sgra rig pa

sgra rig pa

brda sprod rig pa/rig gnas che ba lnga'i nang gi sgra rig pa zhes pa'i sgra ni gtso bor brjod bya'i don ston pa'i sgra rnams kyi don go brda sprod pa'i rigs pa'i gzhung lugs la zer ba yin zhing/sgra rig pa la mkhas pa'i mthar phyin pa zhig gis brjod bya'i don mi ston pa'i sgra'i 'byung khungs lab rtags nas brjod don go ba/dper na/chu'i thig pa nga ba'i sgra dang/shing gi lo ma rlung gis g.yos pa'i sgra la brtags nas brjod don go ba sogs ni 'byung po thams cad pa'i skad shes pa zhes sgra rig pa la mkhas pa'i mthar phyin pa'i tshad du 'jog pa'i gtan rgyud mang po yod pa lta bu dang/brjod bya'i don ston pa'i sgra rig pa la yang/rgya gar skad kyi dbang du byas pa'i sgra rig pa dang/bod kyi skad kyi dbang du byas pa'i sgra rig pa gnyis yod/dang po/spyir rgya gar skad gyi sgra rig pa bzhi gzhung che ba bcu yod de/in+d+ra byA ka ra Na/) (be sha li byA ra Na/) (sha ko Ta ya na byA ka ra Na/) (pA Ni ni byA ka ra Na/) (ma nu dzan+d+ra byA ka ra Na/) (tsan+d+ra pa byA ka ra Na/) (ka lA pa byA ka ra Na/) (swa ra swa sti byA ka ra Na )bcas yin zhing/de rnams kyi nang nas bod skad du bsgyur zin pa ni (ka lA pa/) (tsan+d+ra pa/) (dbyangs can ma/) (pA Ni pa )bcas bzhi yod/sde dge bstan 'gyur (re)(le)(she)(se)bar pod bzhi'i nang (ka lA pa )rtsa 'grel bsdoms sna kha bcu bdun/(tsan+d+ra pa )la rtsa 'grel bsdoms sna kha bcu gcig /(dbyangs can ma )rtsa 'grel bsdoms sna kha gnyis/(pA Ni pa )la rtsa 'grel bsdoms sna kha gnyis bcas dang/bod kyi mkhas pas brtsams pa la (kA la pa'i 'grel pa )mi 'a dra ba sna kha bcu gcig tsam yod cing/(tsan+d+ra pa )la 'grel pa mi 'dra ba bzhi tsham/(dbyangs can ma )la 'grel pa mi 'dra ba bdun/(pA Ni pa )la 'grel pa gcig bcas dang/gzhan yang sgra rig pa'i skor gyi thor bu'i gzhung ni ha cing mang po yod pa dkar chag nang gsal/rgya gar kyi sgra rig pa'i bstan bcos grags che ba brgyad yod de/1 in+d+ra byA ka ra Na/2 pi sha li byA ka ra Na/3 sha kau Ta ya na byA ka ra Na/4 pA Ni ni byA ra Na/5 su man+ta b+ha dra byA ka ra Na/6 pa tany+dza li byA ka ra Na/7 ma nu dzan+d+ra byA ka ra Na/8 tsan+d+ra pa byA ka ra Na bcas brgyad dang/ka lA pa byA ka ra Na/dbyangs can byA ka ra Na/gnyis bsnan pa'i bcu yod pa'i nang nas ka lA pa dang tsan+d+ra/pA Ni pa/dbyangs can ma bcas cha tshang ba bod skad du 'gyur yod pa/1 (sgra mdo ka lA pa )ni slob dpon klu sgrub kyi sbyin bdag rgyal po bde spyod bzang pos gzhon nu gdong drug bsgrubs te sgra bslabs shing/mtshamasap+sabayor rkang pa dang dang/ming le drug kun bshad rkang pa bzhi ste le'u bco lnga bshad zin pa na/rgyal pos de tsam gyis chog par 'dod ces smras pas gzhon du gdong drug log par brtsams pa dang/rgyal pos bstan bcos 'di'i ming bris pas bzhon pa kha phyir log nas rma bya'i mjug ma bstan ste/ka lA pa su tra zhes smras pa de cha bsags zhes pa'i don du bsgyur/le'u bco lnga'i lhag ma kun bshad la bzhi dang/krir la drug yod pa rnams bram ze shar wa rma dang/mchog sred gnyis kyi kha bskang nas sh+lau ka bzhi brgya dang/le'u nyi shu rtsa lnga tshang ba 'di byung/'di'i 'brel pa phyi rol pa'i paN+DaNi