sku mkhar ma ru

sku mkhar ma ru

pha bong kha ri khrod kyi ming rnying pa yin/lha sa grong khyer gyi byang phyogs spyi lo brgyad tsam song ba'i nyang bran dbu gdugs ri'i g.yas ngos ri la 'dabs su gnas shing/sku mkhar 'di chags sa ni phrag rdo rus sbal gyi dbyibs can/sa ngos las spyi khre nyi shu tsam gyis mtho zhing/rgya khyon spyi khre sum brgya tsam dang/shar lho nub gsum g.yang gzar can gyi steng du yod/'dzugs skrun lte ba'i bzo dbyibs ni/brag rdo rus sbal dbyibs kyi rnam pa dang mthun par phyogs gsum zlum po dang/byang ngos gru bcad kyi dkyil du sgo byang blta rdo skas rim pa mang po yod pa sogs gna' rabs 'dzugs skrun gyi dmigs bsal khyad chos ngo mtshar can dang ldan yod/sngon dus btsan po srong btsan sgam pos lha sa gtsug lag khang ma bzhengs pa'i gong du gnas 'dir sku mtshams la bzhugs nas 'dul mdzad pa ste/nyin gcig btsan po dang blon 'khor bcas po tA la'i pho brang gi rtse nas phyogs bzhi'i yul ljongs la gzigs pas byang ngos su dngos po nag ril chen po zhig gzigs nas phyi nyin gnas der gzigs su byon pas/dngos po nag ri la chen po thag 'dom kha shas kyis 'jal thub pa'i pha bong chen po rus sbal gyi dbyibs 'dra ba zhig yin pas thugs mnyes te gnas der sku mtshams la bzhugs thog /pha bong chen po de'i steng du sku mkhar thog brtsegs dgu yod pa zhig bzhengs/thon mi sam b+ho Ta rgya gar nas bod du phebs rjes gnas der deng sang nga tshos rgyun spyod byed pa'i bon yig gsar gtod gnang zhing/de'i yig phud rdo la brkos pa'i ma Ni yig drug bzhengs pa yang deng sang mjal rgyu yod/btsan po srong btsan sgam pos thon mi sam b+ho Ta slob dpon du bsten nas bod yig slob sbyong mdzad cing/btsan po khri srong lde btsan skabs gnas 'dir dge 'dun gyi sde thog mar btsugs nas rab byung mang po rgyun bzhugs mdzad/rgyal po glang dar mas bstan pa snub skabs sku mkhar 'di me la bsregs/das rabs bcu gnyis pa'i 'gor dge bshes po to bas nyin kyi dngos slob dge bshes brag dkar ba dang lhan du gnas 'dir phebs nas tshes bcu phug tu bzhugs te chos mang du gsungs shing/gnas 'di nyams gso byas te dge 'dun gyi sde 'dzugs dgos pa'i bka' gnang ba ltar/dge bshes brag dkar pas nyams gso dang 'brel dge 'dun gyi sde slar yang gsar 'dzugs gnang bas dge 'dun sum brgya tsam 'tshog thub pa byung/de nas nyams chag je cher rgyur skabs tA la'i bla ma sku phreng lnga pa'i yongs 'dzin gyi gtso bo 'khon ston dpal 'byor lhun grub kyis ser byes mkhan po lo 'ga' zhig gnang nas dgongs zhu mdzad de gnas 'di'i slob dpon dang chabs cig rgyun ring bzhugs gnang mdzad cing/'jam dbyangs bzhad pa sku phreng dang po ngag dbang brtson 'grus kyis gdan sa bkra shis 'khyil phyag 'debs rgyu'i sa 'dul rten 'brel gyi mdzad sgo yang gnas 'dir gnang/gnas 'dir yod pa'i sku gsung thugs rten dang/brag phug ngo mtshar can/mchod rten khag /dur khrod g.yas g.yon/chu mig gong 'og sogs kyi ngo sprod zhib par 'khon ston dpal 'byor lhun grub kyis mdzad pa'i (pha bong kha'i gnas yig mdor bsdus )dang/ser smad kong po ma chod khang rtse mchog sprul sku gong mas mdzad pa'i (pha bong kha'i gnas yig rgyas pa )pha bong kha'i dpar ma bcas la gzigs

{{#arraymap:sku mkhar ma ru

|; |@@@ | | }}