sbyangs pa'i yon tan bcu gnyis

sbyangs pa'i yon tan bcu gnyis

nyon mongs sbyangs pa'i yon tan bcu gnyis te/zas kyi dbang du byas pa gsum/gos kyi dbang du byas pa gsum/gnas mal gyi dbang du byas pa drug yod pa'i phyir/dang po gsum yod de/bsod snyoms pa dang/stan gcig pa/zas phyis mi len pa rnams de yin pa'i phyir/dang po la rnyed pas chog pa'i bsod snyoms pa dang/mthar gyis slong ba'i bsod snyoms pa gnyis su phye nas sbyangs pa'i yon tan bcu gsum du byas pa yang yod do/_/gos kyi dbang du byas pa gsum yod de/chos gos gsum pa dang/phying ba pa dang/phyag dar khrod pa gsum de yin pa'i phyir/gnas mal gyi dbang du byas pa drug yod de/dgon pa ba dang/shing drung pa dang/bla gab med pa dang/dur yod pa dang/cog bu pa dang/gzhi ji bzhin pa rnams de yin pa'i phyir/kha cig phyi ma gnyis spyod lam gyi dbang du byas par mdzad nas gnas lam gyi dbang du byas pa bzhi yin zhes zer/de dag so so'i ngo bo yod de/rnyed pas chog pa'i bsod snyoms pa ni/khyim rnams su rim gyis brgyus te bsod snyoms ji tsam rnyed pa za bar byed kyi bdag gis 'di nas bzang ba dang bca' ba bzang po 'thob bo snyam nas/mgo 'phang bstod de mi 'gro ba'o/_/stan gcig pa ni/stan gcig po de la 'dug nas ji tsam gyis bdag 'tsho ba'i zas thams cad ma blangs kyi bar du mi za zhing 'dis 'tsho'o snyam pa dang thams cad cig char blangs na za ba'o/_/chos gsum gsum pa ni/snam sbyar/bla gos/mthang gos gsum gyis 'tsho bar byed cing de las lhag pa'i gos mi 'chang ba dang/phying ba pa ni/chos gos gsum mam gos lha cig 'chang ba thams cad bal las byas pa sha stag 'chang gi de las gzhan mi 'chang ba dang/phyag dar khrod pa ni/bal mo pa che la sogs par bor ba'i gos gshang gci sogs kyis reg pa mi gtsang ba rnams bod de rung ba blangs te bkrus drug kha dog bzang por bsgyur nas 'chang bar byed pa dang/dgon pa ba ni/grong dang grong rdul la sogs pas bden pa'i dgos pa dang nags 'dab la sogs par gnas pa dang/shing drung pa ni/shing ljon pa'i drung du gnas 'cha' zhing brten par byed pa dang/bla gab med pa ni/steng gi thog ma bkab cing ma g.yogs pa'i phyogs su gnas 'cha' bar byed pa dang/dur khrod (516) pa ni gang du skye bo shi'o cog 'dor ba'i dur khrod du gnas 'cha' bar byed pa dang cog bu pa ni khri'am khri'u'am rtswa'i steng du cog pur 'dug ste khri la sogs pa la rgyab bam glos mi brten pa dang gzhi ji bzhin pa ni rtswa dang lo ma la sogs pa bting ba mal la 'cha' zhing lan cig ji ltar bting ba la mal 'cha' bar byed kyang yang dang yang du mi brje zhing mi 'chos pa'o/_/de dag ni nyan thos kyi sa las ji ltar 'byung ba bzhin yin no/_/yang dang yang du mi brjed zhing mi 'chos pa'o/_/de dag ni nyan thos kyi sa las ji ltar 'byung ba bzhin yin no/_/yang zhing pa ba ma gtogs pa rnams la chung ngu 'bring chen po gsum gsum yod de bsod snyoms pa la gsum las chung ngu ni grong du phyin pa na kun dga' ra bar rnyed pa len par byed pa dang 'bring ba ni der mi len par lam du rnyed pa len par byed pa dang chen po ni der yang mi len par grong khyer gyi nye