shAkya'i rgyal po

shAkya'i rgyal po

bdag cag gi ston pa sangs rgyas shAkya thub pa'i mtshan gyi rnam grangs shig yin/mnyam med shAkya'i rgyal po de nyid dang por byang chub mchog tu thugs bskyed/bar du bskal pa grangs med gsum la tshogs bsags/mthar mgon par rdzogs pa sangs rgyas te chos kyi 'khor lo rim pa gsum du bskor nas 'gro ba'i don rgyun chad med par mdzad/slob dpon klu sgrub kyis/dang por byang chub mchog tu thugs bskyed de/_/bskal pa grangs med gsum du tshogs bsags shing/_/bar du gcod pa'i bdud rnams 'joms par mdzad pa/_/bcom ldan seng ge de la phyag 'tshal lo/_/zhes gsungs so/_/thub pa'i dbang po 'di nyid kyi rnam thar dang mdzad pa 'phrin las bsam gyis mi khyab pa bcom ldan 'das kho la las 'phags pa gzhan rnams kyi spyod yul du'ang ma gyur na so skye'i blo yis phyogs tsam yang dpog dpar dga' mod 'phags bod kyi mkhas pa rnams kyi mdzad pa gtso che ba rnams sde mtshan bcu gnyis su don gyis 'du bar gsungs pa dang/rjes su mthun pa'i sgo nas 'dir yang thag pa che chung gi gdul bya thun mong la yongs su grags pa'i mdzad pa bcu gnyis phyogs tsam zhig brjod par bya ste/rgyud bla ma las/skye ba mngon par skye ba dang/1 dga' ldan gnas nas 'pho ba dang/2 lhums su 'jug pa dang/3 bltams pa dang/4 bzo yi gnas la mkhas pa dang/5 btsun mo'i 'khor dgyes rol ba dang/6 nges 'byung/7 dka' ba skyod pa dang/8 byang chub snying por gshegs pa dang/9 bdud sde 'joms pa dang/10 rdzogs par ni/11 byang chub chos kyi 'khor lo dang/12 mya ngan 'das par gshegs mdzad rnams/_/yongs su ma dag zhing rnams su//srid pa ji srid gnas par ston/_/zhes gsungs pa ltar mdzad pa bcu gnyis kyi thog ma dga' ldan gnas nas 'pho bar mdzad pa ni/bdag cig gi ston pa dga' ldan lha'i yul du lha'i bu dam pa tog dkar po zhes bya bar gyur te dga' ldan pa rnams la yang dag pa'i chos ston par mdzad/de'i tshe sngon gyi smon lam gyi mthu dang/sangs rgyas rnams kyi byin rlabs kyis 'dzum bu gling gi tshe lo brgya pa'i sems can rnams 'dul ba'i dus la bab mkhyen nas gzigs pa rnam pa lngas gzags nas dga' ldan gyi gnas nas 'pho bar mdzad do/_/gnyis pa lhums su bzhugs pa'i mdzad pa ni hor zla bzhi pa sa ga zla ba'i dkar phyogs kyi tshe bco lnga la glang chen thal dkar gyi tshul du lha las babs te yum sgyu 'phrul ma'i lhums su bkra shis pa'i dge mtshan du ma dang bcas te zhugs so/_/gsum pa sku bltams pa'i mdzad pa ni yum gyi lhums su zla ba bcu bzhugs nas hor zla dang po'i yar ngo'i tshes bco la bum bi ni'i tshul du yum gyi mchad khung g.yas pa'i rtsib mar bar nas yum la gnod pa me par na bzang dang bcas nas 'khrungs so/_/'khrungs ma thag phyogs rer gom pa bdun bdun bor te/'jig rten 'di na nga nyid mchod yin gsungs/gom pa re re me tog pad+ma re byung ba sogs ngo mtshar ba'i bkra shis kyi ltas du ma byung bas rgyal po zas gtsang mas bu 'dis sangs can gyi don thams cad lhun gyis grub par gyur pas mtshan yang gzhon nu thams cad grub pa zhes btags so/_/bzhi pa bzo 'i gnas la sbyangs pa'i mdzad ni de nas rgyal bu cher skyes nas slob dpon kun gyi bshes gnyen bya ba'i drung las yi ge slob (908) pa'i tshul bstan pas yi ge la mkhas par gyur gzhan yang mda' 'phang ba chu la rkyal ba 'degs dang mchong la sogs pa'i rgyu rtsal drug cu rtsa bzhi dang bzo'i gdan yod do cog la shin tu mkhas pas sus kyang 'gan zla med par gyur to/_/lnga pa btsun mo'i 'khor gyis rol pa'i mdzad pa ni 'jig rten gyi spyod pa dang mthun par bya ba'i phyir sa 'tsho ma dang grags 'dzin ma dang ri dwags skyes ma la sogs pa'i btsun mo drug khri dang bcas dgu lo nyi shu rtsa dgu'i bar khab tu bzhugs nas rtse dgas rol zhing rgyal srid kyi bya ba mdzad do/_/drug pa nges par 'byung ba'i mdzad pa ni dgung lo nyer dgu'i thog nyin zhig skyed tshal la gzigs pa'i phyir phebs pa na grong khyer ser skya'i phyogs bzhi na rga ba dang na ba dang 'chi ba dang tshangs spyod rab tu byung ba zhig bcas gzigs nas 'khor ba'i bya ba snying po med par dgongs te yab la rab tu byung bar zhus pas ma gnang bar grong khyer dmag gis bskor nas bsrung yang de'i mtshan mo btsun mo grags 'dzin ma'i mngal du sras sgra gcan 'dzin