ta u ga bya ri ste grags 'byor gyis brtsams pa la le'u nyi shu rtsa bdun yod cing/'di las btus pa'i 'grel pa nyung ngu zhig paN+Di ta sgrol ba'i dbang phyug gis mdzad pa mnga' ris kyi rgyal po lha bla ma zhi ba 'od kyis mtho lding gtsug lag khang du bsgyur ba yod/yang nang pa'i paN+Di ta ra ts+tsha tra ste rin chen gdugs zhes pas brtsams pa'i 'grel pa dang/slob dpon spyan gsum 'bangs kyis mdzad pa'i dur seng ge 'grel pa sogs yod cing/thar lo nyi ma rgyal mtshan gyis 'grel pa 'di bsgyur yang cha tshang bar ma bsgyur ba la/'gro mgon chos rgyal 'phags pa dang dpon chen shAkya bzang pos bskul ma gnang ba ltar shong lo tsA ba rdo rje rgyal mtshan gyis ka lA pa'i gzhung cha tshang ba bod skad du bsgyur nas 'chad nyan kyang slob ma mkhas pa mang du thob cing lhag par du dpang lo tsA ba blo gros brtan pas ('grel pa dur sing )gi le'u bcu gnyis tsam dang/(si sogs kyi mtha' dpyad pa )'jam dpal grags pas mdzad pa 'gyur zhing/bu ston ring po ches (ka lA pa'i 'grel pa dur zing )yongs su rdzogs pa bod skad du bsgyur bar mdzad/dpal lo'i slob ma ma ti rnam gnyis dang/lo chen byang chub rtse mos (ka lA pa'i 'grel pa slob la phan pa )bsgyur/de'i slob ma nam mkha' bzang pos de la 'gyur bcos mdzad/lo tsA ba de dang de'i slob ma shes rab dpal gnyis kyi drung nas lo tsA ba thugs rje dpal gyis slob khrid gsan te (ka la'i pa'i 'grel Tik+ka chen mo )brtsams par mdzad/gzhan yang (ka lA pa'i )gzhung 'di la bod kyi mkhas pas mdzad pa'i 'grel pa mang du yod pa gsham gsal/lo tsA ba nam mkha' bzang pos mdzad pa'i (ka lA pa'i TIk+ka legs sbyar 'byung gnas )dang/snye thang blo brtan bzhi pas mdzad pa'i (ka lA pa'i 'grel TIk+ka chen mo/) zha lu lo tsA ba dpal ldan dbang po'i sdes mdzad pa'i (ka lA pa'i mdo rgyan/) chu mig lo tsA bas mdzad pa'i (ka la'i pa'i TIk+ka/) dbus pa blo gsal byang chub ye shes kyis mdzad pa'i (ka lA pa'i spyi don/) stag tshang lo tsA ba shes rab rin chen gyis mdzad pa'i (kA la pa'i spyi don/) bo dong phyogs las rnam rgyal gyis mdzad pa'i (kA lA pa'i TIk+ka/) karma mi bskyod rdo rjes mdzad pa'i (ka lA pa'i TIk+ka )sogs mang du yod/2 (tsan+d+ra pa )ni rgya gar gyi slob dpon tsan+d+ra go mis mdzad pa'i sgra mdo zhig ste/'di yang thog mar 'gro mgon 'phags pa'i dus shong lo rdo rje rgyal mtshan gyis bod skad du bsgyur/(tsan+d+ra pa'i mdo'i 'grel pa )la slob dpon tsan+d+ra go mi'i yab bam zhang po chos 'bangs zhes pas mdzad pa sh+lau ka stong phrag drug yod pa zhig dang/paN+Di ta rat+na ma ti rin chen blo gros kyis mdzad pa sh+lau ka stong phrag bcu gnyis yod pa zhig /de'i yang 'grel paN+Di ta purna brdza ste gang ba'i zla ba zhes pas mdzad pa sh+lau ka stong phrag sum cu so drug yod pa zhig dang/(byings mdo'i 'grel pa byings kyi dpung gnyen )zhes pa zhig /(yi ge'i mdo'i 'grel pa )slob dpon chos skyong gis mdzad pa/paN+Di ta brda sprod pa'i dbang phyug gis mdzad pa'i (slob dpon tsan+d+ra go mi'i gsung la gces spras su byas pa/) bram ze smra ba'i seng ge'am paN+Di ta a pa rA dzi ta zhes pas mdzad pa (gnas brgyad chen mo )dang/de'i 'grel pa kha che legs sbyar gsum ldan zhes pas