skor du phyin nas rnyed pa len par byed pa'o/_/snyan gcig pa la yang gsum las chung ngu ni nyan sa las bshad pa bzhin dang 'bring ni stan gcig po de ma spangs kyi bar du zlos nas zas bsod pa byung na len pa dang chen po ni zos nas zas bsod pa yang len par mi byed pa'o/_/zas phyis ma len pa la yang gsum las chung ngu ni kha la sogs pa ma bkrus kya bar du len par byed pa dang 'bring ni zas za bzhin du gzhan gyis bstabs na len la kha la sogs pa bkrus nas mi len pa dang chen po ni sngar zas thams cad cig char du blangs nas za bzhin du mi len pa'o/_/chos gos gsum pa la yang gsum las chung ngu ni chos gos gsum dang ras chen dang g.yan pa dgab pa dang gding ba 'chang bar byed pa dang 'bring ni ras chen sogs bzhi rang gis byin gyis brlabs pa mi 'chang la gzhan gyis byin gyis brlabs pa la longs spyod par byed pa dang chen po ni chos gos gsum tsam 'chang gi de las lhag pa mi 'chang ba'o/_/phyag dar khrod pa la yang gsum las chung ngu ni byi bas zos pa tshig ma dur bur bcad pa gzhan gyis rang gi ched du byas pa len pa dang 'bring ni rang gi ched du byas pa mi len par ma nges par bor ba len pa dang chen po ni de dag len par dur khrod dang phyag dar khrod dang mal po cher lhung ba len pa dgon pa ba la yang gsum las chung ngu ni grong las gzhu 'dom lnga brgyas bcad pa'i sar gnas pa dang 'bring ni grong las gzhu 'dom stong phrag nyis kyis bcas pa'i sar gnas pa dang chen po ni grong las gzhu 'dom stong phrag brgyad kyis bcad pa'i sar gnas pa'o/_/shing drung pa yang gsum las chung ngu ni shing drung ngos bzhi po thams cad skyor bar gnas pa dang 'bring ni der ngos cung zad sbyor bar gnas pa dang chen po ni der ngos thams cad ma skyor bar gnas pa'o/_/bla gab med pa la yang gsum las chung ngu ni steng gi ngos gsum g.yogs la gcig ma ma g.yogs par gnas pa dang 'bring ni steng gi ngos gcig g.yogs la gsum ma g.yogs par gnas pa dang chen po ni steng gi ngos thams cad ma g.yogs par gnas pa'o/_/dur khrod pa yang gsum las chung ngu ni sngon dur khrod yin la da ltar dur khra da ma yin par gnas pa dang 'bring ni ra cung zad skyel ba'i sar gnas pa dang chen po ni skye bo shi'o cog skyel ba'i sar gnas pa'o/_/cog pu pa la yang gsum las chung ngu ni ngos gnyis bsnyes nas gnas pa dang 'bring ni ngos gcig bsnyes nas gnas pa dang chen po ni ngos thams cad ma bsnyes par gnas pa'o/_/gzhi ji bzhi pa la yang gsum las chung ngu ni lan gsum du mal 'cha'i gzhan mi byed pa dang 'bring ni lan gnyis su mal 'cha'i gzhan mi byed pa dang chen po ni lan gcig stan bting ba la mal 'cha'i yang dang yang du mi brje mi 'chos pa'o/_/de dag la ci'i phyir sbyangs pa'i yon tan zhes bya zhe na dper na bal ma smel ba de'i che skud pa mi rung la smel nas rung ba bzhin du bsod snyoms (517) dang chos gos dang gnas lam la chags pa'i che sems las su mi rung la yon tan 'di dag gis tshangs spyod gnas par bya ba'i phyir sems las rung du sbyor bar byed pa'i phyir de skad ces bya'o/_

{{#arraymap:sbyangs pa'i yon tan bcu gnyis

|; |@@@ | | }}