bzang po byin gyis brlabs te nam phyed na chibs pa sngags ldan la chibs rgyal chen bzhis steng gi nam mkha' la gdan drangs te mchod rten rnam dag gi drung du byon nyin kyi dbu skra nyid kyis bcad lha yis phul ba'i nang bzar ngur smig bzhes te rab tu byung bar mdzad do/_/bdun pa dka' ba spyad pa'i mdzad pa ni de nas byung chub sems dpa' khyim dang khyim med par rab tu byung ba'i rjes skabs der rgya gar la dar rgyas che ba'i mu stegs pa'i chos lugs la zas spangs pa dang mi lnga brten pa la sogs pa'i lus kyi dka' thub spyad de 'khor ba las grol bar 'dod pa sun dbyung zhing de tsam gyis thar pa thob mi thub par bstan pa sogs kyi dgos pa mang po la nye bar gzigs nas chu bo nai rany+dza na'i 'gram du lo drug tu skyel mo krung gcig gis zas dang skom bcad pa la sogs pa'i dka' ba spyad de'i tshe byang chub sems dpa'i lus rid cing mdangs nag por gyur pas dge slong nag po zhes grags de nas lus ngag gi dka' thub la snying po med pas spyod pa des kyang byang chub rdzogs par mi nus pa'i phyir slar kha zas rags pa gsol bas sku gser gyi mdog can 'od zer 'phro ba'i rang bzhin can du gyur to/_/brgyad pa byang chub snying por gshegs pa'i mdzad pa ni lam du rtswa 'tshong bkra shis byang ba las rtswa bslangs te stan gyi phyir bsnams nas byang chub nying la bskor ba lan bdun byas seng ge'i khri'i steng du rtswa'i rtse mo rnams nang du bstan nas bting ba'i steng du skyil mo krung bcas nas zhal shar du gzigs sku drang por bsrang dran pa mngon par bzhag nas stan 'dir bdag gi lus 'di skams kyang rung/_/pags rus pa sha rnams zhig kyang rung/_/bskal mang rnyed dka'i byang chub ma thob par/_/stan 'di las ni lus bskyod mi bya'o/_/zhes dam bca' mdzad do/_/dgu pa bdud btul ba'i mdzad pa ni de nas bdud sdig to can la'ang rmi ltas ngan pa sum cu rtsa gnyis byung ba sogs 'jigs skrag sngangs shing shin tu mi bzad pa'i sems bskyed de bdud kyi dmag yan lag bzhi dang ldan pa'i dpung chen po 'thab mo la shin tu dpa' ba dran pa tsam gyis kyang snying 'gas par nus pa'i 'jigs rung sprul pa brgya stong ldan pa bye ba phrag brgya 'ongs nas byang chub sems pa la sdig mo byed pa dang mtshon cha'i char 'bebs pa sogs byang chub las g.yo ba'i phyir bar chad bya bar brtsams kyang byang chub sems dpa' ni g.yo 'gul tsam yang mi nus shing mtshon cha 'phangs pa rnams kyang me tog gi char du gyur nas sa gzhi dang byang chub kyi shing mdzes par byed pa'i rgyan du gyur de nas slar yang rang gi bu mo sred ma dang dga' ma sogs la bar chad ci nus byos shig ces btang de dag gis kyang bzhin phyed (909) 'gebs pa la sogs pa bud med kyi g.yo sgyu so gnyis nye bar bstan te 'dod chags kyis bslu bar brtsams kyang thugs g.yo bar ma nus de ltar byang chub snying por bzhugs pa'i nam srod 'jigs rung g.yon can bdud kyi sde 'khor dang bcas pa rnams byams pa'i ting nge 'dzin gyis btul bar mdzad do/_/bcu pa mngon par rdzogs par sangs rgyas pa'i mdzad pa ni byang chub sems dpa' dgung lo so lnga bzhes pa'i lo der sa ga zla ba'i tshes bco lnga'i tho rangs kyi dus su bla na med pa yang dag par rdzogs pa'i byang chub tu mngon par rdzogs pas sangs rgyas so/_/de'i nub mo grags 'dzin ma la sras sgra gcan 'dzin dang bdud rtsi zan gyi bu kun dga' bo'am btsan zhes grags bcu gcig pa chos kyi 'khor lo bskor ba'i mdzad pa ni byang chub sems dpa' dgung lo so lnga par sangs rgyas nas dgung lo brgyad cu tham pa'i bar chos kyi 'khor lo rim pa gsum gyis gtsos theg pa che chung gi chos kyi 'khor lo mtha' yas pa zhig bskor nas lha dang mi la sogs pa'i gdul bya grangs las 'das pa zhig smin cing grol bar mdzad do/_/bcu gnyis pa mya ngan las 'das pa'i mdzad pa ni phyir bcom ldan ni bdud bzhi las rnam par rgyal ba'i go 'phang la gnas pas mya ngan las 'da' ba med kyang gdul bya rtag 'dzin can rnams kyis rtag par 'dzin pa bzlog pa'i phyir mthar dgung lo gya gcig pa'i sa ga zla ba'i tshes bco lnga la grong khyer chen po rtsa mchog tu sA la'i tshal gyi dbus tha ma'i gzims khri la seng ge'i nyal stabs kyis bzhugs te sku ngan las 'da' ba'i tshul bstan to/_

{{#arraymap:shAkya'i rgyal po

|; |@@@ | | }}