mdzad pa/paN+Di ta smri ti dz+nya na ki rtis mdzad pa (smra sgo mtshon cha )sogs yod la/gzhan yang tsan+d+ra pa'i gzhung )'di'i 'grel pa bod kyi mkhas pas mdzad pa la/zha lu lo chen chos skyong bzang pos mdzad pa'i (tsan+d+ra pa'i 'grel pa brda sprod rgya mtsho'i gru gzings/) lo chen thugs rje dpal gyis mdzad pa'i (tsan+d+ra pa'i 'grel pa mtshan nyid gsal bar byed pa'i yin bzhin nor bu (sogs 'ga' zhig yod/3 (pA Ni pa )sangs rgyas shAkya mu ni sku mya ngan las 'das nas ring por ma lon pa na bram ze'i khye'u pA Ni zhes lo chung dus nas sgra rig pa la shin tu mkhas pa zhig byung ba des (pA Ni byA ka ra Na )zhes pa sh+lau ka nyis stong yod pa zhig brtsams/de la klu'i rgyal po nor rgyas kyi bus (mahA b+ha Sha )zhes pa'i 'grel pa zhig brtsams pa/rtsa 'grel gnyis kar 'chad nyan thems re tshar ba la lo bcu gnyis tsham 'khor bar bshad/slob dpon ra ma tsan+d+ras rtsa 'grel gnyis ka bsdus pa'i snying po'i rtsa ba dang/('grel pa rab tu bya ba )zhes pa zhig brtsams pa der ming dang/dbyangs gsal byed rnam bcad bcas mtshams sbyor la le'u lnga/pho mo ma ning gi dbyangs gsum dang/pho mo ma ning gi gsal byed gsum/mi zad pa/bud med dang brjod pa/byed can/tshig sdud/bu brgyud/de bcas ming le'u bcu gnyis/rnam dbye'i 'jug pa b+hu ad hu sogs kun bshad kyi le'u bcu bdun/byed can gyi le'u bzhi bcas le'u nyer brgyad yod pa brtsams/'on kyang tA la'i bla ma sku phreng lnga pa yan la ming tsham las bod skad du ma 'gyur zhing/skabs der rgya gar nub phyogs kyi paN+Di ta chen po pA la b+ha dra dang/de'i gcung paN+Di ta go ku la na thA mi shra sku mched gnyis bod du phebs skabs khong rnam gnyis la gser zho brgya phrag mang po'i slob yon gnang ste/'dar pa lo tsA ba ngag dbang phun tshogs lhun grub la (sgra mdo pA Ni pa )cha tshang bar slob dgos pa'i bka' slob gnang ba ltar/khong gis paN+Di ta rnam gnyis kyi drung nas sgra gzhung 'di cha tshang ba slob sbyong mdzad pa dang chabs cig rgya gar skad nas bod skad du bsgyur/lo tsA ba de nyid dgung lo nyer lngar phebs pa rab byung bcu gcig pa'i sa khyi (1658)lor (sgra mdo pA Ni pa'i 'grel pa nor gyi shing rta )shes pa 'di brtsams par mdzad pa nas sgra gzhung 'di dang phel byung ba yin/4 (dbyangs can ma )rgya gar lho phyogs kyi bram ze'i rigs kyi dge bsnyen u na shu ti zhes bya ba sgra rig pa la shin tu mkhas pa zhig byung ba des nam zhig paN+Di ta gzhan dag dang rtsod gleng gnang skabs skyes bu rnams zhes pa'i skad don la sum su zhes pa zhal nor nas sum k+tu zhes gsungs pa de la khungs lung bstan pa'i ched du/khong gi yi dam lha mo dbyangs can mas zhal bstan nas sgra mdo 'di gsungs pas gzhung 'di'i ming la (dbyangs can sgra mdo )zhes btags pa yin zer srol yod/gzhung 'di la rgya gar du 'grel pa grags che ba drug yod/('grel pa bi ma la dwa sa )zhes pa rtsom pa po'i slob dpon lab rten nas ming du btags pa zhig dang/(ka ma rten nu )zhes pa deng sang bar sbed pa gcig /slob dpon gong gsal gyis mdzad pa'i (gsal ldan chu rgyun/) gzhan yang phyi rol pa'i paN+Di tas brtsams pa'i 'grel pa (pa ri di be ka ste )yongs su snang byed ces pa dang (maN+Ta ni )zhes rgyan du