sdom brtson dam pa

sdom brtson dam pa

de dag gi mtshon don tsam bshad na dbus kyi pad+ma'i sdong pos ni slob dpon chen po pad+ma 'byung gnas mtshon te slob dpon gyi mtshan dang chos mtshungs/pad+ma'i ba'i ral gris ni 'jam dbyangs kyi sprul pa chos rgyal khri srong lde'u btsan mtshon te sprul gzhi'i mtshan ma nyid do/_/de gnyis yon mchod rnam pa tha dad kyang ye shes gcig pa'i phyir rten dang brten pa'i tshul lam slob dpon chen po'i thugs las skyes pa'i chos sras rje 'bangs nyer lnga grags pa'i gtso bo ni mi rje khri srong lde'u btsan yin pas pad+ma'i ze'u 'bru las 'thon pa'i tshul du bkod pa'o/_/pad sdong gi g.yas phyogs kyi ngang ser mgo gnyis pas ni slob dpon zhi ba 'tsho dang ka 'a ma la shI la ste pad+ma'i ngang tshul gnyis mtshon te thugs kyi lta grub dgongs pa gcig pas lug gcig la/gsung gi chos so sor ston pas mgrin pa gnyis can/slob dpon gnyis ka'ang rten sdom brtson gyi mchog tu bzhugs pas ngang ser gyi gzugs su bkod pa'o/_/g.yogs phyogs kyi ne tso mgo gnyis pas ni sprul pa'i lo tsA ba ska ba dpal brtsegs dang cog ro klu'i rgyal mtshan gnyis mtshon te thugs dgongs gcig la chos so sor ston nas lus gcig mgrin pa gnyis can/ne tshos bya skad dang mi skad gnyis smra ba ltar lo tsA bas kyang rgya bod kyi skad gnyis smra bas ne tso'i gzugs su bkod pa'o/_/de thams cad kyang rgya mtsho chen po'i dbus su gnas pa ni dpal bsam yas mi 'gyur lhun gyi grub pa'i gtsug lag khang 'di nyid la dus dbang gis me'i gnod pa 'byung ba lus bstan pa zhi ba'i rten 'brel yin te zhal byang gi gsham du gtsug lag khang 'di la phan pa'i rten 'brel zhig yod ces gsungs pas shes so/_/de dag gi dgon pa ni/bod rmongs pa'i gleng du sangs rgyas kyi bstan pa'i nyi ma shar ba ni mkhan slob chos gsum lo tsA ba dang bcas pa'i thugs bskyed dang smon lam bdag po'i rkyen dang phrin las kyi phyag rjes kho na yin no zhes dran bskul dad pa'i gsal 'debs dang/byas pa shes shing drin du gzo ba ni skyes bu dam pa'i rnam thar yin pas na skye bo blo rgos dang ldan pa dag gis gtso bor bstan pa'i bya ba 'chad nyan sgom sgrub la 'bungs shing gtsug lag khang 'di dag gi zhabs tog la'ang brtson dgos so zhes 'doms pa'i ched du mdzad pa lags/rdo rje dang po nyi bri ba sogs ni rgyu btsan ma nges pa dag gis rigs gsum mngon por rloms te rang dgar bkod par snang ngo/_

{{#arraymap:sdom brtson dam pa

|; |@@@ | | }}