skad cig

skad cig

skad cig ni skad cig ma ste dus mtha'i skad cig ma dang/bya rdzogs kyi skad cig ma gnyis yod pa las/'dir ni dus mtha'i skad cig ma'i dbang du byas pa yin cing/dus chung zhing thung ba'i mthar thug pa de dus mtha'i skad cig ma'i mtshan nyid/de yang dus kyi mtha' shin tu phra ba snga phyi'i cha dbyer rgyu med pa la dus mtha' skad cig ma zer zhing/skyes bu nad med stobs dang ldan pa zhig gis se gol gcig gtogs pa'i yun tshad la cha drug cu re bzhi phye ba'i cha gcig gi yun tshad do/_/de lta bu'i thung mtha'i skad cig ma brgya dang nyi shu la/de'i skad cig gcig /de'i skad cig drug cu la thang cig /thang cig sum cu la yud tsam gcig /yud tsam sum cu la nyin zhig gcig /nyis zhag sum cur zla ba gcig /zla ba bcu gnyis la gcig go /ji skad du/se gol drug cu bzhir dbye'i cha gcig ni/_/dus mtha'i skad cig ma ste brgya nyi shu/_/de yi skad cig drug cur thang cig ste/_/sum cu yud tsam sum cu nyin zhag gcig /sum cu zla ba bcu gnyis lo gcig gir/_/grangs can nas ni rangs med bar du 'grub/_/ces gsungs pa ltar ro/'di rnams ni theg dman gyi lugs ltar byas pa yin gyi theg chen ltar na skyes bu nad med stos dang ldan pa zhig gis se gol gcig gtogs pa'i yun la cha sum brgya re lnga phye ba'i cha gcig la dus mtha'i skad cig ma'i tshad byed pa yin no/_

{{#arraymap:skad cig

|; |@@@ | | }}