gyur pa sogs rgya gar yul dbus kyi phyi nang gi paN+Di ta mang pos brtsams pa'i 'grel pa ha cang mang po yod/(dbyangs can sgra mdo )'di bod kyi lha mthong lo tsA ba bshes gnyen rnam rgyal gyis gzhung phyed tsam bod skad du bsgyur zhing/ngo nang tA ra na thas gzhung 'di nyid kyi rtsa ba bsgyur zhing/(mchog tu gsal ba )zhes pa'i 'grel pa zhig kyang mdzad/rjes su tA la'i bla ma sku phreng rnga pas bskul ma gnang ba ltar rab byung bcu gcig pa'i shing sbrul (1665)lor 'dar pa lo tsA ba ngag dbang phun tshogs lhun grub kyis/(dbyangs can sgra mdo'i 'grel pa rab tu byung ba gsal ldan )slob dpon a nu shu tis mdzad pa 'di nyid bod skad du bsgyur/gzhan yang bya bral blo bzang rin chen gyis mdzad pa'i (dbyangs can sgra TIk+ka mchan/) ngam ring mkhan po tshags sbur pa skal bzang 'phrin las kyis brtsams pa'i (dbyangs can sgra TIk+ka mchan )sogs mang po yod/gnyis pa/bod skad gyi dbang du byas pa'i sgra rig pa ni/rgyal po srong btsan sgom po'i dus su slob dpon sam b+ho Tas mdzad pa'i (sum cu pa )dang/(rtags kyi 'jug pa )sogs sgra'i bstan chos brgyad dang (thon mi'i mdo rdzi'i sgra sogs sgra mdo/) dpang lo tsA ba blo gros brtan pas mdzad pa'i (tshogs gsum gsal ba/) zha lu lo chen chos skyong bzang pos mdzad pa'i (sum rtags kyi 'grel pa )sogs sum rtags kyi 'grel pa ha cang mang po bzhugs yod pa 'dir ma bris/gsum pa/sgra rig pa'i nang don gyi gtso bo ni/rgya gar skad gyi dbang du byas na/rang bzhin dang/rkyen dang/rnam 'gyur gsum gyi sgo nas bshad dgos pas/dang po rang bzhin la byings dang ming gnyis yod/byings la yang nang gses gsum ste/1 mdo'i byings/2 rkyen gyi bcos pa'i byings/3 glegs bam las byung ba'i byings bcas yin/rang bzhin gyi nang gses ming dang rtags zhes pa gnyis don gcig ming gi rnam grangs ste byings la krid can ma byin pas byings kyi ming bor/si sogs kyi rnam dbye ma byin pas tshig tu ma grub pa de la ming dang rtags zhes zer zhing/de la pho mo ma ning gi rtags gsum yod cing de re re la nang gses kyi dbye ba mang po yod/gnyis pa rkyen ni sgra'i rang bzhin de gnyis ming tshig byings gang rung du bsgrub par byed pa'i rkyen zhig la zer zhing/de la yang/byings rtags su sgrub par byed pa'i rkyen/byings tshig tu sgrub pa/byings byings su sgrub pa/rtags rtags su sgrub pa/ming ming du sgrub pa/rtags byings su sgrub pa/rtags tshig tu sgrub pa bcas rkyen bdun yod/gsum pa rnam 'gyur la ming le kun bshad krer dung bcas pa rnams kyi bsgyur ba dang dbye ba ni/rang bzhin dang rkyen gnyis 'brel ba la brten nas byung ba'i rnam 'gyur yin zhing/mtshams sbyor le'u lnga'i bsgyur ba dang/dbyi ba ni yi ge tsham dang 'brel ba'i rnam 'gyur yin/zhib par sgra rig pa'i gzhung rnams su gsal/bod skad gyi dbang du byas pa'i sgra rig pa'i gzhung gi brjod bya gtso bo ni tshogs gsum ste/ming gi tshogs/tshig gi tshogs/de gnyis 'grub byed kyi yi ge'i tshogs bcas yin zhing/sum rtags gnyis dang dag yig bcas kyis tshogs gsum po de rgyas par bshad pa yin pas bod skad la sgra rig pa'i gzhung med zer ba ni sgra rig pa zer ba gang la go dgos pa mi shes pa'i rtags yin no/_

{{#arraymap:sgra rig pa

|; |@@@ | | }}