dge ba la sbyor zhing phyis rdzogs par byas pas 'gram pa ri dwags kyi rgyal po 'dra ba/sems can la bsam pa mnyam par byas pas tshems bzhi bcu steng 'og nyis su nyi shu rer grangs mnyam zhing thags bzang la dri ma rnam par dag cing mtho dman mnyam pa nyid/sgo gsum gyis bsrungs pas mche ba rab mchog dkar ba/bden par gsungs pas ljags ring zhing mtha' med la bsam du med pa/ro bro ba mang po byin pa ljags kha shas kyi ro bro ba'i mchog dang ldan pa/'jam zhing dga' ba'i tshig smras pas rang byung gi gsung ka la ping+ga'i sgra dang tshangs pa'i dbyangs ltar snyan pa/byams pa dang ldan zhing thams cad bsrungs pas spyan bzang po ut+pal sngon po 'dra ba/bsam pa g.yo rgyu med pas rdzis ma khyu mchog 'dra bar snum zhing ma 'dzings pa/bsngag 'os la bsngags pas zhal mdzes dre ma med pa'i smin mtshams su mdzod spu dkar po nyag sum cu rtsa gnyis dang ldan pa/bla ma la gus pas gtsug tor dbur ldan pa ste lus drang por mi g.yo ba/chos 'tshol ba la las su rung bas pags pa dag cing srab la gser gyi mdog 'dra ba/'du 'dzi spangs pas ba spu phra zhing 'jam la khung bu re nas re re skyes pa/gdams ngag la mthun par 'dzin pas ba spu'i rtse mo gyen du phyogs shing g.yas su 'khyil ba/kun la brtse zhing mtshon cha spangs pas dbu skra ma med cing rin po che mthong mthing ltar sngo ba/rang gzhan thams cad ting nge 'dzin la sbyar bas n+ya gro d+ha rdzogs pa'i ljon shing gi dkyil 'khor dang 'dra bar sku che zhing gab pa/sangs rgyas kun tu bzang po dpe med pa drang srong chen po de sred med kyi bu'i stobs mnga' zhing mkhregs pa'i sku dang ldan pa ste sum cu so gnyis so/_

{{#arraymap:sangs rgyas kyi mtshan bzang so gnyis

|; |@@@ | | }}